download HolidaySmart 假期日常 app
內地高考狀元三度重考拎獎學金,3年賺200萬,網民:憑實力得黎有咩問題

內地高考狀元三度重考拎獎學金,3年賺200萬,網民:憑實力得黎有咩問題

生活熱話
By Moon Lam on 30 Jun 2022
Digital Content Writer

做學生嘅難免會想入到間好大學,畢業之後搵份好工賺錢!不過有學生竟然retake三次,靠獎學金賺200多萬!原來真係有比名校畢業賺錢更加快嘅方法…

《魔幻之音》劇照Photo from 《魔幻之音》劇照

根據內地傳媒報導,一名內地高中生靠考3次高考嘅大學獎學金「致富」,3年來賺咗200萬人民幣,事件引起當地教育局成立工作小組調查。來自廣東茂名市青鳥實驗學校的畢業生全炫宇係2022年嘅高考狀元,以694/750高分考上北京大學。

《我是班導》 微博圖片Photo from 《我是班導》 微博圖片

青鳥實驗學校係高考完後拉橫額同貼大字報,大肆宣傳學校出咗個全市第一個嘅狀元,但係可能係太高調,全炫宇好快就被揭發係2020年已經高中畢業。有指佢當年同樣以高分考上北京大學,但取得獎學金後就拒絕咗取錄通知﹐再轉咗去另一間高中重讀高3,第二年又憑高分取得獎學金,如是者到今次第三次先被揭發。

微博圖片Photo from 微博圖片

2020年全炫宇就讀衡水中學實驗學校,校方更曾經發文介紹佢係「學習之星」,大讚佢陽光開朗、積極向上。2021年佢就讀江市北大附屬實驗學校,校方回應全炫宇的確都有考入北京大學,不過就無其他回應。

IG @y_haa.nPhoto from IG @y_haa.n

事件引起教育局小組調查,有網民就因為佢3次高考就讀嘅高中都唔一樣,質疑佢係「高考傭兵」,有欺詐嫌疑,不過網民竟然多數支持佢,認為全炫宇嘅做法無問題,網民話佢無犯法又無違規,考卷面前人人平等,佢有頭腦而且憑實力賺錢,仲笑稱人佢呢三年賺嘅比北京大學畢業嘅人仲多。

《打架吧鬼神》劇照Photo from 《打架吧鬼神》劇照

而曾經係全炫宇嘅同學就替佢出面澄清,佢只係想考入清華經管學院,清華經管要全省頭20名先考到入去,所以全炫宇先不斷重讀再重考,而佢今年係全省第16名,終於都可以入清華經管。

《天才槍手》劇照Photo from 《天才槍手》劇照

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel