download HolidaySmart 假期日常 app
改名即變貴價食物!豬肉vs豚肉/牛肉飯vs牛肉丼/海綿蛋糕vs古早味蛋糕

改名即變貴價食物!豬肉vs豚肉/牛肉飯vs牛肉丼/海綿蛋糕vs古早味蛋糕

時事熱話
By Jennifer on 30 Jun 2022
Digital Editor

包裝向來都係好重要,而名稱都有好大嘅影響力。近日討論區有網友討論唔少食物改咗名之後再推出市面就即時升價10倍!引起其他網民嘅熱烈討論,仲舉咗唔少例子,好多人都覺得好有共鳴。

近日討論區有網友討論唔少食物改咗名之後再推出市面就即時升價10倍Photo from 《摘星廚神》劇照

豬肉vs豚肉

豬肉絕對係香港人日常飲食最常食嘅肉類之一,價錢亦平民化,蒸、炒、煎,烚,煮法多樣。不過依家好多日式食肆都會將「豬肉」寫成日文「豚肉」,瞬間就有種日本食材嘅感覺,價格亦相對較高。

依家好多日式食肆都會將「豬肉」寫成日文「豚肉」,瞬間就有種日本食材嘅感覺Photo from 《深夜食堂》劇照

牛肉飯vs牛肉丼

受日本料理影響嘅仲有牛肉丼!「丼」本身係日文,指蓋澆飯類嘅日本料理,香港近年好多日式餐廳都會將牛肉飯稱為「牛肉丼」。

香港近年好多日式餐廳都會將牛肉飯稱為「牛肉丼」。Photo from 《孤獨的美食家》劇照

海綿蛋糕vs古早味蛋糕

之前香港曾掀起一股「古早味蛋糕熱潮」,街上出現好多店舖售賣古早味蛋糕,新鮮出爐騰騰震嘅蛋糕睇到人垂涎三尺!「古早味」其實係閩南語,意指傳統、懷舊嘅味道,台灣嘅古早風吹到嚟香港,有網友表示香港一早就有海綿蛋糕,改完名之後賣$60根本唔值!

香港曾掀起一股「古早味蛋糕熱潮」Photo from 香港美食一條街

有網友表示香港一早就有海綿蛋糕,改完名之後賣$60根本唔值!Photo from LIHKG

餐蛋麵vs部隊鍋

部隊鍋來自韓國,係軍人用剩餘嘅腸仔、即食麵、罐裝午餐肉、芝士等食材煮埋一煲。有網友認為部隊鍋只係嘅用料平民,即食麵、午餐肉得好多人屋企都有,制作成本低,但喺韓國餐廳要價超過$100!

部隊鍋來自韓國,係軍人用剩餘嘅腸仔、即食麵、罐裝午餐肉、芝士等食材煮埋一煲Photo from 《一起吃飯吧3》劇照

蛋vs玉子;半熟蛋vs溫泉玉子

「玉子」嚟自日文,意指經過料理嘅雞蛋,「玉子」雖然睇落簡單都要花唔少功夫,通常喺日本餐廳嗌「玉子」售價亦遠超一般雞蛋!除咗玉子外,仲有「溫泉玉子」,依家好多嘅「溫泉玉子」根本就唔係用溫泉水煮熟,但其價格亦升價唔少。

「玉子」雖然睇落簡單都要花唔少功夫,售價亦遠超一般雞蛋Photo from 《全城熱戀》劇照

依家好多嘅「溫泉玉子」根本就唔係用溫泉水煮熟Photo from 《孤獨的美食家》劇照

叉燒煎蛋飯vs黯然銷魂飯

「黯然銷魂飯」嚟自周星馳電影《食神》,其實就係叉燒飯加煎蛋,本身係香港好多茶餐廳都有嘅港式碟頭飯,碟頭飯一向都唔貴,但「黯然銷魂飯」有周星馳加持,售價亦比其他碟頭飯更高。

「黯然銷魂飯」嚟自周星馳電影《食神》Photo from 《食神》劇照

「黯然銷魂飯」就係叉燒飯加煎蛋Photo from 《食神》劇照

「黯然銷魂飯」有周星馳加持,售價亦比其他碟頭飯更高。Photo from LIHKG

涼粉vs仙草

「仙草」係台灣叫法,香港人以往多數叫「涼粉」,不過越嚟越多台式飲品/甜品店進駐香港,「仙草」已漸漸替代「涼粉」,而涼粉本身就唔貴,但冠上「仙草」呢個台灣叫法後,售價就大大提高!

「仙草」係台灣叫法,香港人以往多數叫「涼粉」Photo from 《50次初吻》劇照

拆散嘅Burger vs All day breakfast

All day breakfast一般都唔平,好多時都賣逾$100,有網友就指其實All day breakfast根本就係將漢堡包拆開,將包同餡分開放,不過亦有人指Burger嘅市價同All day breakfast其實都係差唔多,並唔算「升價」。

All day breakfast一般都唔平,好多時都賣逾$100Photo from 《 大叔的愛》劇照

有網友就指其實All day breakfast根本就係將漢堡包拆開Photo from LIHKG

有人指Burger嘅市價同All day breakfast其實都係差唔多Photo from 《愛情漢堡包》劇照

有好多網民表示所謂「改名」其實就係以日本或台灣等外地叫法代替香港原本嘅叫法,令到食物好似係從外地嚟咁,自然有高級嘅感覺,價錢亦相對提高。

好多網民表示所謂「改名」其實就係以日本或台灣等外地叫法代替香港原本嘅叫法Photo from 《婚姻的兩種猜想》劇照

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

WFH點派散水餅掀熱議!網友提議:開Zoom表演食蛋糕、派西餅emoji

18 Feb 2022

新冠肺炎疫情嚴峻,唔少公司都安排員工在家工作。有網友就喺討論區發文問如果喺WFH嘅情況下辭職,應該點樣派散水餅畀其他同事?唔少網友都留言提供好多方法。

新冠肺炎疫情嚴峻,唔少公司都安排員工在家工作。Photo from TVB

公司安排在家工作,離職點派散水餅?

last day派散水餅畀同事算係辦公室一項不成文規矩,所以離職時買咩散水餅係唔少打工仔嘅煩惱。不過近日本港疫情相當嚴重,政府更帶頭安排公務員在家工作,好多公司都跟隨。

last day派散水餅畀同事算係辦公室一項不成文規矩Photo from TVB

近日本港疫情相當嚴重,政府更帶頭安排公務員在家工作,好多公司都跟隨。Photo from HolidaySmart

咁work from home嘅情形下離職,last day要點先可以派到散水餅呢?有網民就喺連登討論區發文問網友意見,引起熱議。

work from home嘅情形下離職,last day要點先可以派到散水餅呢?Photo from TVB

網友提議「用zoom派」

有網民表示可以「用Zoom派」,疫情下學校、公司都會以Zoom上堂、開會,zoom已成為唔少學生、打工仔常用App。既然返工都用zoom見同事,派散水餅咁大件事當然都係用zoom派啦!

疫情下學校、公司都會以Zoom上堂、開會Photo from TVB

返工都用zoom見同事,派散水餅咁大件事當然都係用zoom派啦!Photo from TVB

有網友寫得更具體,佢建議樓主買一盒散水餅返屋企,然後開Zoom喺同事面前食晒佢,每食一舊,就叫一位同事個名,咁就等於派咗畀嗰位同事。

有網友寫得更具體,佢建議樓主買一盒散水餅返屋企,然後開Zoom喺同事面前食晒佢Photo from TVB

有網友佢建議樓主每食一舊,就叫一位同事個名,咁就等於派咗畀嗰位同事。Photo from lihkg

派西餅emoji,經濟又方便

另外有網友稱:「派西餅emoji得啦」,wfh同同事聯絡多數都係以WhatsApp等通訊工具,喺WhatsApp send個蛋糕emoji畀同事當小小心意。

wfh同同事聯絡多數都係以WhatsApp等通訊工具,喺WhatsApp send個蛋糕emoji畀同事當小小心意。Photo from TVB

有網友稱:「派西餅emoji得啦」Photo from lihkg

呢個提議同「用zoom派」有異曲同工之妙,仲唔使花錢就可以派到源源不絕嘅散水餅,經濟實惠又方便快捷,派足幾打都濕濕碎!

唔使花錢就可以派到源源不絕嘅散水餅Photo from TVB

以電子coupon代替

有網民就表示可以派餅卡、coupon。其實依家流行電子支付,派利是都有得用手機派,唔少店舖都有推出電子coupon,送呢啲同派散水餅都係一樣~

依家流行電子支付,派利是都有得用手機派,唔少店舖都有推出電子coupon,送呢啲同派散水餅都係一樣~Photo from TVB

send email通知同事已足夠,唔使另外派散水餅

亦有人指根本唔使派咩散水餅,Send返封email就算。網友指wfh派嚟都無意思,加上同事都無時間可以同佢farewell,無謂特登買散水餅派。

有人指根本唔使派咩散水餅,Send返封email就算。Photo from lihkg

好多人都無派散水餅~Photo from lihkg

網友指wfh派嚟都無意思,加上同事都無時間可以同佢farewell,無謂特登買散水餅派。Photo from 未生

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel