《披荊斬棘》陳小春林峯吳卓羲同組，公演曲目曝光，大灣仔2.0組成在望！

內地綜藝節目《披荊斬棘》之前傳出過出演名單，最近終於有分組相曝光？見到有張智霖、吳卓羲、林峯、劉愷威、溫兆倫、陳小春、泰國男星Mike等等，同網傳名單差唔多一樣！

Photo from 微博圖片

《披荊斬棘的哥哥》係舊年推出嘅真人騷節目，第一季播出後馬上成為熱話，有份參與嘅藝人都再次翻紅。今次《披荊斬棘》就係第二季，網上曾經流傳過唔少次會出演嘅「哥哥」名單，而早前更流傳一份「最終版」名單。

Photo from 微博圖片

最近因為《聲生不息》而爆紅嘅曾比特都真係有份做「哥哥」，有指因為佢係《聲生不息》吸納唔少粉絲，所以臨時加入今次節目！

Photo from MikE曾比特 微博圖片

29號係第一次錄影，終於曝光參加者公演嘅曲目同分組，仲有唔少路透圖公開。當日仲有參與大眾評審嘅網友係微博透露部分現場情況，例如「主持人小齊今天的造型也是帥得不行，還跟蘇有朋握了手，今天不洗右手了」、「哥哥們好帥，和好多哥哥都近距離對視和握手了」等，令網友超期待節目播出。

Photo from 微博圖片

Photo from 微博圖片

Photo from 微博圖片

Photo from 微博圖片

Photo from 微博圖片

Photo from 微博圖片

Photo from 微博圖片

Photo from 微博圖片

Photo from 微博圖片

而公選曲分組﹐張智霖、劉愷威、王大陸等一組，會合唱《我還年輕我還年輕》；周柏豪就拍住任賢齊等人演唱任賢齊代表作《傷心太平洋》；而陳小春、林峯、吳卓羲、溫兆倫將會合作演唱《一生何求》，呢首歌係溫兆倫做嘅劇集《義不容情》嘅主題曲！佢地係唯一全港人嘅一組，網民笑言佢地會唔會組成新嘅「大灣區」組合？

Photo from 微博圖片

除咗合唱分組，仲有網傳嘅個人曲目，周柏豪會演唱自己嘅歌《你還怕大雨嗎》；曾比特就揀咗周杰倫超難嘅歌《髮如雪》；林峯會演唱經典劇集歌《越難越愛》；王大陸就會唱自己主演嘅電影《我的少女時代》嘅主題曲《小幸運》；信樂團前主唱蘇見信演唱返自己嘅代表作《死了都要愛》！唔少都係經典歌曲！

Photo from 微博圖片

Photo from 微博圖片

同個人曲目披露一齊登場嘅仲有打call助陣陣容，有傳杜德偉會邀請好友梁朝偉同張學友助陣；鄭鈞就會邀請王菲助陣；任賢齊會邀請五月天嘅阿信，有咁多重量級人馬助陣，相信《披荊斬棘》會再次掀起熱潮！

Photo from 微博圖片

相關文章：《披荊斬棘2》超豪華卡司名單流出 林峯、黃宗澤、吳卓羲組團 連周杰倫都有份？

相關文章：《披荊斬棘的哥哥》宣布開拍第二季 張智霖表示將有全新賽制！原班人馬將回歸《大灣仔的夜2》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編