download HolidaySmart 假期日常 app
內地知名女創業家公開徵友!列出12項擇偶條件!強調:每個條件都需要滿足

內地知名女創業家公開徵友!列出12項擇偶條件!強調:每個條件都需要滿足

生活熱話
By Stephanie on 30 Jun 2022
Digital Content Writer

單身偶爾難免會感到寂寞,渴望可以尋覓到能夠合襯嘅另一半。最近,內地金融界嘅一位事業女強人李蓓喺網上公開徵友,並列出咗超多項擇偶條件。由於佢本身喺金融界都頗有知名度,所以呢個徵友post好快就備受網民關注!

「半夏投資」創始人李蓓早前於網上公開徵友!Photo from 李蓓微博

39歲內地金融界女強人公開徵友!

日前,內地財經圈非常出名嘅「私募魔女」兼半夏投資創始人李蓓喺網上公開徵友,令佢再度備受熱議。根據內媒報導,佢喺1983年出生,2005年於北京大學畢業並獲得金融學士,其後進修獲得金融碩士;隨後任職投資相關工作,直到2015年先開始自立門戶開咗投資公司,係一位名副其實嘅女強人!

李蓓本身就係一位從事金融業嘅女強人,非常有學識!Photo from 微博

列出超多擇偶條件,強調「每一個條件都要滿足」!

從李蓓喺網上所出嘅post所見,佢列出咗希望未來另一半能夠擁有嘅條件,並附上自稱冇P圖冇美肌嘅照片。喺外在方面,佢寫明「年齡20至50,身高178 cm以上,顏值要人群前20%」,身材健康勻稱,陽光有自信。而本身擁有高學歷嘅佢亦要求另一半嘅教育程度達到985大學(即係內地嘅重點大學)或者海外學歷都得,只要同佢一樣即可!

李蓓出post列出所有擇偶條件!Photo from 微博

佢希望另一半身材均勻,要陽光有自信,相信做gym嘅男仔就啱晒喇~Photo from 《上流社會》

對另一半的性格要求

而性格方面,李蓓強調對方要「是一個理性客觀平和的人,不憤青不情緒化。你有一定的智慧,有遠見或洞見,不隨波逐流。有自己熱愛的事業,專業或愛好,並能夠持續自我驅動,為之持續努力,因此你的眼睛裡應該有光。」睇嚟係希望另一半都有返穩定嘅事業基礎~

李蓓強調每一個條件都好重要,必須符合!Photo from 微博

佢亦希望另一半要有一定嘅事業基礎,能夠擁有自己事業!Photo from 《社內相親》

偏好低調戀愛?!

隨後,李蓓講述心目中理想情侶嘅相處模式,希望二人間嘅關係係溫暖平和嘅,能夠了解對方嘅喜好,並且默默互相陪伴、安慰、照顧同支持彼此。最重要嘅係「不能過多要求對方,不宣洩情緒、不炫耀戀愛」,似乎比較鍾意低調地拍拖。

佢表示希望二人嘅談戀愛嘅時候係保持低調Photo from 微博

佢希望二人能夠相處融洽,互相支持陪伴!Photo from 《無法抗拒的他》

網民反應兩極

李蓓一出post之後,好快就引起網民熱議!唔少網民都講笑咁話「姨姨,我不想努力了!」、「傷心!身高不夠」等,認為應該好多男生會想報名嘗試。但亦有網民認為佢嘅要求過高「這種條件要在天上找」,覺得佢好難成功搵到符合所有條件嘅男士;部份網民就反而讚賞佢誠實講出擇偶條件,認為佢擁有咁多錢難免對另一半嘅要求比較高!

部份網民認為佢嘅條件太苛刻,覺得佢比較難搵到符合嘅對象!Photo from 微博

但有網民覺得佢身家富有,擇偶條件自然亦會比較嚴格!Photo from 《產後調理院》

過往曾有過一段婚姻!

事實上,李蓓過往曾有過一段婚姻,2010年與任職基金經理嘅梁文濤結婚,二人育有2名女兒。2011年,兩夫婦一齊成立泓湖投資基金,曾被外界譽為內地金融界嘅金童玉女~可惜,二人最終於2017年對外宣佈離婚;當時李蓓發聲明表示二人只係因為價值觀不同而分開。

李蓓曾經油國一段婚姻,仲育有2名可愛嘅女兒。Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

43歲港女網上徵求男友! 為男友提供每個月3萬家用+約會津貼?

22 Oct , 2021

有唔少人都希望尋覓到能夠陪伴自己嘅另一半,可惜往往事與願違。最近,有位43歲嘅港女就於交友網上徵求男友,並表示願意向男友支付高達$3萬嘅家用以及拍拖津貼,高金額嘅「人工」令唔少網民感到非常驚訝!

港女提出嘅徵友條件十分吸引,令網民非常心動?!Photo from TVB

# 港女網上徵男友

現今社會每個人都因為忙於工作而缺乏時間尋覓另一半,唔少人都會透過徵友網站或者交友apps去認識對象。最近,有網民就發現有女士於網站貼出徵友告示,並表示願意男友提供經濟協助,令網民於討論區以「有筍工益高質仔 170cm熟女徵男伴」為題開post。

有網民發現港女嘅徵友post,並向廣大網友展示呢份「荀工」!Photo from TVB

# 中女經濟能力超強!

從徵友告示所見,呢位43歲嘅港女身高約170cm,年薪大約係$350萬港幣,經濟能力可以話係非常厲害!

43歲港女於網上公開徵男友!Photo from 高登討論區

# 3大擇偶條件!

港女只係列明咗3項擇偶條件:愛打高爾夫球、唔吸煙、身高180cm或以上,只要有以上條件都有機會可以成為佢嘅男友。成為呢位中女嘅男友後,佢仲每個月都為男友提供家用$3萬蚊,而兩人拍拖約會都將會有津貼,每小時將獲取$3,000!

識得打高爾夫球係其中一個必要嘅擇偶條件!Photo from 愛奇藝YouTube

# 網民表示非常吸引!

呢個post隨即引起好多網民嘅關注,唔少網民都認為港女所提供嘅條件令人非常心動,「同佢拍拖睇戲就已經可以輕鬆賺到好多」;亦有網民為自己未能夠達到3大條件而感到可惜,慨嘆自己身高唔夠!

網民認為中女所提供嘅經濟條件實在非常吸引!Photo from 高登討論區

唔少網民都講笑咁話達到條件嘅人都應該要認識下呢位女士!Photo from TVB

# 網民覺得港女難以搵到合適伴侶!

不過有網民就認為識得打高爾夫球嘅男士大多都已經好有錢,根本就唔會被拍拖津貼同家用所吸引到,而且佢哋好多時都唔需要透過徵友網站認識對象,覺得港女距離搵到「真愛」似乎仲有啲距離。

但有網民覺得識打高爾夫球嘅男士大多比較有錢,唔會因為呢啲條件而感到心動。Photo from 高登討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel