download HolidaySmart 假期日常 app
林二汶忠實男粉絲寫下7,000字長文,批評對方「成個人變晒」!猜測受信仰所影響?道教師傅真身公開!

林二汶忠實男粉絲寫下7,000字長文,批評對方「成個人變晒」!猜測受信仰所影響?道教師傅真身公開!

娛樂新聞
By Stephanie on 04 Jul 2022
Digital Content Writer

近來越來越多歌手北上發展,而歌手林二汶亦開始拓展自己喺內地嘅事業。最近,佢有份出席《香港回歸祖國二十五周年文藝晚會》演唱《中華頌》,歌曲仲由佢自己一手包辦,而佢公開表示一直都對國樂非常感興趣。有過往嘅忠實粉絲打下千字文,指林二汶係受信仰所影響,導致行為舉止180度大變?!

自稱林二汶嘅忠實男粉絲喺FB上載長文,批評林二汶突然改變係受信仰所影響?!Photo from 林二汶IG

忠實男粉絲痛心寫7,000字長文

日前,一名自稱17歲開始就支持At17嘅男粉絲「Jackson」喺FB寫下7,000千字長文。佢提及過往一有演出就會出席,隨住見偶像嘅次數增加,林二汶亦開始認得佢。直到2015年,佢仲竟然同「偶像」有近距離交談嘅機會,佢憶述林二汶叫當時嘅另一半送波鞋俾佢,仲邀請佢上屋企飲酒「個晚應該係我人生最dreamy既一晚,而家諗返都覺得有啲難以置信。」

一名表示係林二汶忠實男粉絲喺FB寫下長文Photo from Jackson FB

男粉絲表示自己17歲就開始支持at17,而佢亦因為成日去支持對方,而被林二汶認得Photo from 林二汶IG

2015年,林二汶仲曾經送過波鞋,仲邀請佢上屋企飲酒!Photo from Jackson FB

當時林二汶都同粉絲保持友好關係!Photo from Jackson FB

陪伴林二汶到達事業高峰!

隨後,男粉絲亦一直默默支持At17,深深明白林二汶因為痛失好姐妹盧凱彤(Ellen)而陷入低潮期,寫信鼓勵對方。2020年,林二汶榮獲叱咤樂壇「我最喜愛的女歌手」以及《Chill Club 推介榜年度推介20/21》「年度女歌手金獎」殊榮,可以話係登上事業高峰,而作為粉絲嘅Jackson亦非常感動!

2018年林二汶經歷好拍檔盧凱彤離世,令佢陷入低潮!Photo from 林二汶IG

2020年,林二汶獲得Chill Club年度女歌手金獎+叱咤樂壇「我最喜愛的女歌手」,事業登上高峰!Photo from 林二汶IG

上年平安夜表演超失望?

然而喺2021年嘅平安夜,Jackson批評林二汶舉辦嘅《Sing Dance 音樂會》表現令人失望「我睇到一頭霧水,然後在一個完全冇message和冇內容的歌單下作結」,當時嘅佢喺台下衝動大喊,而佢相信對方喺台上亦聽到。而且佢認為林二汶似乎已經失去當初做音樂人嘅初心,「TVB早排先將勁歌金曲縮短到半個鐘到冇,呢個地方真係會係一個做音樂既好地方咩?」

粉絲表示自己當時嘅聲量好大,所以相信林二汶有聽到佢嘅喊話Photo from 林二汶IG

認為林二汶似乎已經失去初心?!Photo from Jackson FB

林二汶隔空回應粉絲批評?

林二汶昨日(3日)喺社交平台開直播,一共獻唱咗3首歌,並未有提及自己創作嘅新歌曲。最後佢就感謝支持佢嘅粉絲「好多謝你哋,曾經愛我的人,或者而家好憎我啦,應該係,肯定係。我好想講好多謝你哋曾經愛過我,我都好多謝而家都愛我的一些人。」似乎隔空回應粉絲們嘅批評!

昨日(3日)林二汶喺FB開直播,期間似乎有回應粉絲們嘅批評?!Photo from 林二汶FB

認為對方改變可能同信仰有關?!

另外,Jackson表示宜家佢似乎明白點解林二汶會突然改變咗,認為好大機會同對方現時嘅師傅有關?!過往林二汶喺舉辦紅館演唱會時,公開自己信奉道教「喺最壞嘅時候遇到一班人,就係我信仰嘅師傅。我係道教嘅弟子,認識咗神明,演唱會、人生、學習都交畀佢」,仲向大家分享自己嘅道號係「玄晞」。

粉絲猜測林二汶突然變咗可能同信仰有關?Photo from Jackson FB

林二汶喺演唱會公開感謝師傅,陪伴渡過難關!Photo from 林二汶IG

林二汶2019年開始信奉道教

林二汶表示自己係玄武財神嘅弟子,相信佢應該喺深水埗「玄武財神殿」學習,而該FB專頁所上載嘅照片亦周不時見到林二汶嘅身影。翻查下發現佢喺2019年開始出席「玄武財神殿」嘅義工活動,包括探訪老人、派發糧食等。

專頁上載嘅照片亦能夠見到林二汶嘅身影!Photo from 玄武財神殿FB

而林二汶經常都出席義工活動,包括派米、探訪老人家等。Photo from 玄武財神殿FB

師傅「玄鳴老師」真身公開

而林二汶喺《中華頌》嘅MV結尾公開多謝師傅「玄鳴老師」,而佢嘅師傅自稱擁有台灣護照,曾喺台北創立「台北財神殿」,但現時已經停業。而師傅曾經喺FB專頁大晒收到嘅Hermès 、Rolex名錶等,生活奢華。

林二汶嘅師傅係「玄鳴老師」,自稱擁有台灣護照Photo from 玄武財神殿FB

曾喺FB專頁大晒名錶Photo from 玄武財神殿FB

仲大晒收到嘅第一個Hermès禮物Photo from 玄武財神殿FB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【全民造星3】E-kids Alan 40歲仍參賽追夢 花姐、林二汶皆不看好:幫佢唔到

12 Nov , 2020

今年 40 歲嘅前 E-kids 成員林詠倫(Alan)雖然出過碟同開過演唱會,但係佢都決定參加《全民造星3》,一眾網民都笑佢年紀太大,就連監製花姐、林二汶同彭秀慧好似都唔睇好,仲話「幫佢唔到」!

Photo from 《全民造星3》

Alan 喺預選時畀花姐問到年齡問題,仲問佢參賽後會「畀人笑」多定係「留意」多,雖然 Alan 就認為會多咗留意,但花姐就好肯定話佢係會畀人笑。

好多負評!Photo from 《全民造星3》

其實兩位導師喺預選完都覺得 Alan 嘅情況有啲灰,雖然佢符合條件,但佢最多只會咁樣,幫佢唔到。而花姐就覺得 Alan 其實唔錯,但好肯定佢未來唔係星。

Photo from 《全民造星3》

旁白亦都道出現實,話大家提起 E-Kids 都只會記起另一成員阮民安(Tommy),或者係 「MK」同會考成績。

右為阮民安TommyPhoto from 《全民造星3》

Alan 坦然見到網上嘅負評都覺得好唔開心,但佢都係想放低偶像包袱去突破自己,搵返以往嘅熱誠。同埋想為組合爭返一口氣,話畀大家知其實 E-Kids 都識唱歌跳舞。

Photo from 《全民造星3》

Alan 喺前哨戰跳唱張學友嘅《頭髮亂了》,雖然佢落足力表現,但後台嘅花姐同兩位導師林二汶、彭秀慧都覺得麻麻哋,花姐仲話「好老套」同「睇得好尷尬」。

width=

表演完後,Alan 獲得 Eric Kwok 同 Joey Tang 2 盞藍燈,成功晉身下一輪,不過後台嘅 3 位見到就大叫「Oh No!」,而林二汶同彭秀慧都好似無打算撳燈拉佢入隊。

Photo from 《全民造星3》

2位導師都話幫唔到AlanPhoto from 《全民造星3》

Eric Kwok 亦有問到 Alan 有關年齡嘅問題,不過 Alan 就話佢不忘初衷,由 20 年前開始就已經好鍾意唱歌跳舞,所以就拋低包袱參賽。 Alan 亦有鼓勵年輕人唔好放棄自己嘅理想~

Alan一番說話感動晒在場人士Photo from 《全民造星3》

Alan 嘅回答感動咗林二汶,最後林二汶亦撳燈收佢入組。而 Eric Kwok 同主持強尼都表示好「Respect」Alan。

強尼同Eric Kwok都表示尊敬Photo from 《全民造星3》

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel