港女懷疑親生細佬鍾意自己男友？ 4個行為起疑心 網民：做家姐讓下細佬啦

好多親兄弟姊妹嘅成長環境相近，所以大家嘅性格喜好都非常似，有時候就係因為太過親近，有啲秘密更加難以啟齒。日前有女網民喺Dcard開po，懷疑親生細佬鍾意咗自己男友，隨即引起熱烈討論。

Photo from Dcard討論區

一早感覺到細佬係同性戀？

事主指從生活細節上感覺到細佬係同性戀者，指細佬會喺IG追蹤大隻佬，又對Fashion好有興趣，但細佬冇講，所以自己就扮睇唔到。

Photo from 《上流社會》劇照

細佬對自己男友好感興趣

事主表示自從父親節帶男友返屋企食飯後，開始察覺到細佬有古怪，話細佬食飯嘅時候不時望住男友，食生果時又向男友問東問西，最後仲同男友交換埋IG，然後晚晚一齊打機。

Photo from 《大叔的愛》劇照

Photo from 《大叔的愛》劇照

情況超尷尬唔識處理

由於事主冇任何證據證明細佬係同性戀，加上自己又唔肯定，若果問起細佬嘅話，佢否認都奈佢唔何，但自己又冇理由叫男友疏遠細佬，感覺奇怪又尷尬。

Photo from 《藍天白雲》劇照

網民留言叫佢唔好同細佬爭

唔少網民搞笑留言：「讓俾你細佬啦，男朋友都要同細佬爭」、「你做家姐就讓下個細佬啦」。有人則認為事主太過敏感：「唔好咁癡線啦，打機姐」」，亦有人建議事主同男朋友商量或直接問細佬求過安心。

Photo from Dcard

相關新聞：妹妹撞見哥哥帶新女友回家即打電話畀原配「報串」！結局竟然係咁？！

相關新聞：一家人睇樓 弟弟女友同行仲好熱情 成交後因說一句話令全家超愕然！

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

港男自覺有機似《大叔的愛》黃德斌 中途轉基！女友驚失去男友 網民：多數有「基」心！

5 Jul 2021

熱播中的ViuTV劇集《大叔的愛》近日成為全城熱話，早前有港男發文指介意媽媽迷上此劇，但近日，卻有港女擔心男友變成劇中嘅黃德斌，嚟個中途轉基！更嚇到劇都唔敢再睇~

Photo from 大叔的愛 ViuTV

《大叔的愛》不論劇情、演員及帶來嘅影響都充滿話題性。由於題材有關同性戀，唔係個個都受落，有部分男士因此抗拒觀看。不過，有男觀眾則投入到認為自己有可能似劇中嘅黃德斌，愛上男人，嚇壞女友！

Photo from 大叔的愛 ViuTV

最近，一名女網民到香港討論區發文表示，佢同男友觀看完《大叔的愛》後，男方向佢提問：「如果有一日我都好似黃德斌咁，你會點呀？」

Photo from 大叔的愛 ViuTV

Photo from 香港討論區 評論

此問一出，女事主即被嚇窒，更稱「呢幾日都唔敢同佢睇呢套劇」。佢遂指，男友數天後到了朋友屋企打機至深夜，並聯絡女方指因害怕晚歸會嘈醒佢，所以當晚決定留喺朋友家過夜。

Photo from 大叔的愛 ViuTV

此事進一步加深事主對男友可能「中途轉基」嘅擔憂，遂向網民問道：「死喇…佢個問題係假設問題定係嚟真架？」

Photo from 大叔的愛 ViuTV

有網民認為事主男友有機會只係隨口講下，事主無需要太緊張。另有網民稱，喜愛觀賞此類有關男男戀劇集嘅男性，多少也有一點點「搞基」的心；雄心重嘅男人會連睇到劇集標題都立即反感。亦有人認為事主男友係隱性基，「因為男人對男人，是冇幻想力，除左基」，事主亦回應：「死啦…係咪我唔好？係我叫佢陪我睇」。

Photo from 大叔的愛 ViuTV

Photo from 香港討論區 評論

Photo from 香港討論區 評論

有網友建議，既然男友嘅問題係假設性，就索性回答一些佢喜歡聽嘅答案，打個完場就得。

Photo from 香港討論區 評論

另有網民建議，假設性問題就唔好回答，免得節外生枝，而女事主都將此建議置頂，以示同意。

Photo from 香港討論區 評論

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）