download HolidaySmart 假期日常 app
戀講嘢|KOL丁丁3位前任及男友都係朋友!4人曾同框打籃球!曾經與其中2位一齊去旅行?

戀講嘢|KOL丁丁3位前任及男友都係朋友!4人曾同框打籃球!曾經與其中2位一齊去旅行?

生活熱話 電視電影
By Stephanie on 06 Jul 2022
Digital Content Writer

ViuTV節目《晚吹-戀講嘢》最新一集邀請咗KOL丁丁(丁彥均)分享自己嘅愛情經歷,原來佢現任男友同3位前任都非常鍾意打籃球,而且佢哋都住喺北區,互相都認識大家;而佢就向大家解釋「男友」喺同一個圈子嘅好處!

KOL丁丁(丁彥均)上節目分享前任們同現任男友嘅愛情故事,最神奇嘅係4位「男友」都認識大家?!Photo from 丁丁IG

KOL丁丁分享4位男友共通點!

相信唔少人喺選擇另一半嘅時候,都可能會盡量避免喺同一個社交圈子尋找~最新一集嘅《晚吹-戀講嘢》就邀請咗23歲KOL丁丁分享佢嘅複雜愛情故事,當中佢結交嘅4位男友都係打籃球嘅,而且全部都居住喺北區,所以4人都認識彼此。

丁丁表示4位男友有2大共同點!Photo from 《晚吹-戀講嘢》

佢哋都係打籃球嘅,而且都居住喺北區Photo from 《晚吹-戀講嘢》

認為做運動嘅男仔比較單純!

而193就不禁詢問丁丁係咪對籃球員情有獨鍾,而佢就覺得做運動嘅男仔比較單純「淨係顧住打波好熱血,可能啲人會覺得好傻,但就係傻先吸引。」

丁丁覺得做運動嘅男仔比較單純!Photo from 《晚吹-戀講嘢》

大讚做運動嘅男仔好熱血!Photo from 《晚吹-戀講嘢》

分享歷任拍拖時間線

其後,丁丁就向主持們分享同歷任男友們交往嘅順序時間線。A男係佢中學同學,當時男方成績好,所以就會幫佢同朋友們補習;熟悉後佢發現A男為人風趣幽默,而且對方各方面都幾好,所以就同佢拍拖。然而,喺佢哋中學畢業後就分手收場。

丁丁表示A男係中學同學,學業成績好,所以就會幫佢補習Photo from 《晚吹-戀講嘢》

相處之下,佢發現A男非常幽默就同對方交往~Photo from 《晚吹-戀講嘢》

B男同A男本身就認識

而B男就喺retake DSE文憑試嘅時候交往,男方突然回覆佢嘅IG Story而變得熟絡,後來二人因為經常一齊溫書而擦出愛火。而同B男交往後,男方亦有繼續同A男打籃球,不過二人曾經因為丁丁而發生爭執。不過喺同B男分手後,佢哋又再重新做返朋友。

而丁丁同B男本身其實就係中學同學Photo from 《晚吹-戀講嘢》

無意中發現對方都係retake DSE,所以就經常相約一齊打籃球Photo from 《晚吹-戀講嘢》

而B男同A男就係一齊打籃球嘅關係,曾經因為佢而發生小爭吵Photo from 《晚吹-戀講嘢》

與C男交往後,發現對方認識2位前任?!

C男就係透過朋友介紹而認識,交談後丁丁發現同C男居住嘅位置非常近,經常傳訊息傾計,發展成情侶關係。而佢就表示係無意中發現佢原來認識A男及B男,仲曾經一齊打過學界比賽同街場。

丁丁透過朋友介紹而認識C男Photo from 《晚吹-戀講嘢》

仲意外發現C男原來本身就已經認識2位前任男友?!Photo from 《晚吹-戀講嘢》

成功搵到前任們神奇同框照:第4位係現任男友!

而丁丁當時搵到3人同框一齊打波嘅照片,而佢就話最神奇嘅係「第4個人就係我現任男友」,而且相中嘅籃球仲搞笑地P咗丁丁嘅樣貌,令主持人們都驚訝表示係預知未來嘅照片!

而丁丁當時就發現A男、B男及C男同框一齊打籃球嘅照片!Photo from 《晚吹-戀講嘢》

最神奇嘅係照片中第4位籃球員就係佢現任男友!Photo from 《晚吹-戀講嘢》

D男與C男係好兄弟!

丁丁再講述同現任男友(D男)嘅交往經過,表示同C男分手1年後先同D男有聯絡。而且D男仲同佢講C男喺同丁丁分手前就已經不停向身邊嘅朋友講佢壞話,令部份朋友都似乎對佢有啲不滿。而D男本身同C男就係中學同學,而且關係非常好,過往一齊打學界籃球比賽。

而丁丁同C男分手後,先同現任男友有聯絡!Photo from 《晚吹-戀講嘢》

當時因為想攞返自己嘅物品,所以就拜託C男身邊嘅好友幫手,但就發現C男不停講佢壞話!Photo from 《晚吹-戀講嘢》

曾經同2位男友一齊去旅行?

其實丁丁同現任男友第一次見面嘅時候,係以C男女友嘅身份認識,佢哋一般朋友仲一齊去過旅行。而主持人們都猜測當時男友已經對丁丁萌生愛意,而男友亦承認一早就想認識佢。

丁丁仲大爆同C男交往時,曾經一班朋友一齊去旅行,而D男亦喺度!Photo from 《晚吹-戀講嘢》

而男友貪曾男當時已經想認識丁丁!Photo from 《晚吹-戀講嘢》

解釋同一圈子認識另一半的好處!

丁丁認為過往嘅男友都喺同一個圈子,對佢而言係好事。因為佢哋本身係朋友,所以同男生交往嘅時候都可以大概知道佢其他朋友嘅性格;然而主持人們都表示唔能夠接受另一半喺同一個圈子。

丁丁解釋交往過嘅男友喺同一圈子嘅好處Photo from 《晚吹-戀講嘢》

能夠從前任口中得知佢身邊嘅朋友性格為人Photo from 《晚吹-戀講嘢》

丁丁IG追蹤人數多,擔任多間服裝店模特兒

23歲嘅丁丁係KOL兼多間服裝店嘅模特兒,五官精緻笑容甜美,IG Followers足足有4.6萬!過往佢曾經拍攝過與運動有關嘅節目,仲喺ViuTV出演足球節目,又難怪佢特別鍾意做運動嘅男仔嘅~

丁丁嘅IG followers高達4.6萬人!Photo from 丁丁IG

現時佢亦係多件服裝店嘅模特兒~Photo from 丁丁IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

戀講嘢|林作下屬Bronte獲全公司男性追求?一日三餐有人請大感困擾

30 Jun , 2022

ViuTV節目《晚吹-戀講嘢》新一集「超級萬人迷」嘉賓Bronte霍穎璇分享佢獲公司男同事爭相追求,星期一至五每日三餐都有人請佢食飯,公司開會時唔同嘅追求者更會爭風呷醋!令佢大為困擾,表示嚴重影響工作。

ViuTV節目《晚吹-戀講嘢》新一集「超級萬人迷」嘉賓Bronte霍穎璇分享佢獲公司男同事爭相追求Photo from 《晚吹-戀講嘢》

林作下屬Bronte自爆獲全公司男性追求?!

20歲嘅Bronte表示佢係林作嘅女下屬,公司有非常多男同事,當193問到佢追求者數量有幾多時,Bronte稱星期一至五每日三餐都有唔同人約食飯,而大多數都係約喺公司附近嘅米線舖,佢指試過同一日之內喺同一間餐廳等唔同嘅男士過嚟,連侍應都認得佢,場面尷尬!

20歲嘅Bronte表示佢係林作嘅女下屬,公司有非常多男同事Photo from 《晚吹-戀講嘢》

當193問到佢追求者數量有幾多時,Bronte稱星期一至五每日三餐都有唔同人約Photo from 《晚吹-戀講嘢》

Bronte指試過同一日之內喺同一間餐廳等唔同嘅男士過嚟,連侍應都認得佢,場面尷尬!Photo from Bronte IG

除咗日日有人請食飯之外,追求者更會送好多毛公仔畀佢,Bronte表示佢曾提過鍾意一個卡通人物,男同事即爭相送上公仔、杯畀佢做禮物,擺到佢辦公枱無晒空位。

Bronte表示佢曾提過鍾意一個卡通人物,男同事即爭相送上公仔、杯畀佢做禮物,擺到佢辦公枱無晒空位。Photo from 《晚吹-戀講嘢》

男同事為佢爭風呷醋,Bronte認為太多人追影響工作

Bronte指佢係由前男友帶佢加入林作團隊,工作至今已有年幾兩年,佢表示自己平時返工都唔會點打扮,更試過素顏,但好多男同事明知佢有男朋友都熱烈追求,之後Bronte同前男友感情生變,追求者就越嚟越多。Bronte認為太多人追影響到佢嘅工作同日常生活。

Bronte指佢係由前男友帶佢加入林作團隊,工作至今已有年幾兩年Photo from Bronte IG

好多男同事明知佢有男朋友都熱烈追求,之後Bronte同前男友感情生變,追求者就越嚟越多Photo from 《晚吹-戀講嘢》

主持忍唔住指林作公司嘅男生都唔係認真做嘢而係為追女仔,Bronte稱曾有唔少男同事為佢爭風呷醋,例如喺開會嘅時候追求者A若提出意見,另一啲追求者就會表示反對、提出其他想法。又試過追求者A獲獎,追求者B當日就唔會返工。

主持忍唔住指林作公司嘅男生都唔係認真做嘢而係為追女仔Photo from 《晚吹-戀講嘢》

Bronte稱曾有唔少男同事為佢爭風呷醋,例如喺開會嘅時候追求者A若提出意見,另一啲追求者就會表示反對Photo from 《晚吹-戀講嘢》

Bronte已與前男友復合,勸追求者「收手」

193問咁多追求者中有無人成功追到佢,Bronte表示有曾經有一個人成功過,對方比佢大10幾年,Bronte指自己選擇佢嘅原因係當時想談一段平平淡淡嘅戀愛,而對方係眾多追求者中比較「正路」嘅人,但兩人只交往2個月就分手。

193問咁多追求者中有無曾經有人成功追到佢,Bronte表示有一個人成功過,對方比佢大10幾年Photo from Bronte IG

Bronte指自己選擇佢嘅原因係當時想談一段平平淡淡嘅戀愛,而對方係眾多追求者中比較「正路」嘅人,但兩人只交往2個月就分手。Photo from 《晚吹-戀講嘢》

Bronte現在戀愛中,佢表示同帶佢入公司嘅前男友復合,今次上節目嘅目的就係為咗勸退公司嘅追求者,仲話會喺公司將呢集日日播放,希望佢哋知難而退。

Bronte現在戀愛中,佢表示同帶佢入公司嘅前男友復合Photo from Bronte IG

Bronte稱今次上節目嘅目的就係為咗勸退公司嘅追求者Photo from 《晚吹-戀講嘢》

曾獲林作母親提名參選港姐,Bronte已升職

其實Bronte曾獲林作母親提名參選港姐,當時更獲讚似林作舊愛麥明詩,但佢初選時被淘汰,無緣晉級28強。之後佢加入林作團隊做保險從業員,林作曾多次出post大讚佢工作表現好。

其實Bronte曾獲林作母親提名參選港姐,當時更獲讚似林作舊愛麥明詩Photo from 林作 IG

Bronte港姐初選時被淘汰,無緣晉級28強。Photo from 娛樂新聞台

Bronte加入林作團隊做保險從業員,林作曾多次出post大讚佢工作表現好。Photo from Bronte IG

節目播出後,林作喺IG發文:「嚴禁 #林作保險軍團 內部同事搞男女關係。雖然已經有一對人入來認識了後相識相愛結婚了」佢又指Bronte已升職:「最癲嘅係佢今個月升職。將會成為營業經理Unit Manager UM。20歲咋!」

節目播出後,林作喺IG發文:「嚴禁 #林作保險軍團 內部同事搞男女關係。雖然已經有一對人入來認識了後相識相愛結婚了」Photo from 林作 IG

林作指Bronte已升職成為營業經理Photo from Bronte IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel