download HolidaySmart 假期日常 app
52歲大媽出演相親節目,自認樣靚身材正!主動向69歲伯伯示愛慘遭拒絕!擇偶條件令在場男士卻步?

52歲大媽出演相親節目,自認樣靚身材正!主動向69歲伯伯示愛慘遭拒絕!擇偶條件令在場男士卻步?

時事熱話 生活熱話
By Stephanie on 06 Jul 2022
Digital Content Writer

現時社會出現「遲婚」現象,根據過往統計處嘅資料顯示,香港男女嘅初婚年齡已經突破30歲。最近,一位52歲嘅內地大媽參加相親節目搵男友,而佢就非常有自信咁表示「長的漂亮就是我的本錢」;但佢公開列出擇偶條件後,卻竟然令男士們卻步?!

52歲大媽出演內地相親節目,希望尋覓到理想對象!Photo from 《選擇》

52歲大媽參加內地相親節目

當大家喺現實生活中搵唔到伴侶嘅時候,可能都會嘗試參加各種嘅相親活動。日前,一名52歲陳姓大媽出演內地相親節目《選擇》,對外表十分有自信嘅佢自稱「美魔女」,而佢嘅外型同身材都的確保養得宜,要搵到男友似乎並冇難度~

52歲陳女士曾經結過婚,不過現時已經回復單身!Photo from 《選擇》

外型條件不錯,追求者眾多

根據內地傳媒報導,陳女士曾經有過一段婚姻,但現時已經回復單身。而本身懂得打扮、性格風趣幽默嘅佢異性緣唔錯,身邊不乏追求者,但就係偏偏未能搵到條件相符嘅男士!

陳女士本身嘅身材苗條,而且性格都幾幽默,所以身邊都有好多追求者Photo from 微博

現時大多用父母退休金維持生活!

陳女士透露現時自己冇屋冇車,月薪得2,000人民幣(約港幣$2,340),當主持人詢問佢「那兩千多夠生活嗎?」,而佢就立刻表示唔夠「有點慚愧,有一丟丟啃老(花費父母嘅金錢)。」而佢就表示父母嘅經濟狀況幾好「我媽知道我不夠就會給我」。

陳女士現時一個月只係賺到2千人民幣,完全應付唔到生活開支!Photo from 《選擇》

陳女士表示唔夠錢用嘅時候,就會攞父母嘅退休金用Photo from 《選擇》

強調自己:並非無底線的物質女!

但陳女士話自己「不是無底線的物質女」,坦承過往拍過3次拖。頭兩次都並冇花過男友嘅錢,反而係俾錢嗰個;直到第3任係因為離婚先向對方索取3萬人民幣!

但陳女士就話過往嘅感情經歷中,從來冇花過男友嘅錢?!Photo from 《選擇》

只係離婚嘅時候,詢問對方攞咗3萬蚊!Photo from 《選擇》

列出2大擇偶條件後,令在場男士卻步?

而陳女士率先大晒自身優點,認為身上最有自信嘅就係佢嘅外表「我長得漂亮,能讓男人臉上有光。娶我不吃虧,我還有個有趣的靈魂。」認為對另一半而言,佢係一位好朋友亦係好女友,絕對稱得上係「優質」!而佢就公開擇偶條件,要求對方係有錢人或拆遷戶(即已擁有房屋男士),令節目中嘅男士都卻步。

而佢公開擇偶條件,但就瞬間令在場男出演者面有難色!Photo from 《選擇》

主動追求69歲男出演者,卻遭拒絕!

節目中,陳女士似乎對其中一位男出演者幾滿意,對方係69歲嘅朱伯伯,原本任職翻譯員,現時已經退休。當二人正式面對面見面時,陳女士超主動釋出好感;而男士亦因為佢所列出嘅擇偶條件而記得佢。但男士就非常直接咁話「我們不是一類人」,拒絕同佢進一步互相了解。

而陳女士就睇中咗69歲過往任職翻譯員嘅朱伯伯!Photo from 《選擇》

二人面對面見面時,陳女士就非常主動咁同對方握手等,希望對方記得佢!Photo from 《選擇》

然而,朱伯伯就拒絕陳女士嘅好意!Photo from 《選擇》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

疫情下封區撮合2對相親男女?!突然被迫同居!兩對CP結局截然不同

18 Jan , 2022

疫情問題持續,唔少地方都可能會因為受到影響而突然封城。而近日就有唔少單身男女似乎因為封城嘅關係而尋覓到良緣?!有兩位女子都分別喺相親嘅時候撞正封城,導致被迫要同男方同居,令唔少網民都直呼「簡直就係天意」!

28歲女子因為相親撞正封區而被迫同對象同居,兩人最後亦成功開花結果!Photo from TVB

# 28歲女子相親卻被迫與對方同居?!

相信大家都會認同「相遇係一種緣分」,但能否同心儀對象繼續發展落去就要視乎情況喇~日前,來自陝西嘅女子就回鄉相親,但卻竟然因為突然封城嘅關係,而被迫喺第一次見面嘅男士屋企同居幾乎一個月?!

陝西女子去相親,卻被迫要喺對方屋企居住接近1個月?!Photo from 微博

# 二人去年12月認識!

根據媒體報導,28歲趙曉青表示相親喺親戚安排嘅,並因此而初次認識男子趙飛。二人上年12月頭第一次見面,當時係男方拜訪女方屋企,並且同佢嘅父母一齊食飯。

二人上年12月第一次見面,後來女生就前往男生故鄉探訪!Photo from 微博

# 開展接近1個月同居生活!

直到12月中,今次就到趙曉青飛往男方嘅家鄉咸陽,預備同對方見面,而佢當時亦因為覺得初次見面非常尷尬,所以就決定唔會留宿。然而,計畫趕不上變化!趙飛所居住嘅社區因為爆發疫情而需要臨時封閉,而佢就被迫要居住喺男方屋企,開展咗長達接近1個月嘅「同居」生活!

但相親當日,卻竟然遇上封城,被迫住入對方屋企!Photo from 微博

# 男方父母催婚,遭女方婉拒!

趙曉青表示「一開始很尷尬,但他們都很好人,慢慢就適應了!」,並融入對方嘅家庭環境中。而男方父母喺同居一個星期後,就已經催促兩人盡快結婚,不過趙曉青覺得過於急促而婉拒對方!

男方父母喺同居1星期後,就已經希望兩人定下婚事!Photo from 微博

# 二人日久生情,決定解封後訂婚!

隨住同男方相處嘅日子變長,趙曉青發現佢哋唔單止樣貌有啲相似,就連愛好同觀念都非常一致,兩人因此成為情侶!其中男生最令佢感動嘅行為就係「我晚上要直播賣蘋果,不論多晚他都會陪我!」,仲決定解封後就會訂婚!

隨住兩人了解加深,佢哋日久生情發展成為情侶。Photo from 微博

其中女方被男方一個舉動而感到感動!Photo from 微博

# 網民反應兩極!

呢段由疫情所撮合嘅戀情,引起網民熱議。有網民就認為兩人非常合襯,覺得佢哋嘅緣分一定好深「真的是命中註定!」;但亦有網民認為成件事只係炒作,質疑相親點解會去人屋企,並認為女生係想為自己嘅直播增加點擊率?!

有網民就祝福兩人,大讚佢哋外型合襯!Photo from 微博

但有網民就覺得相親去人哋屋企有啲唔合理,認為女生可能係想炒作?!Photo from 微博

# 28歲王小姐被迫與第一次見面對象同居!

而另一位來自河南鄭州嘅28歲OL王小姐就第一次同相親對象孫先生見面,並相約喺佢屋企食晚飯。點知,當王小姐預備離開嘅時候,卻發現該小區被劃分成隔離區域,所有人都唔可以進出,令佢突然要住喺獨居嘅男士家中!

28歲來自河南嘅王小姐相親嘅時候,同孫先生第一次見面就被迫同居!Photo from 微博

而男生亦非常有風度地,讓床俾王小姐睡覺!Photo from 微博

# 意外發現住家男一面!

喺兩人「同居」期間,王小姐不時都會拍攝影片,仲意外發現男子溫柔嘅另一面,例如:主動讓張床比佢、做家務等。而佢仲大讚男方廚藝了得「每天都餵飽我!」,令網民不禁想入非非!雖然同相親對象共處一室,但佢就話兩人並冇因此而變得熟絡,依然非常尷尬。睇嚟呢pair距離真係交往仲需要一啲時間喇~

王小姐同居期間,發現男方溫柔嘅一面!Photo from 微博

而佢就大讚男方廚藝唔錯,經常都會「餵飽」佢!Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel