download HolidaySmart 假期日常 app
港男自問樣子不錯、似郭富城？呻只有男性埋身拎電話，搵唔到女朋友

港男自問樣子不錯、似郭富城？呻只有男性埋身拎電話，搵唔到女朋友

時事熱話
By Jennifer on 08 Jul 2022
Digital Editor

近日有一名港男喺香港討論區發文指佢人近中年，但仍然搵唔到另一半感到好煩惱。佢表示自己雖然條件非常普通，但自問有幾分似郭富城，可惜由細到大都難搵女朋友，於是開post同網民訴苦。

近日有一名港男喺討論區發文指佢人近中年，但仍然搵唔到另一半感到好煩惱Photo from 《男兒王》劇照

30幾歲港男呻搵唔到女朋友

雖然網上有金句：「你的樣子如何，你的日子也必如何」，但外型唔係一切，好多人結交朋友時都會考慮其他因素，即使生得靚仔都唔代表會好易搵到女朋友。

好多人結交朋友時都會考慮其他因素，即使生得靚仔都唔代表會好易搵到女朋友。Photo from 微博

喺香港討論區有網友開post「不知不覺間人生已到3字頭，但呢刻好絕望......」，樓主表示自己已經30有多，但現時仲係單身，令佢覺得人生無咩希望。

樓主表示自己已經30有多，但現時仲係單身，令佢覺得人生無咩希望。Photo from 《愛情無全順》劇照

無車無樓但外型ok？

樓主坦言自己條件一般，本身收入唔高，早前更失業到依家都未搵到嘢做，屬於「4無人士」：無車、無樓、無工作、無女朋友。言談之間都感受到樓主好灰。

樓主坦言自己條件一般，本身收入唔高，早前更失業到依家都未搵到嘢做Photo from 《男人唔可以窮》劇照

佢指自己自小異性緣就好差，長期都無女朋友，不過樓主稱：「自問樣子都ok，戴上口罩有幾分似郭富城」，睇嚟佢對自己嘅外型都頗為自信，可惜未獲其他女性欣賞，樓主有喺郭富城後寫上「（高度）」，相信係講緊高度同郭富城差唔多。

樓主稱：「自問樣子都ok，戴上口罩有幾分似郭富城」Photo from 微博

只有男性埋身拎電話

樓主指之前出去玩佢都有試過畀人抄牌，問佢拎電話，但對象全部都係男士，樓主表示自己唔受異性歡迎，30幾歲人無拍過拖，但就廣受同性愛戴：「有冇人慘得過我，比我更絕望？」

樓主指之前出去玩佢都有試過畀人抄牌，問佢拎電話，但對象全部都係男士Photo from 《我家浴缸的二三事》劇照

樓主表示自己唔受異性歡迎，30幾歲人無拍過拖，但就廣受同性愛戴Photo from 《巧克力》劇照

網友建議參加興趣班

有網民安慰樓主，指好多人到40歲先有初戀，樓主回覆：「無錢⋯⋯真係會搵到初戀？」網友表示拍拖呢家嘢豐儉由人，唔一定要有錢先拍到拖。亦有人指起碼樓主個樣算唔差，好多人無錢又無樣：「你仲想點呀？」

有網民安慰樓主，指好多人到40歲先有初戀，樓主回覆：「無錢⋯⋯真係會搵到初戀？」Photo from 《愛情無全順》劇照

有人指起碼樓主個樣算唔差，好多人無錢又無樣：「你仲想點呀？」Photo from 《飆速宅男》劇照

有網友就認為樓主應該先搵份工作養活自己，而樓主則稱自己喺女仔面前好怕羞，唔識點同佢哋相處，有人建議佢可以搵啲輔導或者興趣班，擴闊自己嘅生活圈子，先有機會識到女朋友！

樓主則稱自己喺女仔面前好怕羞，唔識點同佢哋相處Photo from 《大宅男》劇照

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

港男徵伴侶移民英國！自稱40歲單身寡佬、英文超差、有經濟能力

11 May 2022

近年好多香港人選擇移民，英國係其中一個熱門地方。近日Facebook群組有男士「徵友」作伴一齊去英國，佢列出自己嘅條件，稱年逾40歲、單身，更承諾伴侶即使唔做嘢都願意照顧埋佢！

近年好多香港人選擇移民，英國係其中一個熱門地方。Photo from HolidaySmart

港男發文徵伴侶移民英國

香港近年掀起移民潮，唔少港人都選擇到英國發展，不過人在外地開展新生活，都會希望有人作伴。喺Facebook群組「大埔人大埔谷」就有網民發文徵友。

香港近年掀起移民潮，唔少港人都選擇到英國發展，不過人在外地開展新生活，都會希望有人作伴。Photo from 《北京遇上西雅圖之不二情書》劇照

自稱40歲單身、英文差，但有經濟能力

佢指自己40歲出頭，單身寡佬、英文超差，想搵個伴一齊去英國。雖然英文唔好，但佢自稱有足夠財力：「經濟能力方面妳無我有，我可以照顧妳」，揚言即使對方唔使做嘢都夠生活。

佢自稱有足夠財力：「經濟能力方面妳無我有，我可以照顧妳」，揚言即使對方唔使做嘢都夠生活。Photo from 《特務打爆機》劇照

唔想外地一人終老，要求伴侶係大埔人

不過佢亦表示希望移民時間可以遷就佢，畀佢考埋個車牌先。網民又提到佢之所以想搵個伴侶一齊移民，全因「一把年紀人在外地唔想一人終老」。

樓主提到佢之所以想搵個伴侶一齊移民，全因「一把年紀人在外地唔想一人終老」。Photo from 《北京遇上西雅圖之不二情書》劇照

網民提出因為自己係大埔人，所以盡量想搵返同為大埔人一齊走，又補充指：「最好同村長大」，佢強調「邊個國家都唔愛，只愛自己人生。」

因為自己係大埔人，所以盡量想搵返同為大埔人一齊走Photo from 《太陽的後裔》劇照

強調「邊個國家都唔愛，只愛自己人生。」Photo from Facebook群組「大埔人大埔谷」

網民：男士得唔得？

樓主呼籲有意者同佢聯絡。不過就關閉咗留言功能，有網友cap圖後另開新post討論佢嘅帖文，雖然樓主無標明作伴人嘅性別要求，不過似乎網民已默認係女伴：「想問佢男男可唔可以」、「男得唔得？」，有網民幽默回覆：「關回覆『公能』，咁男士都應該得」

雖然樓主無標明作伴人嘅性別要求，不過似乎網民已默認係女伴Photo from Facebook群組「大埔人大埔谷」

網友：「想問佢男男可唔可以」Photo from 《輪到你了》劇照

有網民幽默回覆：「關回覆『公能』，咁男士都應該得」Photo from Facebook群組「大埔人大埔谷」

又有網民指佢英文唔好但又移民英國點確定到自己一定可以照顧埋另一半，建議佢上下英文班先去英國，有網民則表示好似睇緊以前啲「登報尋偶」廣告咁。

有網民指佢英文唔好但又移民英國點確定到自己一定可以照顧埋另一半，建議佢上下英文班先去英國Photo from 《單身男女》劇照

有網民則表示好似睇緊以前啲「登報尋偶」廣告咁。Photo from Facebook群組「大埔人大埔谷」

網友指樓主中、英文都唔太好Photo from Facebook群組「大埔人大埔谷」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

時事熱話郭富城網民熱話女友港男香港討論區