三尖外賣煲仔飯｜懶人必備！12分鐘即整方便版煲仔飯 流沙肉餅+和牛雙窩蛋+足斤焗蜆

煲仔飯不限於堂食，佐敦新開間煲仔飯外賣店，主打即叫即整的新鮮煲仔飯外賣，而且標榜12分鐘就岀爐，方便又快捷，簡直是懶人必備！

外賣現在成行成市，連煲仔飯都有外賣店！佐敦新開間煲仔飯外賣店，有20多款口味煲仔飯選擇，無論是臘味、豬牛雞肉，或是海鮮類都應有盡有！

Photo from presslogic

煲仔飯由機器蒸煮，小店老闆Sam指機器可以確保飯的品質穩定，不會讓煲仔飯過於焦燶。而且平日堂食環境未必舒服，外賣形式便可以讓客人在家也歎到美味的煲仔飯。店家獨沽一味只做外賣，主打新鮮煲仔飯，標榜12分鐘就岀爐！

Photo from Presslogic

外賣盒保温1小時

老闆Sam經多次嘗試才選用現在的外賣包裝，用錫紙盛載著，再用紙盒包裝，可以保温1小時，就算回到家也吃到暖笠笠的煲仔飯。另外外賣盒內還附送自家製的菜脯、豉油和葱花，大家可以按自己的需要加配，又不會影響飯的品質！

Photo from Presslogic

食肉獸最愛

煲仔飯一定要食肉餅飯，其中黃金流沙肉餅令人食欲大增！鹹蛋流沙醬佈滿於肉餅上，肉餅夠厚身，而且肉質軟綿多汁；伴上鹹香流沙醬，醬香濃郁，令人食不停口。飯粒軟熟，翻開飯底就是煲仔飯的精粹，飯焦脆香可口！最受歡迎就是胡椒豬肚肉餅，蒸煮時聞到陣陣胡椒香氣，豬肚粒爽口脆嫩，與黑白胡椒的配合，伴飯一流！

Photo from Presslogic

如果想食牛肉的話，和牛雙窩蛋煲仔飯選用100%澳洲和牛，用料絕不馬虎。雙蛋賣相吸引，流岀的蛋汁最適合佐飯。

Photo from Presslogic

海味類煲仔飯

想吃較傳統的煲仔飯，可以揀海味煲仔飯，加入元貝仔、銀魚仔和海龍蝦乾作配料，色香味俱全。另外還有創新的鰻魚煲仔飯，賣相較為日式，將原條鰻魚放上飯面後蒸煮，飯粒吸盡鰻魚汁的精華，散岀陣陣鰻魚香。

Photo from Presslogic

足斤焗蜆

小食方面推介原味焗蜆，有成1斤白蜆，非常足料。蒸煮前加上調味料、青椒和蒜蓉調味，令白蜆鮮中帶辣，蒜香味更突岀白蜆的鮮美，非常惹味！

Photo from Presslogic

三尖外賣煲仔飯
地址：油麻地彌敦道317號金漢大廈地下E號舖
營業時間：11:30am 至 11pm
電話：93161340 (Whatsapp)

更多【美食推介】請按此

相關文章：
BluHouse|尖沙咀Rosewood酒店海景餐廳！手工意大利粉＋即烤薄餅＋甜品

相關文章：
Tic Tac Room|中環最旺馬會投注站翻新成洋食屋！炮製最強蘭王蛋包飯

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）