download HolidaySmart 假期日常 app
林青霞11億半山豪宅起火！面積逾5萬呎、花園無敵景觀曝光，估計損失過億？！

林青霞11億半山豪宅起火！面積逾5萬呎、花園無敵景觀曝光，估計損失過億？！

娛樂新聞
By Jennifer on 08 Jul 2022
Digital Editor

林青霞位於飛鵝山豪宅發生三級火，有指豪宅係林青霞老公邢李㷧送畀佢嘅60歲生日禮物，市值約11億！豪宅面積逾5萬呎，設有泳池、網球場、健身室等，今次火警估計損失過億！

林青霞位於飛鵝山豪宅發生三級火Photo from 有線新聞

林青霞11億半山豪宅起火

飛鵝山豪宅火勢猛烈，已持續幾個小時，起火後屋內18名傭工攜多隻寵物逃出。消息指屋主並唔喺屋內，有傳豪宅係由林青霞老公邢李㷧所送，係林青霞60歲生日禮物。

有傳豪宅係由林青霞老公邢李㷧所送，係林青霞60歲生日禮物。Photo from 林青霞微博

飛鵝山豪宅火勢猛烈，已持續幾個小時，起火後屋內18名傭工攜多隻寵物逃出。Photo from 有線新聞

豪宅面積逾5萬呎，有圖書館、健身室、泳池、網球場、娛樂室等，建築商曾經喺官網疑似公開豪宅內部裝潢，豪宅有5間套房及客房，全屋裝修豪華，飯廳有4,000呎、花園則有幾萬呎。

林青霞豪宅面積逾5萬呎，有圖書館、健身室、泳池、網球場、娛樂室等Photo from 林青霞微博

林青霞豪宅內部景觀曝光

以往林青霞曾經喺微博公開部分嘅豪宅景觀，佢擁有唔少藏書，難怪要特地開一間房作圖書館之用。

以往林青霞曾經喺微博公開部分嘅豪宅景觀Photo from 林青霞微博

林青霞擁有唔少藏書，難怪要特地開一間房作圖書館之用。Photo from 林青霞微博

林青霞之前表示屋企後院有仙鶴日日飛來飛去，從佢拍攝嘅照片可見，後院空間極為廣闊，而且一片青聰，仲可望到綠油油嘅山景，吸引到「仙鶴」光臨，可見林青霞嘅豪宅後院打理得十分認真。

林青霞之前表示屋企後院有仙鶴日日飛來飛去Photo from 林青霞微博

從林青霞拍攝嘅照片可見，後院空間極為廣闊，而且一片青聰，仲可望到綠油油嘅山景Photo from 林青霞微博

估計珍藏古董、珠寶損失過億？

雖然火警無人受傷，但屋內唔少擺設恐怕都會受到損壞。林青霞有收藏古董、珠寶等。佢曾晒出Cartier嘅古董鑽石耳環同頸鍊，喺60歲生日宴會上，林青霞亦有配戴珍藏嘅Cartier皇冠現身，林青霞擁有嘅珠寶珍藏都係有價無市。

雖然火警無人受傷，但屋內唔少擺設恐怕都會受到損壞。Photo from 有線新聞

林青霞曾晒出Cartier嘅古董鑽石耳環同頸鍊Photo from 林青霞微博

喺60歲生日宴會上，林青霞配戴珍藏嘅Cartier皇冠現身Photo from 林青霞微博

除咗珠寶，林青霞更有兩個LV化妝箱，係35年前由施南生送贈，相信市價已超過40萬，另外仲有各款名牌手袋。今次火警，估計損失過億！不過有網友指屋主應該有買家居保險，但無咗珍藏的確令人遺憾。

除咗珠寶，林青霞更有兩個LV化妝箱，係35年前由施南生送贈Photo from 林青霞微博

林青霞有收藏古董、珠寶等。Photo from 林青霞微博

有網友指屋主應該有買家居保險Photo from LIHKG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

77歲秦沛複式豪宅曝光！獨力撫養姜麗文兄妹長大，曾為爭撫養權傾家蕩產

29 Jun 2022

秦沛（Paul哥）出身於演藝世家，入行至今超過70年喺電影電視圈都有多部作品。年逾七旬，近年秦沛享受生活，日前愛女姜麗文為佢慶祝生日，公開佢所住嘅豪宅，裝修十分有氣派。姜麗文曾透露爸爸為爭取佢哋兄妹嘅撫養權不惜傾家蕩產，非常偉大！

秦沛（Paul哥）出身於演藝世家，入行至今超過70年喺電影電視圈都有多部作品。Photo from 《荷里活有個大老千》劇照

秦沛出身於演藝世家，與子女感情極佳

秦沛嘅父母都係演員，佢細細個已以童星身份參演電影，之後佢一直有拍攝電影，長大後順理成章做演員，多年嚟佢喺影壇、電視圈都有唔少嘅作品，曾多次獲得香港電影金像獎、金馬獎嘅「最佳男配角」，地位舉足輕重。

秦沛嘅父母都係演員，佢細細個已以童星身份參演電影，之後佢一直有拍攝電影，長大後順理成章做演員，Photo from 姜麗文IG

近年佢減產不少，慢慢開始享受人生，女兒姜麗文參演電視劇演技亦備受認可，更奪得「飛躍進步女藝員」，喺台上致謝辭時佢亦提到爸爸。秦沛與子女感情極好，姜麗文IG不時會晒出父女合照。

秦沛與子女感情極好，姜麗文IG不時會晒出父女合照。Photo from 姜麗文IG

近日姜麗文推出新歌《爸爸放心我出嫁》，秦沛當然有參演愛女嘅MV，姜麗文曾透露爸爸其實好中意女兒嘅圈外老公柏豪，亦一早承認其女婿地位，但得知婚訊後仍十分不捨愛女出嫁，仲話：「你不如唔好咁快結婚啦！」

近日姜麗文推出新歌《爸爸放心我出嫁》，秦沛當然有參演愛女嘅MVPhoto from 姜麗文IG

姜麗文曾透露爸爸其實好中意女兒嘅圈外老公柏豪，亦一早承認其女婿地位，但得知婚訊後仍十分不捨愛女出嫁Photo from 姜麗文IG

姜麗文為秦沛慶祝生日，豪宅曝光

姜麗文同爸爸關係超好，日前秦沛77歲生日，姜麗文就去到爸爸家中為佢慶祝，並拍片放上IG。片中秦沛對住鏡頭打功夫，雖然年屆七旬但仍精神奕奕，非常健康！

姜麗文同爸爸關係超好，日前秦沛77歲生日，姜麗文就去到爸爸家中為佢慶祝Photo from 姜麗文IG

片中秦沛對住鏡頭打功夫，雖然年屆七旬但仍精神奕奕，非常健康！Photo from 姜麗文IG

片段致令秦沛所住嘅豪宅曝光！從功夫片可見秦沛身後嘅樓梯，家中擺設簡約，另一條影片就見秦沛坐喺餐枱用餐，姜麗文就喺身後跳舞，木系餐枱好大，而豪宅現代化嘅裝修亦十分有氣派。

另一條影片就見秦沛坐喺餐枱用餐，姜麗文就喺身後跳舞Photo from 姜麗文IG

曾為爭撫養權傾家蕩產？獨力撫養姜麗文兄妹長大

姜麗文自細父母離異，佢1歲嘅時候生母梁盛子就離開咗佢，兩兄妹由爸爸秦沛獨力撫養長大，感情要好，喺影片中姜麗文為爸爸送上蛋糕，又獻吻，場面溫馨。

姜麗文自細父母離異，佢1歲嘅時候生母梁盛子就離開咗佢，兩兄妹由爸爸秦沛獨力撫養長大，感情要好Photo from 姜麗文IG

影片中姜麗文為爸爸送上蛋糕，又獻吻，場面溫馨。Photo from 姜麗文IG

姜麗文曾稱得知爸爸為咗爭取佢同哥哥嘅撫養權傾家蕩產，心中充滿感恩，更覺得爸爸好偉大。佢指爸爸憑《癲佬正傳》獲得金像獎「最佳男配角」後為爭撫養權而變返窮，佢唯有勤力工作養活一對子女，咩job都接，姜麗文指佢哋兄妹見證爸爸拍戲有幾辛苦，內心對父親更加敬愛。

姜麗文曾稱得知爸爸為咗爭取佢同哥哥嘅撫養權傾家蕩產，心中充滿感恩，更覺得爸爸好偉大。Photo from 姜麗文IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

豪宅娛樂新聞林青霞