download HolidaySmart 假期日常 app
微辣大文疑背女友偷食斷正，宣佈退出幕前工作！密會對象有老公？

微辣大文疑背女友偷食斷正，宣佈退出幕前工作！密會對象有老公？

娛樂新聞
By Jennifer on 11 Jul 2022
Digital Editor

「微辣Manner」旗下藝人大文日前被連登網民影到佢喺街上與女生拖手，由於大文與另一微辣藝人阿妹（思男）係公認嘅一對，所以即爆出大文疑似偷食，事後大文宣佈退出微辣所有幕前工作，而阿妹亦喺IG回應事件。

「微辣Manner」旗下藝人大文日前被連登網民影到佢喺街上與女生拖手Photo from 大文IG

微辣大文被連登網民影到偷食斷正？

日前喺連登討論區有網友以「［突發］微辣阿妹請入」為題發文，網友附上兩張相，相中一對男女拖手行街，似乎係戀人關係，樓主指：「笑死，大文一黎香港就攬第二條女」，暗示大文來港偷食。

連登討論區有網友以「［突發］微辣阿妹請入」為題發文，網友附上兩張相，相中一對男女拖手行街，似乎係戀人關係Photo from LIHKG

之後有網民發現大文當晚與好友食飯，好友更將飯局合照放上IG Story，大文與疑似偷食對象嘅衣著同拖手相係一樣，網友估計大文同女方一齊與好友食飯，飯後佢哋單獨拖手行街，被網民影到斷正。

有網民發現大文當晚與好友食飯，好友更將飯局合照放上IG StoryPhoto from LIHKG

大文與疑似偷食對象嘅衣著同拖手相係一樣Photo from LIHKG

網友估計大文同女方一齊與好友食飯，飯後佢哋單獨拖手行街Photo from LIHKG

密會對象係有夫之婦？！

隨後網民認出同大文拖手嘅女子身份，原來佢係一位foodie，曾為網媒拍片，喺IG都有唔少followers，亦接過廣告，算係小有名氣嘅KOL。

網民認出同大文拖手嘅女子身份，原來佢都係一位foodiePhoto from LIHKG

但呢位KOL卻被揭係有夫之婦！大文若與女方真係戀人關係，唔止係大文偷食，女方亦可能係背夫密會大文。事件隨即引起熱議，網民指大文有follow女方嘅IG，拖手相曝光後女方即將IG帳號轉為Private。

網民指大文有follow女方嘅IG，拖手相曝光後女方即將IG帳號轉為Private。Photo from LIHKG

阿妹（思男）暗示早已與大文分手

大批網友湧入大文IG留言，要求佢公開回應事件，亦有人去阿妹IG勸佢睇清另一半，之後阿妹post IG Story回應：「你哋原諒佢啦！下次我會提佢帶返好個口罩。」阿妹稱大家睇到嘅嘢未必係全部，又暗示已經同大文分開咗：「其實我哋由好朋友變返做朋友都有一段時間啦！」

大批網友湧入大文IG留言，要求佢公開回應事件，亦有人去阿妹IG勸佢睇清另一半Photo from 思男YouTube

阿妹post IG Story回應Photo from 思男IG

思男暗示已經同大文分開咗：「其實我哋由好朋友變返做朋友都有一段時間啦！」Photo from 思男IG

大文宣佈退出微辣幕前工作

有網民爆料稱阿妹嘅爸爸大有來頭，喺澳門地位頗高，擔心大文偷食會激怒阿妹父親。而大文就喺IG發文宣佈唔想因為私人事影響公司，決定退出微辣所有幕前工作：「好多謝公司尊重我呢個決定，大家以後有緣再見。」不過呢個post並未開放留言。

有網民爆料稱阿妹嘅爸爸大有來頭，喺澳門地位頗高，擔心大文偷食會激怒阿妹父親。Photo from 思男IG

大文亦喺IG發文宣佈唔想因為私人事影響公司，決定退出微辣所有幕前工作Photo from 大文IG

大文同思男曾以「螢幕情侶」身份為微辣拍片Photo from 微辣Manner

不過網友對於大文嘅回應並唔受落，認為佢只係退出幕前工作，但仲會留喺幕後，而且佢對事件完全無正面回應，只用退出回避：「退出幕前又唔咪唔撈，咪又係錢照袋」

網友對於大文嘅回應並唔受落Photo from LIHKG

網民指大文對事件完全無正面回應，只用退出回避Photo from 大文IG

網民：「退出幕前又唔咪唔撈，咪又係錢照袋」Photo from LIHKG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

微辣加蔥被前女友阿晶爆不負責行為！澄清係雙方決定，反指對方男女關係混亂

17 Jan 2022

「微辣Manner」一向都有唔少fans，旗下藝人加蔥（林茂發）同經理人阿晶（Jane）分手後有自稱係阿晶表哥嘅人爆料，而阿晶亦離開工作8年嘅公司。最近阿晶喺直播中怒轟加蔥曾有不負責行為！加蔥火速回應。

「微辣Manner」一向都有唔少fans，旗下藝人加蔥（林茂發）同經理人阿晶（Jane）分手Photo from 阿晶IG

加蔥與經理人阿晶分手後被爆料

「微辣」旗下藝人加蔥（林茂發）同經理人阿晶（Jane）之前一直都有以螢幕情侶嘅形式拍片，但2021年兩人正式分手，隨後阿晶亦宣佈離開「微辣」。

「微辣」旗下藝人加蔥（林茂發）同經理人阿晶（Jane）之前一直都有以螢幕情侶嘅形式拍片Photo from 加蔥 YouTube

分手後幾個月加蔥公開新戀情，指女友係公司職員「儀仔」，兩人更獲唔少網友祝福。不過有一位自稱係阿晶表哥嘅網民就喺微辣粉絲團上爆料，指加蔥嘅好男人形象只係營造出嚟！

分手後幾個月加蔥公開新戀情，指女友係公司職員「儀仔」Photo from 加蔥IG

有一位自稱係阿晶表哥嘅網民就喺微辣粉絲團上爆料，指加蔥嘅好男人形象只係營造出嚟！Photo from 辣粉團群組@Facebook

「阿晶表哥」話加蔥原本答應過會同阿晶結婚，但最後只用一句不婚主義稱自己想要自由、想分手，搞到阿晶有情緒病，仲好快就另結新歡。而加蔥一直都未有正面回應有關「阿晶表哥」嘅爆料係咪事實。

「阿晶表哥」話加蔥原本答應過會同阿晶結婚，但最後只用一句不婚主義稱自己想要自由、想分手，搞到阿晶有情緒病Photo from 阿晶IG

阿晶直播斥加蔥，加蔥反擊指一切都經過雙方商量決定

近日阿晶開直播時突自爆加蔥曾經迫佢中止懷孕，似乎印證「阿晶表哥」所講嘅都係真事！加蔥亦即刻直播澄清，佢承認佢同阿晶曾經有過BB，但就指佢無迫阿晶做任何嘢。

近日阿晶開直播時爆料Photo from 阿晶IG

加蔥即刻開直播澄清，佢承認佢同阿晶曾經有過BB，但就指佢無迫阿晶做任何嘢。Photo from 加蔥 YouTube

加蔥表示當佢一開頭知道有小朋友既時候，係諗住生出嚟：「我唔介意，生出黎，養囉！」但阿晶則唔想要：「佢開頭都話唔得既，佢唔想要」，加蔥稱佢同阿晶講身邊啲朋友都係咁，但阿晶拒絕並指：「生嗰個又唔係你，點解我要承受啲咁嘅嘢」

加蔥表示當佢一開頭知道有小朋友既時候，係諗住生出嚟，但阿晶則唔想要Photo from 阿晶IG

加蔥又公開兩人嘅對話紀錄，後尾兩人經過一段時間溝通，大家都覺得唔係好適合有小朋友：「佢就問我要唔要嘅，我都真係講過我唔想要，但係我尊重你決定」，最尾阿晶都決定唔要。

加蔥又公開兩人嘅對話紀錄，後尾兩人經過一段時間溝通，大家都覺得唔係好適合有小朋友Photo from 加蔥 YouTube

加蔥反指阿晶男女關係混亂

加蔥重申呢個係大家嘅責任，但坦承自己有不足之處，包括喺對方要做手術時去咗香港做嘢，唔喺佢身邊陪伴佢。不過佢同時反擊稱唔知點解阿晶表哥要亂爆料指佢有第三者：「但佢（阿晶）完全無出嚟講過嘢，令全世界都覺得我係咁嘅人。」

加蔥反擊稱唔知點解阿晶表哥要亂爆料指佢有第三者Photo from 加蔥 YouTube

加蔥更大爆阿晶男女關係混亂，佢表示舊年想轉經理人原因正正係「接受唔到佢一路喺出面亂搞男女關係」，但直播之後加蔥同阿晶喺IG公開聯合聲明，表示經過溝通後彼此都消除咗誤會，又指就算唔再係情侶，都會以朋友身份互相支持。

加蔥更大爆阿晶男女關係混亂Photo from 加蔥 YouTube

加蔥同阿晶喺IG公開聯合聲明，表示經過溝通後彼此都消除咗誤會，又指就算唔再係情侶，都會以朋友身份互相支持。Photo from 加蔥IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

偷食娛樂新聞連登討論區微辣