download HolidaySmart 假期日常 app
陳小春大兒子Jasper大晒識6種語言,卻唔識廣東話?!2020年已搬到上海讀書

陳小春大兒子Jasper大晒識6種語言,卻唔識廣東話?!2020年已搬到上海讀書

娛樂新聞
By Stephanie on 11 Jul 2022
Digital Content Writer

陳小春應采兒結婚12年,感情恩愛羨煞旁人,婚後育有2名兒子,一家四口十分溫馨~而應采兒亦不時會上載大囝Jasper嘅成長短片,只見聰明嘅Jasper大晒識得嘅6種語言,並配合演技演出;不過Jasper卻竟然喺片中表示唔識講廣東話?!

陳小春同應采兒嘅大囝因為曾經出演內地真人騷,所以人氣非常高!Photo from 應采兒微博

陳小春應采兒結婚12年,育有2名兒子

55歲陳小春同應采兒喺2010年結婚,儘管二人年紀相差16年,但佢哋感情恩愛,算得上係圈中嘅模範夫婦。婚後二人育有2名兒子,分別係大囝陳胤捷(Jasper)及細囝Hoho,而Jasper喺2017年同爸爸一齊出演《爸爸去哪兒5》,乖巧性格深受網民愛戴,人氣飆升!

陳小春與應采兒於2010年結婚,二人至今依然恩愛如昔~Photo from 應采兒微博

二人婚後育有2名兒子Photo from 應采兒微博

大兒子Jasper有禮乖巧,深受網民喜愛!

不過隨住年紀漸長,Jasper宜家已經甚少再出現喺幕前。然而,應采兒偶爾都會喺社交媒體上載兒子嘅生活照或片段,同大家分享小朋友嘅近況。現時9歲嘅Jasper樣貌越大越似爸爸,而且感覺亦比成熟咗好多,十足十一個小大人咁!

應采兒不時亦會上載Jasper嘅生活照或影片Photo from 應采兒抖音

而現年9歲嘅Jasper長大咗好多,樣貌比以前成熟,越來越似爸爸!Photo from 應采兒抖音

Jasper展現超強語言天份

媽媽應采兒曾為大囝拍攝短片,只見片中Jasper大晒強大嘅語言天份,講出佢識得嘅6種語言:分別有「英國腔」英文、「美國腔」英文、上海話、東北話、意大利話以及獨特嘅「陳小春話」。期間,Jasper仲熱情地配合演技演出,睇嚟同父母一樣好有表演慾呢~

喺其中一條影片中,Jasper大晒識得講嘅6種語言Photo from 應采兒抖音

仲非常搞笑咁配合埋演技~Photo from 應采兒抖音

卻表示唔識講廣東話?!

然而,當應采兒要求講廣東話時,Jasper卻竟然唔願意講,仲撒嬌咁話「不會嘛~我不會!」呢條影片好快就獲得逾百萬網民嘅讚好,唔少內地網民都大讚Jasper聰明伶俐,樣貌亦都越來越有型。

最後應采兒要求Jasper展示佢嘅廣東話Photo from 應采兒抖音

而Jasper隨即撒嬌表示唔識講!Photo from 應采兒抖音

網民感到驚訝:以前識得講!

不過部份網民亦對於Jasper表示唔識講廣東話而感到詫異,指佢過往喺節目中曾經用廣東話同爸爸講嘢「明明小時候會說的啊」、「怎麼現在就不說了」等留言。

唔少網民都對於Jasper唔識講廣東話而感到驚訝!Photo from 應采兒抖音

當時Jasper喺節目中大部分時間都用英文同爸爸溝通,但偶爾都會講幾句廣東話!Photo from 《爸爸去哪兒5》

2020年Jasper已轉到上海讀書

其實近年陳小春同應采兒都將事業重心轉移返內地,喺2020年應采兒自爆Jasper已經轉到上海讀書,而且仲話當地嘅中文程度非常難,令Jasper學到喊!而佢仲透露目標係希望兒子將來能夠去清華大學、北京大學或耶魯大學讀書,對囝囝有極高嘅期望!

2020年,應采兒大爆Jasper已經返咗上海讀書!Photo from 應采兒微博

應采兒希望Jasper能夠入讀呢3間名牌大學?!Photo from 應采兒微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

應采兒大晒8歲兒子Jasper近照!4大嚴格育兒規矩再掀熱議:教不好只會讓自己丟臉?

7 Apr , 2022

陳小春應采兒嘅大仔Jasper(陳胤捷)過往曾出演內地綜藝節目《爸爸去哪兒5》,乖巧陽光嘅性格,深得網民喜愛~不過隨住年紀增長,Jasper出現於幕前嘅次數都越來越少;近日應采兒罕有地公開佢嘅近照,隨即引起熱議!

陳小春應采兒一家四口非常幸福~Photo from 應采兒微博

# Jasper過往出演《爸爸去哪兒5》大獲好評!

陳小春與應采兒於2010年結婚,育有兩名兒子:大仔Jasper及細仔Hoho,兩夫婦不時會上載溫馨家庭照~過往陳小春曾帶同Jasper出演真人騷《爸爸去哪兒5》,兩父子搞笑嘅互動成為亮點,而唔少網民都認為Jasper性格安靜乖巧,深得大眾喜愛。然而,Jasper亦因為長大而甚少再出現於幕前。

應采兒與陳小春於2010年結婚,並育有2名兒子!Photo from 應采兒微博

Jasper出演《爸爸去哪兒5》嘅時候,獲得唔少網民嘅喜愛!Photo from 《爸爸去哪兒5》

# 即將9歲Jasper近照公開,越大越似爸爸!

近日,應采兒罕有地公開親自幫Jasper剪頭髮嘅短片,仲寫上「家庭魔髮屋開始接單」。從影片中所見,應采兒身穿黑色休閒服,手持專業剪刀為仔仔理髮;而Jasper就圍上白色「理髮袍」安靜咁坐定定等待。網民們都忍唔住將焦點放咗落即將9歲嘅Jasper身上,認為佢樣貌比以前大個咗好多,感覺比以前更加沈穩,仲越來越似爸爸~

仲親自為Jasper剪頭髮!Photo from 應采兒抖音

應采兒近日罕有地公開Jasper近況!Photo from 應采兒抖音

# 對媽媽的理髮成果感到滿意!

之後,應采兒大顯身手非常熟練咁幫仔仔 gel頭,而Jasper亦於鏡頭前單眼「放電」,似乎幾滿意媽媽為佢設計嘅新造型呢~

應采兒為Jasper用髮膠Gel頭~Photo from 應采兒抖音

而Jasper就單眼望向鏡頭,似乎非常滿意~Photo from 應采兒抖音

# 應采兒曾於節目分享育兒心得!

其實夫婦二人近年主要北上發展,經常參與唔同嘅內地綜藝節目。應采兒同袁詠儀曾出演《童言有計2》,分享獨有嘅育兒心得。其中應采兒坦承唔太鍾意將小朋友交俾長輩們照顧,認為好容易出現過分溺愛嘅現象,寵壞小朋友!

應采兒認同由長輩照顧小朋友,容易出現溺愛嘅情況!Photo from 《童言有計2》

並於節目中分享自己嘅湊仔經~Photo from 《童言有計2》

# 不願意讓長輩湊小朋友?!

過往,應采兒嘅爸爸曾經詢問Jasper「今天想食飯或麵?」,卻反而令應采兒感到生氣,覺得唔應該太遷就小朋友「這裏不是餐廳,有什麼吃什麼!」 ,袁詠儀亦表示非常贊同呢種管教方法~

應采兒嘅爸爸過往會先詢問Jasper想食飯或麵,先開始下廚!Photo from 《童言有計2》

應采兒對此感到不滿,認為唔應該過分遷就小朋友!Photo from 《童言有計2》

# 非常重視兒子的餐桌禮儀!

注重小朋友餐桌禮儀嘅應采兒亦指出「長幼有序」嘅禮儀:當一家人於圓桌上進餐時,長輩俾小朋友先夾餸;但應采兒堅持並同仔仔講「我等,我們可以等」,教導仔仔必須等長輩開始進食先能夠動筷!

長輩有時候會先讓小朋友夾餸Photo from 《童言有計2》

不過,應采兒教導兒子一定要俾長輩先夾餸菜,而且要等佢哋進食後先能夠食飯!Photo from 《童言有計2》

# 認為基本禮儀十分重要!

而且,應采兒仲叮囑Jasper「餸菜轉過來時,如果是最後一塊,你也不能吃!」主持人不禁詢問「會不會太多規矩了?」,佢立刻反駁「這是基本禮儀」!

應采兒認為小朋友嘅基本禮儀非常緊要!Photo from 應采兒IG

# 曾禁止Jasper打遊戲機!

應采兒多年前下令年紀尚輕嘅Jasper唔準打機,而Jasper就發揮創意,自己利用紙箱假裝螢幕「上面畫上超級馬里奧」,並假扮正在打機嘅畫面,令佢身邊嘅朋友都講笑咁話好心酸!台灣藝人王子(邱勝翊)曾表示陪Jasper打機,但就大爆「有位嚴母不讓兒子玩遊戲 放了段Video讓我們假玩,但Jasper一直都覺得是真的。心疼他」

應采兒過往曾禁止Jasper打遊戲機,Jasper就自製遊戲螢幕!Photo from 《童言有計2》

邱勝翊曾大爆應采兒播放遊戲影片,俾佢哋兩個扮玩,但Jasper並唔知情!Photo from 邱勝翊微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel