download HolidaySmart 假期日常 app
內地女離家500米即出國留學,本5分鐘船程,因一原因被逼用兩日兜路一萬公里?

內地女離家500米即出國留學,本5分鐘船程,因一原因被逼用兩日兜路一萬公里?

生活熱話
By Moon Lam on 11 Jul 2022
Digital Content Writer

內地最近有一條「挑戰全網最短留學距離」嘅影片爆紅!影片入面有一名內地女生坐係船上,指自己會去俄羅斯留學,而對岸就係俄羅斯嘅學校,內地嘅屋企同學校直線距離約500米,坐船只需要5分鐘!

微博圖片Photo from 微博圖片

根據內地傳媒報導,一位微博博主發佈一條影片話要挑戰全網最短留學距離,佢係片中戴住黑超坐係船上,自述自己即將去俄羅斯留學,佢指住岸邊一幢白色建築物稱「那是我中國的家」,鏡頭一轉又指向另一邊岸邊嘅建築物,「紅色的建築是我俄羅斯留學的學校」。上傳呢條影片嘅人就話自己屋企同係俄羅斯嘅學校直線距離500米,坐船需要大約5分鐘,仲笑稱「還有比我更近的(留學距離嗎)嗎?」

微博圖片Photo from 微博圖片

後來影片入面本人寧琳表示自己今年31歲,係黑龍江省黑河市愛輝區人,佢係內地就讀大學本科教育相關行業,畢業後亦從事相關工作,仲係兼職模特兒。佢表示自己係2020年就開始準備出國留學,目前已經係內地讀咗一年預科,今年9月佢就會去俄羅斯布拉戈維申斯克國立師範大學就讀教育專業碩士,而影片中佢指嘅幾幢紅色建築物,就係呢間大學嘅教學樓。

微博圖片Photo from 微博圖片

根據地圖顯示,呢間大學位於中俄界河黑龍江的左岸,另一側就是黑河市愛輝區,片中寧琳正正就係坐船遊緊黑龍江。網民睇完條片紛紛表示羨慕,仲笑言只要屋企上網配置夠好,第時可能返咗學仲連到屋企WI-FI!

兩岸只係相差一條河Photo from Google map

寧琳亦表示係疫情前,對黑河市嘅居民黎講,去俄羅斯係家常便飯,由黑河出境去俄羅斯非常方便,普通旅客係前一日辦理旅遊簽證就得。而寧琳之前都經常會坐船去對岸嘅布拉戈維申斯克市旅遊,搭交通工具只需要幾分鐘,甚至可以「早上起床後,可以坐最早的一班船到對岸,下午就可以坐船回國吃飯。」黎個即興兼即日嘅旅程,寧琳仲話未來仲會有更多便利嘅方法去俄羅斯!

手機鏡頭已經可以影到兩岸距離勁近!Photo from 微博圖片

佢本身計劃係9月開學嘅時候入讀俄羅斯嘅大學,但直至目前為止仲未收到校方通知要去俄羅斯上面授課。如果到時疫情持續又或者天氣因素唔開放呢條黑河出境通道,佢就要兜路返學,由黑河到哈爾濱市,再去北京或者廣州等城市坐飛機到莫斯科,再轉機去布拉戈維申斯克市,佢表示:「整個行程約1萬4000公里。」即係本身5分鐘嘅路程可能要幾日先到!

微博圖片Photo from 微博圖片

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel