download HolidaySmart 假期日常 app
I SWIM|Edan咬字不清被網民指似聽力測試?獲本尊親自回應!Jeffrey魏浚笙演技獲讚夠自然!

I SWIM|Edan咬字不清被網民指似聽力測試?獲本尊親自回應!Jeffrey魏浚笙演技獲讚夠自然!

電視電影 娛樂新聞
By Stephanie on 12 Jul 2022
Digital Content Writer

ViuTV電視劇《I SWIM》於昨日(11日)晚首播,由呂爵安(Edan)邱士縉(Stanley)@MIRROR以及男神魏浚笙(Jeffrey)主演,開播前就已經獲得大眾關注!雖然大部分觀眾都將目光放喺多位男主角「晒肌」嘅場面上,不過亦有部份網民坦承認為Edan喺劇中咬字唔夠清晰?!

ViuTV電視劇《I SWIM》已經喺昨日(11日)首播,網民都表示非常期待!Photo from ViuTV IG

《I SWIM》播出前已成焦點!

ViuTV原創劇《I SWIM》喺開播前就已經獲得大量網民嘅關注,劇中演員位位都係「小鮮肉」,包括有:Edan、Stanley、Alton、魏浚笙(Jeffrey)、P1X3L三子等。事前觀眾都已經知道電視劇係熱血青春劇,而且將會有機會目睹各位演員游泳嘅英姿,成功引起熱話~

劇中男演員超多,包括有:Edan、Stanley、Alton、魏浚笙(Jeffrey)等Photo from ViuTV IG

而劇中亦將會有唔少游泳嘅場面,演員們事前亦苦練身材Photo from ViuTV IG

第一集內容大要

劇集《I SWIM》第一集內容大致講述天才泳手余浪沖(魏浚笙飾)轉學到啟賢中學C班,並與李馬榮(Edan飾)及班長(吳啟洋 飾)等成為游泳隊接力隊隊員。過往C班經常都同A班係對手,而隊長Edan亦因此而感到深深不忿,眼見新成員嘅加入似乎令佢哋嘅希望再次重燃;而C班班主任Miss翁(吳海昕飾)就擔心同學們會因此而壓力過大。

作為C班班長嘅Edan因為成績不如A班,而感到不甘心,努力帶領隊員一齊參加游泳接力比賽。Photo from 《I SWIM》

而C班班主任就非常擔心學生們會因為游泳比賽而導致壓力過大!Photo from 《I SWIM》

男神Jeffrey 首次擔正做男主角

飾演「余浪沖」嘅Jeffrey喺首播當日喺IG紀錄興奮嘅心情「這次我特別特別緊張又期待,ISWIM是人生第一套擔任男主角的作品」,並感謝導演願意給予佢信心。其實Jeffrey今次所飾演嘅「余浪沖」本身係天才泳手,表面上佢口甜舌滑,但實際上卻非常成熟,願意為咗家庭而毅然放棄自己嘅夢想。

喺首播當日,魏浚笙喺IG表示能夠擔任男一感到非常高興,仲感謝導演給予機會Photo from 魏浚笙IG

劇中「余浪沖」係天才泳手,不過因為屋企出現經濟問題而放棄夢想!Photo from 《I SWIM》

過往曾被稱為「花瓶」,演技成功獲網民大讚!

過往Jeffrey曾經出演真人騷《調教你男友》,憑精緻五官以及健碩身形被封為「男神」;其後佢亦有份擔任《膠戰》嘅主持人,喺節目中展現「天然呆」嘅性格,反差極大,令網民留下深刻印象。不過喺第一集播出後,網民都大讚佢嘅演技夠自然「第一次做男主角算係幾好啦」,暫時觀眾俾佢嘅評價都十分正面!

過往Jeffrey曾出演綜藝節目,並擔任《膠戰》主持班底之一,性格同本身Cool爆樣貌有反差!Photo from 《膠戰》

雖然Jeffrey演戲經驗並唔多,但佢今次嘅表現令網民眼前一亮!Photo from 《I SWIM》

第一集播出後,唔少網民都大讚Jeffrey嘅表現好好,演技自然!Photo from ViuTV FB

Edan飾演角色有突破,同過往角色截然不同!

而今次Edan所飾演嘅「李馬榮」係C班游泳隊隊長,亦係一位全能泳手,因為過往游泳成績比A班落後,所以對游泳嘅比賽非常著緊。對比之下,Edan 今次飾演嘅角色可以話係同《大叔的愛》「田一雄」嘅形象大相逕庭,喺第一集中擔起隊長一職,成日同隊員們認真探討游泳比賽嘅問題,仲因此而同隊員何大秋(歐鎮灝飾)發生爭執!

Edan喺《I SWIM》中飾演C班嘅班長,並且係游泳隊隊長。Photo from 《I SWIM》

今次嘅角色Cool爆,而且好少露出笑容,同佢過往演過嘅角色好唔同!Photo from 《I SWIM》

第一集中,李馬榮就因為覺得何大秋嘅表現唔好,導致二人發生爭吵!Photo from 《I SWIM》

觀眾認為最大問題係咬字不清?!

網民認為Edan嘅演技都尚算自然,而且今次角色同佢本人完全唔同,大讚係唔錯嘅突破!不過就認為佢最大嘅問題係咬字不清,加上語速比較快「唔睇字幕真係唔知講咩」、「懶音都幾多」等留言。但亦有網民稱讚Edan嘅懶音及咬字問題其實已經改善咗好多,建議若果將講嘢嘅速度減慢可能就會更加好~

部份網民認為Edan喺劇中嘅咬字唔夠清晰,而且語速有啲快Photo from ViuTV FB

但都有網民大讚其實Edan咬字方面已經比以前進步咗好多!Photo from 《I SWIM》

Edan IG回應咬字問題!

而Edan亦有用心睇網民們嘅留言,當中有網民擔心會有粉絲過分吹捧Edan而導致未能令對方有進步,而佢就留言表示「放心,我全部都睇到的,多謝你們的意見,會繼續改善!」相信未來Edan都會繼續好好進行咬字訓練~

而Edan亦親民表示收到網民嘅意見,會好好改善咬字問題!Photo from Edan IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【i.SWIM】7.11首播!10大小鮮肉男神一次看!Edan+Jeffrey擔正狂操騷肌!6大重點+劇情簡介!

7 Jul , 2022

由MIRROR Edan(呂爵安)孭住新晉男神Jeffrey(魏浚笙)及吳海昕主演的ViuTV原創劇集《i.SWIM》,將於7月11日首播!劇集以游泳為題材,當然少不了有展露身材的養眼畫面,一眾男演員為此落力瘋狂操肌~準備煲劇之前,率先來睇劇中10位小鮮肉男神,仲有埋IG,以及《i.SWIM》6大重點及劇情簡介啦!

ViuTV原創劇集《i.SWIM》將於7月11日首播~Photo from ViuTV

#《i.SWIM》劇情簡介

《i.SWIM》講述兩位青年泳手展開一段亦師、亦友、亦敵的競賽,一場「天賦」與「努力」的較量,並伸延至他們的人生賽道…天才泳手余浪沖(魏浚笙飾)轉校到啟賢中學C班,加入由李馬榮(呂爵安飾)、大秋(歐鎮灝飾)、班長(吳啟洋飾)及阿帆(王智騫飾)組成的游泳接力隊。Miss翁(吳海昕飾)首次來到男校成為C班的班主任,輔助五人戰勝A班接力隊,余浪沖亦邂逅敵校領袖生施詠(袁澧林飾)。

《i.SWIM》以游泳為題材,講述兩位青年泳手展開一段亦師、亦友、亦敵的競賽…Photo from ViuTV

#改編同名原創小説

《i.SWIM》改編自馮志强導演的同名原創小説~據悉導演於2020年因疫情關係留在家中,所以決定在社交平台開始連載名為《i.SWIM》的小説,直至2021年夏天,ViuTV決定將小説翻拍成劇集,並由他親自編劇及執導。事實上,這次是導演首次執導的劇集,不過以往曾經為不少著名影視作品擔任編劇,如《創世紀》、《少林足球》、《每當變幻時》、《文雀》及《美人魚》等。

《i.SWIM》改編自馮志强導演(右)的同名原創小説。Photo from IG@范麒智

#青春熱血運動題材

ViuTV近年推出不少運動題材的劇集,例如排球題材的《男排女將》、講述空手道的《打天下》,接下來更有以籃球為主,並由MIRROR姜濤、陳卓賢及ERROR 193郭嘉駿等主演的《季前賽》。除了集合青春、熱血及校園多個元素,更有人氣偶像擔正演出,每次播出都會引發討論熱潮~而以游泳題材展開熱血青春校園生活的《i.SWIM》,小鮮肉演員加上養眼肌肉畫面,在炎熱的夏季播出似乎仲可以趕走暑熱啊!

《i.SWIM》為ViuTV近年其中一部推出以集合青春熱血的運動題材劇集。Photo from ViuTV

#集合多位男神齊騷肌

《i.SWIM》最大的亮點之一非集合多位小鮮肉男神一起參與演出,齊齊大騷超Fit身材莫屬!配合劇情需要,為了在劇中脫掉上衣可展露出游泳選手該有的肌肉線條,一眾男演員在拍攝前都瘋狂操肌及控制飲食,絕對讓觀衆們可以大飽眼福啊~

《i.SWIM》中有不少養眼畫面!Photo from ViuTV

#10位小鮮肉男神一覽

·榮仔-李馬榮 | MIRROR Edan 呂爵安

IG:edanlui

Edan 呂爵安。Photo from ViuTV

C班游泳隊,全能泳手,3歲開始學習游泳,但一直被A班勁敵黃亞樂帶領的接力隊壓制。繼《大叔的愛》之後再次擔正男主角的Edan,自認驚水不擅長游水,但為了飾演全能泳隊隊長,在拍劇前不但努力練水,更瘋狂瘦身操肌,並盡量戒食澱粉,以番薯、雞蛋及蛋白奶粉等為主食,務求以最佳狀態上鏡!

自認驚水不擅長游水的Edan,為了角色不斷練水~Photo from ViuTV

Edan與Jeffery一起擔正主演。Photo from IG@魏浚笙

·余仔-余浪沖 | Jeffery 魏浚笙

IG:jeffreyngai

Jeffery 魏浚笙。Photo from ViuTV

啟賢中學轉校生,擁有超强學習能力,與榮仔亦師亦友,後來加入C班級游泳隊,創造奇蹟。憑高顔值極速上位的Jeffrey,這次首度擔正男主角,不但特別為劇集將胸毛脫掉,同樣接受地獄式訓練狂操肌,更被導演點名大讚「真係好大隻」!

Jeffrey為《i.SWIM》特別脫掉胸毛!Photo from IG@魏浚笙

擁有超正身材的Jeffrey被導演大讚好大隻!Photo from IG@魏浚笙

·黃亞樂 | MIRROR Stanley 邱士縉

IG:stanleysc_

Stanley 邱士縉。Photo from ViuTV

A班泳隊隊長,戰鬥力極強,為啟賢中學飛魚擔當,學校明星泳手。近年接演多部劇集的Stanley,演技備受肯定~雖然已經31歲,但飾演中學生依然毫無違和感!而一向身材超Fit的他為了不想看起來「太大舊」,拍攝前特別減磅3公斤,以增加肌肉線條~

Stanley為了不想看起來太大隻,反而特別減磅3公斤。Photo from IG@邱士縉

三位MIRROR成員一起出演《i.SWIM》~Photo from IG@邱士縉

·羅力森 | MIRROR Alton 王智德

IG:altonwongz

Alton 王智德。Photo from ViuTV

A班泳隊主將,努力型泳手,希望能超越黃亞樂成為飛魚。在三位MIRROR成員中,要屬Alton的泳術最高超,但不同於Edan和Stanley,為了不讓自己看上去太弱而努力增肥增肌,拍攝期間狂食朱古力補充體力!

Alton反而是唯一需要增肥的成員!Photo from IG@王智德

Alton私底下非常熱愛海上運動~Photo from IG@王智德

·班長-簡雲長 | P1X3L Phoebus 吳啓洋

IG:phoebus_ng

Phoebus 吳啓洋。Photo from IG@吳啓洋

C班游泳隊,穩健型泳將,與余仔是小學同學。

Phoebus飾演班長。Photo from ViuTV

·大秋-何大秋 | P1X3L George 歐鎮灝

IG:georgeau.8

George 歐鎮灝。Photo from IG@歐鎮灝

C班游泳隊,泳隊邊緣份子,自命愛情專家,以結識天下女生為己任。

George在劇中自命是愛情專家~Photo from ViuTV

·楊仕福 | P1X3L Marco 葉振弘

IG:imarco_p1x3l

Marco 葉振弘。Photo from IG@葉振弘

A班泳隊最年輕成員,容易被挫折擊倒,是C班泳隊經常攻擊的目標。

P1X3L三位成員均有參與演出,其中Phoebus飾演班長、George飾演泳隊氣氛擔當、Marco飾演Stanley的小弟跟班,呈現出不同於綜藝節目的幽默面貌,詮釋青春熱血運動員,讓不少粉絲都相當期待!

·阿帆-程子帆 | Martin 王智騫

IG:mar.tin.wong

Martin 王智騫。Photo from ViuTV

C班游泳隊,學霸兼人肉資料庫,由課本内容到日常冷知識都瞭如指掌。有「翻版柯震東」之稱的小鮮肉Martin,自稱不太喜歡運動,但為詮釋泳手積極操肌並控制飲食,從昔日的潺仔變成6舊腹肌男!

私下是運動白癡的Martin,為角色努力練成大隻佬!Photo from ViuTV

·章浩 | ANSONBEAN 陳毅燊

IG:ansonbean

ANSONBEAN 陳毅燊。Photo from ViuTV

天賦與努力兼備的泳手,是教練眼中的明日之星。憑參加ViuTV真人騷選秀節目《全民造星III》而爆紅,更被稱為港版Rain的ANSONBEAN,雖然首次拍劇,但為了泳手角色非常努力操Fit身形!

·未知 | Kenji 范麒智

IG:kenjifann

Kenji 范麒智。Photo from IG@范麒智

擁有出色外表及標準模特兒身型而備受關注的Kenji,曾為香港水球代表隊成員,之後以模特兒出道,再轉戰演員出道~雖然在《i.SWIM》的戲份不多,但仍然讓不少粉絲非常期待~

#吳海昕+袁澧林擔正女主角

除了多位小鮮肉男神,女主角人選亦受到高度關注!這次找來有仙氣女神之稱的Sofiee(吳海昕)和文青女神Angela(袁澧林)擔正,均為新生代人氣演員~Sofiee曾參選過香港小姐,雖然最後落選但憑親切鄰家形象獲封「民選港姐」。她曾主演過ViuTV劇集《二月廿九》,擁有不少影視經驗,是次飾演啓賢中學C班班主任,負責帶游泳隊出戰。而曾在劇集《瑪嘉烈與大衛系列 前度》及《聽雪樓》有亮眼表演的Angela,則飾演另一間中學學生,為Jeffrey的女神。外表斯文她在現實中是一名運動健將,擅長打排球~

吳海昕飾演中學班主任!Photo from IG@吳海昕

袁澧林飾演Jeffrey的女神~Photo from IG@袁澧林

#7.11 ViuTV首播

由呂爵安、魏浚笙、邱士縉、王智德及吳啟洋等出演的《i.SWIM》,將於7月11日晚上9時半在ViuTV的首播~為了等待已久的觀衆,ViuTV日前宣布搶先於7月9日晚上9時半播出《I SWIM 製作特輯:最後召集》,讓大家在劇集開播前先過過癮啦!有興趣的朋友,記得Mark實時間~

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel