download HolidaySmart 假期日常 app
通靈之王|梁思浩前世身份多,自爆曾經係國師?!現場頻繁出現古怪事?被指疑似抄襲外國節目

通靈之王|梁思浩前世身份多,自爆曾經係國師?!現場頻繁出現古怪事?被指疑似抄襲外國節目

電視電影 娛樂新聞
By Stephanie on 12 Jul 2022
Digital Content Writer

大台首個通靈選秀節目《通靈之王》已經於昨晚(11日)開播,由梁思浩及兩位2位新人王嘉慧(Cathy)、伍韻婷(Juliana)擔任主持,一共有15位來自不同通靈領域嘅專家出演,大晒獨門看家本領!不過節目播出後就被指疑似抄襲外國通靈節目,而拍攝期間仲真係有怪事發生咗?!

大台全新選秀節目《通靈之王》邀請15位參賽者展現自己嘅「獨門秘笈」!Photo from 《通靈之王》

全新通靈選秀節目《通靈之王》熱播中

由梁思浩以及2位女新人王嘉慧(Cathy)、伍韻婷(Juliana)一齊主持嘅全新選秀節目《通靈之王》已經開播,一共邀請咗15位唔同領域嘅「通靈達人」參加,向觀眾們大晒佢哋嘅「獨門絕技」,並且通過節目組嘅重重關卡;而頭3集中佢哋就將要發揮潛能脫穎而出,爭取10個出線資格!

節目由梁思浩、女新人王嘉慧(Cathy)、伍韻婷(Juliana)一齊主持Photo from 《通靈之王》

「靈魂談判師」Depp成功看透梁思浩前世身份?!

喺第一集中,通靈師們施展各自特別嘅「通靈法術」:第一位出場嘅通靈師係擁有「靈魂談判師」之稱嘅Depp,自稱能夠用靈氣療法見到其他人嘅前世。而佢就為主持人梁思浩「作法」,並向梁思浩表示「你有好多世嘅前世,有做過商人,有做過國師,所以你要好多idea」;而梁思浩就表示喺Depp念「天語」時,佢忍唔住全身震,仲話過往有台灣通靈者表示佢前世曾做過國師!

第一位出場參賽者係Depp,自稱能夠用法語睇到其他人嘅前世Photo from 《通靈之王》

而佢就「作法」了解梁思浩前世嘅身份Photo from 《通靈之王》

梁思浩事後坦承喺對方念法時,身體忍唔住顫抖!Photo from 《通靈之王》

仲話對方講中咗,因為過往有通靈師話佢曾經係國師!Photo from 《通靈之王》

念經時出現怪異現象?!

隨後,Depp就幫另一位女主持Cathy進行「通靈」,而梁思浩事後表示喺對方念經嘅時候,佢哋二人身後不停出現蝙蝠,仲形容「我拍咗咁多年從來都冇試過咁。」而節目組事後翻查錄影帶時,的確發現後方有多隻蝙蝠飛過嘅身影!

Depp再為另一位女主持Cathy進行「通靈」Photo from 《通靈之王》

而梁思浩事後就表示Depp念經時,後方有好多蝙蝠飛過Photo from 《通靈之王》

莫非係Depp嘅功力成功吸引到咁多蝙蝠靠近?!Photo from 《通靈之王》

「宗武」靠感官找出「問題房間」!

而第二位就係學會「茅山術」嘅宗武,佢自稱能夠靠感官知道房間內有冇異樣,而佢就要求對方喺現場搵出認為「最有問題嘅地方」!而宗武就表示最尾嘅房間磁場唔太好,而節目組就決定用房間內嘅氣溫去認證「靈體越多室內氣溫就會越低」;而當Cathy前往最尾嘅房間時氣溫突然從23度急降到20度!

第二位出場嘅係「宗武」,號稱能夠搵出房間是否有怪異嘅物體出現?!Photo from 《通靈之王》

而佢就表示拍攝場地中嘅尾房係最有問題嘅地方!Photo from 《通靈之王》

節目組決定用房內氣溫測試真實程度Photo from 《通靈之王》

而當主持人們到達尾房時,房內氣溫竟然突然變成20度!Photo from 《通靈之王》

人氣王C姐用手機號碼為人預測未來運勢!

第3位出場嘅係人氣非常高嘅C姐,擁有多達20萬粉絲,佢仲非常有自信咁表示自己應該係最受歡迎嘅一位參賽者,自稱有機會成為「麥玲玲接班人」!而佢就喺節目中展現用手機號碼去預測未來嘅運勢,而佢就並唔知道電話號碼持有人嘅真實身份,並表示事主係行內地位都算高,但喺晚年(大約40歲後)就必須要小心高血壓、心臟問題等。

擁有20萬粉絲嘅C姐表示自己嘅幫派係「蘋果派」Photo from 《通靈之王》

節目組即場提供咗班組電話號碼俾佢,希望等佢預測事主未來運勢!Photo from 《通靈之王》

而C姐就表示呢位事主晚年必須小心高血壓!Photo from 《通靈之王》

成功講中晒?!

之後,節目就公開電話號碼原來係屬於主持人梁思浩嘅,而佢就坦承自己喺45歲之後就患有高血壓,講出嘅point都似乎中咗!

原來電話號碼係屬於梁思浩!Photo from 《通靈之王》

而梁思浩坦承自己45歲之後就患有高血壓!Photo from 《通靈之王》

悟能讓「北帝」上身通靈?!

昨晚最後一位登場嘅係「北帝代言人」悟能,自稱能夠令「北帝」上身,並解答有關前世今生等問題。節目組拍攝前就叫梁思浩選擇一件隨身物品放入銀盤裡面,而佢就透過「感應」回答裡面嘅係「一隻銀色熊仔」!其後,結果揭曉裡面放置嘅係一條掛有銀色熊仔鑰匙扣嘅車匙,在場認識都超驚訝「佢(北帝)可能係因為唔知車匙!」

第一集中最後一位出場嘅係「北帝代言人」悟能Photo from 《通靈之王》

而佢就表示能夠靠「北帝」上身去知道其他人嘅前世今生,並嘗試猜出銀盤中嘅物品真身!Photo from 《通靈之王》

而梁思浩亦揭曉銀盤裡面擺放咗一條掛有銀色熊仔裝飾嘅車匙!Photo from 《通靈之王》

被網民指抄襲外國節目?!

然而節目播出後,部份網民就決定節目嘅流程同2007年開播嘅俄羅斯節目《通靈之戰》(Bitva extrasensov)十分相似,而呢個節目現時足足有16季咁多!當時節目亦係邀請一班「通靈師」透過超自然角度進行挑戰,而事實上該節目亦係模仿英國節目《大英超自然挑戰》(Britain's Psychic Challenge)。

網民認為《通靈之王》係抄襲俄羅斯2007年開播嘅節目《通靈之戰》?!Photo from 《Bitva extrasensov》

 

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

Netflix《咒》8字咒語嚇壞日韓網民!劇情恐怖令網友睇到瞓唔著?!

12 Jul , 2022

台灣電影《咒》喺Netflix上架,隨即引起網友討論。《咒》喺台灣上映後成績唔錯,喺Netflix亦登上「Top 1」位置,同時喺日本、韓國都係前十。戲中8字咒語令唔少網民留下深刻印象,目前電影評價兩極,有網友稱睇完瞓唔著、亦有人指電影好悶。

——————————————————————————————(小心劇透)—————————————————————————————————

台灣電影《咒》喺Netflix上架,隨即引起網友討論。Photo from 《咒》

《咒》劇情介紹

《咒》上映後於台灣票房達1.7億台幣(約$4.5億港元),Netflix獲得播放權並安排電影喺7月8日全球獨家上架。電影講述女主角「李若男」同男友等人組成團隊,四處到訪鬧鬼場所拍片,目的係消除迷信。6年前佢哋大膽闖入封印之地探秘,結果所有人包括若男嘅男朋友全部離世,唯一倖免於難嘅僅若男一人。

蔡亘晏飾演女主角「李若男」Photo from 《咒》劇照

6年後若男女兒「朵朵」行為詭異,疑受到當年事件影響。若男為拯救女兒決定冒住生命危險重回禁地,搵出咒嘅秘密,並解開女兒身上嘅咒。

若男為拯救女兒朵朵決定冒住生命危險重回禁地Photo from 《咒》劇照

《咒》獲日韓網民關注,登Netflix「TOP 10」

《咒》上架幾日就已經榮登香港電影「Top 1」,喺討論區有唔少網友開post討論劇情。電影喺日本、韓國亦頗受關注,分別喺兩地Netflix登上「Top 10」,成績不錯。喺Twitter有日本網民稱《咒》係佢睇過「最恐怖嘅台灣電影」。

《咒》上架幾日就已經榮登香港電影「Top 1」Photo from HolidaySmart

電影喺日本、韓國亦頗受關注,分別喺兩地Netflix登上「Top 10」,成績不錯。Photo from 《咒》劇照

講到恐怖片,日本亦有好多經典電影,更成功塑造「貞子」等角色。但《咒》仍然獲日本網民好評,力讚電影夠恐怖:「我是開燈看的」、「看了5分鐘就受不了關了」

《咒》獲日本網民好評,力讚電影夠恐怖:「我是開燈看的」Photo from 《咒》劇照

網民分享觀後感,評價兩極

電影中8字咒語:「火佛修一,心薩嘸哞」以及手印等都掀起熱潮,引發好多人模仿,香港網友亦指:「我依家成個腦都係(8字咒語)」,唔少人認為電影氣氛營造得幾好,代入感好強,又盛讚電影美術出色,更有人表示睇完之後瞓唔著、唔敢去廁所,覺得個人好唔舒服。

電影中8字咒語:「火佛修一,心薩嘸哞」以及手印等都掀起熱潮,引發好多人模仿Photo from 《咒》劇照

香港網友亦指:「我依家成個腦都係(8字咒語)」,唔少人認為電影氣氛營造得幾好,代入感好強,又盛讚電影美術出色Photo from LIHKG

但亦有人指電影劇情沉悶,又話睇咗5分鐘就瞓著。由於電影以「偽紀錄片」形式拍攝,好多網友都表示睇到個人好暈:「成個故事個結局好混亂」、「劇情跳黎跳去都唔知做乜」

電影以「偽紀錄片」形式拍攝,好多網友都表示睇到個人好暈Photo from 《咒》

亦有人指電影劇情沉悶,又話睇咗5分鐘就瞓著。Photo from LIHKG

有網友反駁喺戲院睇氣氛完全唔同,又指導演使用互動式橋段、視覺暫留等手法十分新穎,打破第四面牆嘅觀影體驗令觀眾更加投入,以白底令觀眾對咒嘅印象更加深刻十分值得欣賞。

網民分享觀後感,評價兩極Photo from 《咒》劇照

有網友反駁喺戲院睇氣氛完全唔同,又指導演使用互動式橋段、視覺暫留等手法十分新穎Photo from LIHKG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel