大批網民被疑似樂園員工騙錢？以超低價購買門票/酒店住宿！香港迪士尼Facebook遭留言洗版！
疫情之下大家比較難出國，唔少人都可能會選擇喺放假嘅時候去主題公園玩，放鬆一下～然而，最近香港迪士尼樂園嘅Facebook專頁卻充斥逾30個一模一樣嘅留言，內容都係指向一名疑似樂園員工購買平價門票、酒店住宿等，但現時卻無法聯絡對方懷疑受騙？！
Photo from 香港迪士尼樂園YouTube
香港迪士尼樂園深受香港人愛戴！
香港迪士尼樂園一向都深受大家喜愛，係適合一家大細、情侶、朋友一日遊嘅好去處。當中唔少網民仲會選擇購買樂園嘅年票，可以隨時隨地到訪樂園；疫情期間亦有唔少網民會去迪士尼樂園酒店Staycation，尋回童心～
Photo from 香港迪士尼樂園官網
網民留言洗版，指被自稱樂園員工騙？
最近，香港迪士尼樂園嘅Facebook 專頁卻被近30個相似嘅留言「洗版」，內容全部都係詢問「Carmen Chan」係咪樂園員工，被佢扣起金錢，並且表示自本月10日下午起就聯絡唔到對方；仲指「Carmen Chan日日喺你哋酒店度出現」，該人士似乎向網民們自稱係迪士尼酒店嘅員工？！
Photo from 香港迪士尼樂園FB
該員工用超低價出售門票/酒店住宿
據悉該人士自稱係員工，並且用超低價出售門票、樂園商品、酒店住宿等，包括：成功吸引唔少網民「幫襯」。部份網民透露受騙嘅人士係以一兩折購買「香港迪士尼樂園度假區產品」，而該優惠同Klook網站推行嘅優惠相同，所以令唔少網民更加信以為真！
Photo from 香港迪士尼樂園YouTube
Photo from 《她的私生活》劇照
香港迪士尼樂園回應事件
香港迪士尼樂園亦作出回覆，指經過查證後並冇推出或授權推出相關優惠及產品，揚言將絕不容忍任何違法行為，已經將相關事件交由警方處理。另一方面，樂園翻查紀錄表示「Carmen Chan」並非香港迪士尼樂園度假區員工，強烈建議網民從官方網站購買樂園門票或者產品，避免同類型事件再次出現！
Photo from 香港迪士尼網站
Photo from 韓劇《LIVE》
網民不認同洗版留言做法！
部份網民就似乎唔太理解「受騙」網民們喺FB洗版留言嘅做法，認為佢哋應該自行報警處理「關迪士尼乜事」、「自己貪小便宜就話人哋主題樂園不負責任」、「一兩折都有人信？！」等。
Photo from 香港迪士尼樂園FB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
港男闖入迪士尼噴水池影相，誇張行徑被網民批評！打卡過程全公開！
23 Jun , 2022
Photo from 《現正分手中》劇照
網民分享港男於迪士尼奇怪打卡pose！
難得外出遊玩，大家難免會「機不離手」同朋友瘋狂影相打卡作留念～日前，有網民喺FB群組分享喺香港迪士尼樂園內見到嘅獨特打卡方式，該名遊客嘅大膽行為隨即引起網民熱議！
Photo from FB群組「我真係好鍾意迪士尼資訊分享群」
竟然走入水池內拍照！
港男喺位於迪士尼樂園大門口嘅噴水池裡面拍照留念，從照片中所見佢只係身穿泳褲，就跨入水池內，並爬入鯨魚雕像內拍照；仲疑似喺帖文寫上「山長水遠嚟到迪士尼，冇理由咩都唔做。」誇張行徑嚇親大批網民！
Photo from FB群組「我真係好鍾意迪士尼資訊分享群」
Photo from FB群組「我真係好鍾意迪士尼資訊分享群」
港男打卡全過程曝光！
其後網上仲曝光咗疑似係該男子打卡嘅整個過程，只見男子一進入水池後即刻成個人瞓咗落去，完全當噴水池係泳池一樣。之後佢就起身爬上鯨魚雕像，成功爬入「鯨魚口」後佢趴下並張開雙臂，彷彿置身喺屋企一樣！
Photo from FB群組「我真係好鍾意迪士尼資訊分享群」
Photo from FB群組「我真係好鍾意迪士尼資訊分享群」
網民批評行為超自私！
唔少網民見到後，都認為港男嘅行為非常自私，就咁爬入水池內好有可能會破壞到設施；亦有網民擔心佢會因此受傷「如果漏電就GG」、「啲水好污糟㗎...」等留言，認為打卡唔需要如此誇張！
Photo from 連登討論區
Photo from 《校對女王》劇照
港男模仿迪士尼動畫場面？！
不過部份網民講笑咁大讚呢位港男有勇氣「其實個個都想咁做...」、「幾有藝術家feel」等；仲有網民形容佢拍照嘅姿勢同動畫《獅子王》經典場面狒狒拉飛奇（Rafiki）抱起小獅子辛巴（Simba）嘅一幕有幾分相似！但小編估計港男應該係模仿緊《木偶奇遇記》裡面小木偶同爸爸唔小心跌落海，被鯨魚追嘅畫面？！唔知大家又覺得似唔似呢～
Photo from 連登討論區
Photo from 《獅子王》
Photo from 《木偶奇遇記》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
