港女喝止阿婆超市插隊,被師奶批不敬老!一句KO全場大快人心

港女喝止阿婆超市插隊,被師奶批不敬老!一句KO全場大快人心

時事熱話
By Jennifer on 13 Jul 2022
Digital Editor

排隊畀錢有時都需要時間,如果遇上有人「打尖」就更加討厭!日前喺Facebook有網友分享佢於超市見到有老人插隊大感不滿,出言制止時竟反被後面嘅人指責,佢終於忍唔住爆seed鬧爆,成功擊退晒兩邊!

排隊畀錢有時都需要時間,如果遇上有人「打尖」就更加討厭!Photo from 《我愛李泰利》劇照

超市購物遇阿婆插隊

近日喺Facebook群組「真.屯門友」有網友發文分享與家人喺超級市場排隊畀錢嘅時候遇到阿婆插隊嘅經歷,事件成為網民討論嘅話題。

有網友發文分享與家人喺超級市場排隊畀錢嘅時候遇到阿婆插隊嘅經歷Photo from 《我的大叔》劇照

網友稱當時阿婆拎住3個奇異果打尖,網友家人睇唔過眼,出言制止對方,點知阿婆竟理直氣壯咁話:「我都係畀完錢就走,咁鬼麻煩,你要我排我咪排囉!」原本無出聲嘅帖主眼見阿婆打尖仲要駁咀,忍唔住指:「係人都畀完錢就走㗎啦!你試下唔畀錢走到畀我睇下呀!」

阿婆竟理直氣壯咁話:「我都係畀完錢就走,咁鬼麻煩,你要我排我咪排囉!」Photo from 《我的婆婆怎麼那麼可愛》劇照

竟有「三姑六婆」批帖主唔敬老?!

講完之後阿婆就行去隊尾排隊,以為事件告一段落,點知排喺帖主後面嘅兩位「三姑六婆」又加把口,佢哋稱老人家老咗係咁㗎啦,認為帖主唔應該話阿婆,搞到帖主家人又同佢哋起口角。

排喺帖主後面嘅兩位「三姑六婆」又加把口,佢哋稱老人家老咗係咁㗎啦,認為帖主唔應該話阿婆Photo from 《BB來了》劇照

帖主一招令兩邊知難而退,網友讚大快人心

帖主心諗:「關你哋咩事?!」終於忍無可忍「爆seed」指既然三姑六婆唔介意嘅話,老人家可以打返佢哋尖:「喂!拎住奇異果嗰位老人家,排我後面嗰兩位唔介意畀你打尖呀!話老人家係咁㗎,你過唔過返嚟插隊排我後面呀?」

帖主終於忍無可忍「爆seed」指既然三姑六婆唔介意嘅話,老人家可以打返佢哋尖Photo from 《流星》劇照

一句反問即令兩邊收聲,帖主表示自己講完之後全場都望住佢,阿婆同排佢後面嗰兩個人都即刻離場,形容「世界又短暫變返寧靜」。帖主稱自己平時係敬老讓座嘅禮貌屯門人,但遇到奇人奇事都忍唔住爆seed。

一句反問即令兩邊收聲,帖主表示自己講完之後全場都望住佢,阿婆同排佢後面嗰兩個人都即刻離場Photo from 《我的婆婆怎麼那麼可愛》劇照

唔少網民都指事件中嘅阿婆根本係「恃老賣老」,又認為出聲嘅兩個「三姑六婆」係「慷他人之慨」,大讚帖主出言大快人心又直擊要害!

唔少網民都指事件中嘅阿婆根本係「恃老賣老」Photo from LIHKG

網民認為出聲嘅兩個「三姑六婆」係「慷他人之慨」Photo from LIHKG

網民讚帖主出言大快人心Photo from 《戀愛雖然麻煩但更討厭孤獨》劇照

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

港女不慎做第三者,憑4大線索踢爆男友未分手!撞見男友「正印」真身極震驚

5 Jan 2022

喺一段感情中第三者嘅出現多數都會被指責。近日有網友喺討論區發文稱佢發現男友原來另有愛侶,而佢則喺不知情嘅情況下做咗第三者,更撞破男友同「前度」約會嘅場面,令佢大感崩潰!

喺一段感情中第三者嘅出現多數都會被指責。

港女唔知情做咗第三者

「第三者」一直都為人厭棄,兩個人之間如果出現第三者,多數都會將負任歸咎於佢,但有時第三者自己都係被騙嘅人,其實都非常無辜。近日喺香港討論區就有網友發文稱自己唔小心做咗第三者!

近日喺香港討論區就有網友發文稱自己唔小心做咗第三者!

佢表示初初認識男朋友嗰陣覺得佢個人好好,又溫柔體貼、咩都遷就佢,兩人喺11月尾正式確定關係成為情侶。

網友表示初初認識男朋友嗰陣覺得佢個人好好,又溫柔體貼、咩都遷就佢

廣告
廣告

線索一:男友夜晚9點後先覆機

但好快樓主就發現男友有啲奇怪,男友平日要去到夜晚9點後先會聯絡佢,男友解釋因為返工好忙,即使搭車都想休息下,所以會返到屋企先搵佢。

好快樓主就發現男友有啲奇怪,男友平日要去到夜晚9點後先會聯絡佢,男友解釋因為返工好忙

線索二:聖誕日男友稱要「報福音」唔得閒

之後到聖誕節樓主滿心期待,因為係佢哋一齊過嘅第一個節日,佢主動問男友有咩計劃,點知對方沉默咗1分鐘,之後先話佢聖誕節嗰日要同屋企人去報佳音,因為一齊咗無幾耐,樓主對男友嘅家人認識唔深,以為佢哋有信仰所以聖誕節唔得閒。

到聖誕節樓主滿心期待,因為係佢哋一齊過嘅第一個節日

樓主問男友有咩計劃,點知對方沈默咗1分鐘,之後先話佢聖誕節嗰日要同屋企人去報佳音

線索三:港女發現男友手機有聯絡人叫「豬豬B」

即使一開始樓主唔為意,同男友相處都慢慢發現啲「蛛絲馬跡」,佢有好幾次都見到男友手機有個叫「豬豬B」嘅人搵佢,樓主懷疑男友可能有其他女朋友,不過試過好幾次想開佢手機都唔成功。

樓主好幾次都見到男友手機有個叫「豬豬B」嘅人搵佢,樓主懷疑男友可能有其他女朋友

樓主懷疑男友可能有其他女朋友

線索四:男友多次回避有關「前女友」問題

樓主表示有問過男友有關前女友嘅事,男友對每個有關前度嘅問題只係回答一兩句就算,令樓主心中嘅懷疑越嚟越大:「我覺得佢根本未同佢前女友分手就同我一齊。」

樓主表示有問過男友有關前女友嘅事,男友對每個有關前度嘅問題只係回答一兩句就算

港女終見男友正印真身,大感震驚

為咗了解清楚男友係咪另有女友,樓主不惜去男友公司附近等佢放工,樓主見男友收咗工45分鐘都未走,終於「正印」出場,令樓主大為震驚!

為咗了解清楚男友係咪另有女友,樓主不惜去男友公司附近等佢放工

樓主指有位男士出現同男友打招呼,佢同男友拍拖成個月都未見過佢啲朋友,仲以為男友係約咗fd,但嗰位男士竟然行埋去鍚咗男朋友塊面一啖!之後更十指緊扣拖住手咁離開,樓主雖然内心有預感自己真係做咗第三者,但佢點都估唔到男友手機嘅「豬豬B」會係一位男士。

樓主指有位男士出現同男友打招呼,佢同男友拍拖成個月都未見過佢啲朋友,仲以為男友係約咗fd

嗰位男士竟然行埋去鍚咗男朋友塊面一啖

男友同嗰位男士之後更十指緊扣拖住手咁離開

樓主表示:「豬豬B原來係男人..呢件事對我黎講真係太震驚,我唔敢同我啲朋友講..」,好多網友都認為樓主男友隱瞞自己早有另一半嘅事實好過分,亦有人勸樓主快啲同男友分手「唔好一錯再錯」,而樓主就指得知真相後已即刻同男友斬欖。

樓主表示:「豬豬B原來係男人..呢件事對我黎講真係太震驚,我唔敢同我啲朋友講..」

有人勸樓主快啲同男友分手「唔好一錯再錯」

有網友猜測:「係咪想要個BB先追你咋?!」,亦有人表示:「情敵係男友點都好過情敵係女人...」,但有網民則質疑樓主經歷嘅真實性,認為即使依家社會風氣開放咗,都好難會見到有男士十指緊扣咁行街:「睇BL劇上腦?」

有網友猜測:「係咪想要個BB先追你咋?!」

有人表示:「情敵係男友點都好過情敵係女人...」

有網民則質疑樓主經歷嘅真實性,認為即使依家社會風氣開放咗,都好難會見到有男士十指緊扣咁行街:「睇BL劇上腦?」

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel