download HolidaySmart 假期日常 app
《戀愛自由式》演員20年對比照!陳文媛退出娛樂圈、唐寧童顏未變?

《戀愛自由式》演員20年對比照!陳文媛退出娛樂圈、唐寧童顏未變?

電視電影 娛樂新聞
By Jennifer on 14 Jul 2022
Digital Editor

近日ViuTV《I SWIM》熱播,講起以「游泳」題材嘅電視劇,不得不提《戀愛自由式》!劇中嘅招式喺唔少80後、90後心中係經典!劇中嘅男女主角過咗20年都有咩變化?有幾位都已榮升父母!

近日ViuTV《I SWIM》熱播Photo from ViuTV

以「游泳」為題材偶像劇—《戀愛自由式》

《戀愛自由式》於2002年拍攝,係一套偶像劇,有Cookies成員傅穎、鄧麗欣同陳文媛、蕭正楠、唐寧等主演,劇集拍攝至今已過咗20年,劇中演員有近況各有變化,有人已升呢做爸爸媽媽、亦有人退出娛樂圈。

《戀愛自由式》於2002年拍攝,係一套偶像劇Photo from 《戀愛自由式》

陳文媛退出娛樂圈

現年42歲嘅BoBo首次出演電視劇就擔任女主角,喺劇中佢天生長短腳本身只係助教,但之後為咗泳隊就使出「破冰轉身」。劇中BoBo五宮精緻,於一眾女演員中十分突出,係當年偶像劇人氣王!不過2006年佢轉行從事金融業,正式退出娛樂圈,之後佢一直生活低調,2016年BoBo與男友結婚,並於2019年誕下兒子,升級做媽媽。

《戀愛自由式》:

BoBo首次出演電視劇就擔任女主角Photo from 《戀愛自由式》

劇中BoBo五宮精緻,於一眾女演員中十分突出Photo from 《戀愛自由式》

近況:

2006年BoBo轉行從事金融業,正式退出娛樂圈。何韻詩書展曾與佢合照Photo from 何韻詩IG

唐寧離婚獨力撫養子女

40歲嘅唐寧係童星出身,喺劇中佢非常有天賦,唔止改良咗「破冰轉身」,用旋轉嘅方法進一步提升速度,變成「Super破冰轉身」,更苦練「片石轉身」!當年僅20歲嘅唐寧青春無敵,20年後佢已經係兩孩之母,離婚後獨力撫養一對子女,但出名係童顏嘅佢雖淡出電視圈,但外型仍保養得宜。

《戀愛自由式》:

唐寧係童星出身,喺劇中佢非常有天賦,唔止改良咗「破冰轉身」,用旋轉嘅方法進一步提升速度,變成「Super破冰轉身」Photo from 《戀愛自由式》

當年僅20歲嘅唐寧青春無敵Photo from 《戀愛自由式》

近況:

唐寧已經係兩孩之母,離婚後獨力撫養一對子女Photo from 唐寧Facebook

出名係童顏嘅唐寧雖淡出電視圈,但外型仍保養得宜Photo from 唐寧Facebook

蕭正楠與黃翠如結婚

蕭正楠當年係第一男主角,之前佢曾橫掃香港樂壇新人奬,人氣一時無兩。蕭正楠初出道時斯文帥氣,形象正派,有唔少fans。現年45歲嘅佢同黃翠如結婚後不時喺公開場合大晒恩愛,佢都保養得唔錯,近乎零走樣,只係比後生時少少發福。

《戀愛自由式》:

蕭正楠當年係《戀愛自由式》第一男主角Photo from 《戀愛自由式》

蕭正楠初出道時斯文帥氣,形象正派Photo from 《戀愛自由式》

近況:

現年45歲嘅佢同黃翠如結婚後不時喺公開場合大晒恩愛Photo from 蕭正楠IG

蕭正楠保養得唔錯,近乎零走樣Photo from 蕭正楠IG

黃宗澤仍然單身

Bosco當年備受力捧,但相比起男主角蕭正楠青靚白淨嘅造型,Bosco飾演嘅角色以平頭look出現,樣子青澀,性格亦較為傻氣,不過20年過去,現年41歲嘅黃宗澤仲係單身,但更添成熟魅力,近年主要喺內地發展,經常同好兄弟吳卓羲同場。

《戀愛自由式》:

Bosco當年備受力捧Photo from 《戀愛自由式》

osco飾演嘅角色以平頭造型出現,樣子青澀Photo from 《戀愛自由式》

近況:

現年41歲嘅黃宗澤仲係單身Photo from 黃宗澤IG

黃宗澤近年主要喺內地發展Photo from 黃宗澤IG

鄧麗欣於電影圈發展

Stephy當年係偶像團體Cookies隊長,佢喺劇中雖然劇份唔重,卻擔任泳隊蝶式嘅一棒,Stephy當時仲有少少baby fat。現年38歲嘅佢主力喺電影圈發展,更憑《空手道》奪香港電影評論學會大獎「最佳女演員」。

《戀愛自由式》:

Stephy當年係偶像團體Cookies隊長Photo from 《戀愛自由式》

Stephy當時仲有少少baby fatPhoto from 《戀愛自由式》

近況:

現年38歲嘅鄧麗欣主力喺電影圈發展,更憑《空手道》奪香港電影評論學會大獎「最佳女演員」Photo from 鄧麗欣IG

傅穎形象大不同?

與隊友Stephy一齊出演,佢喺劇中負責游蛙式,當年嘅佢仲係單眼皮而且留短頭髮,與現時形象大為不同。現年37歲嘅Theresa早年走日系路線,其妝容髮型亦一度引起熱議,喺內地發展咗一段時間嘅Theresa近年回港,不過佢仍繼續更新抖音,並且因為filter而被網民指似公仔。

《戀愛自由式》:

Theresa喺劇中負責游蛙式Photo from 《戀愛自由式》

劇中傅穎係單眼皮而且留短頭髮Photo from 《戀愛自由式》

近況:

喺內地發展咗一段時間嘅Theresa近年回港,妝容髮型亦一度引起熱議Photo from 傅穎IG

黎諾懿主持烹飪節目

《戀愛自由式》係黎諾懿嘅出道作,當時佢一出道即備受重用,更獲安排做「奧運六星」,喺劇中戲份唔多,但「狗仔式」令人印象深刻。現年42歲嘅佢已係兩子之父,近年更主持烹飪節目。

《戀愛自由式》:

黎諾懿喺劇中戲份唔多,但「狗仔式」令人印象深刻Photo from 《戀愛自由式》

近況:

現年42歲嘅黎諾懿已係兩子之父,近年更主持烹飪節目Photo from 黎諾懿IG

陳霽平保養得宜

陳霽平原來係一名學霸,曾於中大傳理系擔任助教,佢喺電視劇多演眼高於頂嘅角色,《戀愛自由式》中佢係唐寧嘅勁敵。現年50歲嘅陳霽平依然單身,但外型算保養得唔錯,不時喺IG分享英文書!

《戀愛自由式》:

喺《戀愛自由式》中陳霽平係唐寧嘅勁敵Photo from 《戀愛自由式》

近況:

現年50歲嘅陳霽平依然單身,但外型算保養得唔錯,不時喺IG分享英文書!Photo from 陳霽平IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

阿Sa紫蘭仙子20年對比照!神還原零變化?網民:熄咗個filter先啦!

18 Feb 2021

38歲嘅阿Sa蔡卓妍啱啱出道就喺《齊天大聖孫悟空》中擔正做女主角「紫蘭仙子」,佢同阿嬌「紫薇仙子」造型更係唔少80、90後回憶。近日佢喺抖音再重現呢個造型,簡直係凍齡零走樣,不過有網民就不留情:「熄咗個filter先啦!」。

阿Sa蔡卓妍啱啱出道就喺《齊天大聖孫悟空》中擔正做女主角「紫蘭仙子」Photo from 《齊天大聖孫悟空》

38歲嘅阿Sa蔡卓妍同阿嬌鍾欣潼於2001年以組合Twins出道,兩人雖然係歌手但一出道就喺電視劇《齊天大聖孫悟空》齊齊擔任重要角色!

阿Sa阿嬌雖然係歌手但一出道就喺電視劇《齊天大聖孫悟空》齊齊擔任重要角色!Photo from 《齊天大聖孫悟空》

阿Sa飾演嘅「紫蘭仙子」更加係第一女主角,佢同張衛偉飾演男主角孫悟空係一對。而阿嬌飾演嘅「紫薇仙子」係紫蘭嘅妹妹,同台灣男星林志穎飾演嘅哪吒有感情線。

阿Sa飾演嘅「紫蘭仙子」係第一女主角Photo from 《齊天大聖孫悟空》

阿嬌飾演嘅「紫薇仙子」係紫蘭嘅妹妹Photo from 微博

當年呢套劇喺香港、台灣播出都成為收視冠軍,香港最高收視點更達40點!阿Sa、阿嬌古靈精怪嘅演出深入民心,精緻嘅仙女造型簡直係Twins嘅美貌巔峰!

阿Sa、阿嬌古靈精怪嘅演出深入民心Photo from 微博

精緻嘅仙女造型簡直係Twins嘅美貌巔峰!Photo from 《齊天大聖孫悟空》

估唔到事隔20年,阿Sa竟然再扮紫蘭仙子!原來佢喺抖音發現有紫蘭嘅特效,即刻用嚟試試。

估唔到事隔20年,阿Sa竟然再扮紫蘭仙子Photo from 阿Sa抖音

阿Sa表示濾鏡有啲重:「雖然過了20年但還是很喜歡這造型,你們覺得好看嗎?」個filter完美還原紫蘭仙子白色羽毛造型,阿Sa亦獲讚凍齡零走樣。

阿Sa表示濾鏡有啲重:「雖然過了20年但還是很喜歡這造型,你們覺得好看嗎?」Photo from 阿Sa抖音

不過亦有網民認為個filter磨皮效果明顯,與其話阿Sa凍齡,其實係因為用咗美顏:「熄咗個filter先啦!」、「P圖P到唔知喺邊個」。

不過亦有網民認為個filter磨皮效果明顯Photo from 阿Sa抖音

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel