download HolidaySmart 假期日常 app
香港小姐2022|醫科港姐張光怡被爆家底豐厚,居住半山豪宅!與高層樂易玲係世交?

香港小姐2022|醫科港姐張光怡被爆家底豐厚,居住半山豪宅!與高層樂易玲係世交?

娛樂新聞
By Stephanie on 15 Jul 2022
Digital Content Writer

香港小姐競選2022》嘅最後20強已公佈,唔少佳麗嘅背景亦被曝光,當中好多人嘅實力都非同小可!有「翻版麥明詩」之稱嘅15號佳麗張光怡(Chloe)本身係實習醫生,外表斯文有氣質。後來仲被爆原來佢嘅家庭背景雄厚,同大台高層樂易玲係世交,唔知會唔會因此令佢更加有勝算呢?!

15號佳麗張光怡本身係一位醫科高材生,但原來佢本身就已經識樂易玲?!Photo from 大台YouTube

「翻版麥明詩」張光怡係實習醫生

25歲嘅張光怡(Chloe)氣質清純身材纖瘦,本身亦係高材生,因此被網民稱為「麥明詩2.0」。佢畢業於香港大學內外全科醫學士,據悉現時於屯門醫院任職實習醫生。早前佢仲喺IG分享考獲part 1及part 2 外科專科試,喺參選嘅時候佢表示志願係「做香港醫學界發言人,並代表香港去世衛發言」,目標遠大!

候選佳麗張光怡被唔少網民稱為「翻版麥明詩」Photo from 張光怡IG

張光怡本身係一位實習醫生,早前喺IG公佈通過外科專科試嘅喜訊!Photo from 張光怡IG

家庭背景強勁,本身就認識樂易玲?

其實Chloe唔單止係學霸,佢嘅家庭背景都十分驚人。據悉,佢爸爸都係一位醫生,自己開設診所;而媽媽就係某集團高層,人脈非常廣,當中大台高層樂易玲亦係佢嘅好朋友!而Chloe同樂易玲嘅兩位兒子Adrian及Ryan十分熟悉,不時會一齊出現於聚會。Chloe亦透露提名人係佢契媽,即係胸圍大王羅傑倫前妻區詠梅,可見佢認識嘅名人都好多。

張光怡爸爸都係一位醫生,而媽媽就係某集團嘅高層,認識唔少各界名人。Photo from 張光怡IG

樂易玲同兩名兒子Adrian及RyanPhoto from 樂易玲IG

而Chloe本身亦認識樂易玲嘅仔仔,似乎係世交關係?!Photo from IG圖片

父母全力支持參加選美!

過往Chloe曾於受訪時被問到家底富裕嘅問題,佢當時就笑而不語,指父母都好支持佢暫時放低醫生事業,參加港姐比賽。而佢現時就同家人居住於半山豪宅,可以話係「人生勝利組」~

而佢白喔是父母都支持佢參加選美!Photo from 張光怡IG

與父母居住半山豪宅

從Chloe嘅IG照片中亦能夠見到居住嘅豪宅內部,屋企設計高貴典雅。客廳空間大,超大嘅落地玻璃能夠一眼飽覽維港景色;飯廳擺放咗一張能夠容納8人嘅圓桌,以及超大嘅水晶燈。

張光怡現時與父母一齊居住喺半山豪宅Photo from 張光怡IG

豪宅內設計高貴華麗,能夠飽覽維港景色~Photo from 張光怡IG

雖然讀醫嘅生活非常忙碌,不過Chloe都好識得享受生活,平時鍾意煮嘢食以及同屋企人周圍去旅行~

張光怡亦鍾意同家人一齊出國旅遊,曾到訪英國Photo from 張光怡IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

香港小姐2022|張靜婷被指整容爆喊!自我安慰:可能我個樣好精緻

14 Jul , 2022

香港小姐競選2022》自面試以嚟有唔少佳麗都成為話題,近日接受訪問時17號佳麗張靜婷提到佢曾被指整容,令佢一度情緒崩潰爆喊,但同師姐陳凱琳見面後就慢慢改變諗法:「可能因為我個樣好精緻」

《香港小姐競選2022》自面試以嚟有唔少佳麗都成為話題Photo from 娛樂新聞台

冠軍級師姐陳凱琳向港姐20強佳麗分享參選心得

近日港姐20強佳麗獲安排同2013年港姐冠軍陳凱琳(Grace)見面。身為師姐,Grace分享佢之前參選嘅心得,近年轉型做KOL,陳凱琳對經營社交網站亦有一番見解。

近日港姐20強佳麗獲安排同2013年港姐冠軍陳凱琳(Grace)見面。身為師姐,Grace分享佢之前參選嘅心得Photo from 娛樂新聞台

佢表示依家嘅佳麗可以透過IG等社交網站畀網民認識佢哋,但同時亦要承受外界對佢哋嘅評價。陳凱琳稱自己都曾經面對過唔少呢啲嘢,佢分享個人經歷指唔需要將外界嘅評論太過在乎,畀自己太大壓力。

陳凱琳分享個人經歷指唔需要將外界嘅評論太過在乎,畀自己太大壓力。Photo from 娛樂新聞台

17號佳麗張靜婷被指整容崩潰爆喊

其中17號佳麗張靜婷就提到之前出席記者會後被質疑曾經整容,令佢一度情緒失控爆喊,佢表示上完Grace嘅分享堂之後覺得對佢好有幫助,原來Grace都曾遇到呢啲事。

17號佳麗張靜婷就提到之前出席記者會後被質疑曾經整容,令佢一度情緒失控爆喊Photo from 娛樂新聞台

張靜婷表示上完Grace嘅分享堂之後覺得對佢好有幫助Photo from 娛樂新聞台

張靜婷得知Grace都有類似經歷,佢自覺唔係得佢自己承受呢啲嘢,接受能力高咗好多。同時佢亦都自我開解,唔再為「整容」傳聞感到傷心。

張靜婷得知Grace都有類似經歷,佢自覺唔係得佢自己承受呢啲嘢,接受能力高咗好多。Photo from 張靜婷IG

自我安慰:可能我個樣好精緻

張靜婷表示:「可能我個樣啲人覺得好精緻啦!好似整過咁,但其實我無呢我都好開心啲人咁講嘅!」佢指自己無整容但外界覺得佢眼耳口鼻都整過,不過某程度上都算係稱讚佢五官,佢對此亦覺得開心。

張靜婷表示:「可能我個樣啲人覺得好精緻啦!好似整過咁,但其實我無呢我都好開心啲人咁講嘅!」Photo from 娛樂新聞台

張靜婷指自己無整容但外界覺得佢眼耳口鼻都整過Photo from 張靜婷IG

整容傳聞某程度上都算係稱讚佢五官,張靜婷對此亦覺得開心。Photo from 張靜婷IG

張靜婷10年前舊照曝光

現年27歲嘅張靜婷係一名模特兒,根據佢嘅個人資料,佢嘅志向係開辦一間選美學校,分享自身經歷以鼓勵更多的女性參加選美比賽。

現年27歲嘅張靜婷係一名模特兒Photo from 張靜婷IG

根據佢嘅個人資料,張靜婷嘅志向係開辦一間選美學校Photo from 《香港小姐競選2022》

佢IG日常都分享好多靚相,佢2012年嘅舊照曝光,同佢依家嘅分別不大,戴咗「大眼仔」con嘅佢五官未見太大改變,佢亦有喺IG公開過8歲時影嘅童年照,真係女大十八變~

張靜婷IG日常都分享好多靚相Photo from 張靜婷IG

張靜婷2012年嘅舊照曝光Photo from 張靜婷IG

張靜婷喺IG公開過8歲時影嘅童年照Photo from 張靜婷IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel