金像獎2022｜85歲謝賢奪影帝，謝霆鋒被斥唔孝順：親生仔不如林家棟
《第40屆香港電影金像獎》於ViuTV舉辦頒獎典禮，四哥謝賢以85歲之齡奪得「最佳男主角」，成為該獎項最年長得主。致辭時林家棟喺四哥身旁照顧佢，獲網民大讚係暖男，而親生仔謝霆鋒卻被指唔見人，網友鬧爆：「好心照顧下爸爸啦！」
Photo from 《第40屆香港電影金像獎》
謝賢繼「終身成就獎」後，再奪金像獎「最佳男主角」
停辦兩年後金像獎終於舉辦實體頒獎典禮，成為全城熱話。每年「最佳男主角」呢個獎項都係頒獎禮重頭戲，今年由謝賢憑《殺出個黃昏》嘅演出，首次坐上影帝寶座！
Photo from 《第40屆香港電影金像獎》
現年85歲嘅謝賢，人稱「四哥」，佢喺50年代出道，至今已從影70年。四哥於2019年《第38屆香港電影金像獎》曾奪得「終身成就獎」，佢今年憑一套戲喺《第28屆香港電影評論學會大獎》、《香港電影導演會2021年度獎項》、《第40屆香港電影金像獎》分別攞到「最佳男演員」、「最佳男主角」等3大獎項。
林家棟全程悉心照顧謝賢
四哥演技獲獎項肯定，佢出席金像獎時全程由林家棟傍到實，喺台下林家棟就坐喺四哥隔離，到宣佈四哥獲獎後，林家棟亦扶實佢上台領獎，四哥致謝辭又陪伴在側，大讚佢：「香港金像獎史上攞最佳男主角會全場起身拍手掌嘅，你係第一個！」
Photo from 《第40屆香港電影金像獎》
Photo from 《第40屆香港電影金像獎》
Photo from 《第40屆香港電影金像獎》
Photo from 《第40屆香港電影金像獎》
當四哥拉底口罩致辭時，林家棟細心幫佢拉返上去，佢之後幫手解釋：「因為（頒獎禮）人多，醫生叮囑唔好（除口罩）。」佢又問四哥仲有無咩想同觀眾講，兩人感情如父子親厚。
Photo from 《第40屆香港電影金像獎》
Photo from 《第40屆香港電影金像獎》
Photo from 《第40屆香港電影金像獎》
謝霆鋒出post恭喜謝賢，被網友斥唔關心爸爸
當日四哥兒子謝霆鋒有份參演嘅《怒火》亦獲得多個獎項，不過霆鋒未有出席頒獎禮，但得知電影奪獎後，佢都有喺微博、Facebook發文祝賀台前幕後人員。作為仔仔，霆鋒亦喺Facebook祝賀四哥：「恭喜老豆?」，但微博佢淨係出post恭喜《怒火》奪「最佳電影」。
Photo from 謝霆鋒Facebook
Photo from 謝霆鋒微博
對於四哥攞獎但佢又唔喺身旁陪伴，唔少網友留言指佢唔關心爸爸：「點解唔一齊出席支持下」、「外國人可能仲以為呢個係無兒無女嘅演員」，又暗指林家棟更似謝賢親生仔：「你真係有老豆心啦林家棟」
Photo from 《鋒味2018》
Photo from 謝霆鋒Facebook
Photo from 謝霆鋒Facebook
但亦有網友指父子平時相處點滴唔需要拍上網畀人睇，兩人自己知個仔孝順就得。其實謝霆鋒6月尾嘅時候有喺香港出席活動，但7月即返內地工作，預告自己無法出席金像獎頒獎禮。佢最近亦有喺微博分享隔離日常。
Photo from 《鋒味2018》
Photo from 謝霆鋒微博
謝霆鋒奪影帝時曾爆料寸爸爸無攞過獎
早於11年前謝霆鋒就已經攞過金像獎「最佳男主角」，當年喺台上致謝辭時亦有提起爸爸謝賢喺佢細個時候會問佢：「你知唔知我已經拍咗幾百部電影！」當佢18歲攞咗金像獎新人獎時就拎咗個獎擺喺枱面寸爆爸爸：「你拍過咁多套戲，有無攞過金像獎。」
Photo from 《第30屆香港電影金像獎》
Photo from 《鋒味2018》
不過霆鋒表示知道爸爸喺屋企睇電視，佢指希望爸爸唔好將呢番說話擺喺心入面，原諒佢一個不知天高地厚嘅小朋友：「老竇，你先係最佳男主角！」霆鋒曾於節目中指爸爸謝賢老年因為無好好嘅計劃人生，經常都唔快樂，成日話自己「等死」。
Photo from 《第30屆香港電影金像獎》
Photo from 《第40屆香港電影金像獎》
之前四哥都有上霆鋒嘅節目做嘉賓，兩父子互窒十分有趣，相信佢哋嘅感情都好好。
Photo from 《因為是朋友呀》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
金像獎2022得獎名單出爐！四哥謝賢奪得影帝、劉雅瑟首獲影后
17 Jul 2022
《第40屆香港電影金像獎》停辦兩年後終於舉辦實體頒獎典禮，許冠傑榮獲「終身成就獎」，謝賢登影帝寶座、劉雅瑟憑首獲影后，已離世嘅陳木勝獲「最佳導演」獎項，即睇完整得獎名單！
終身成就獎：許冠文
專業精神獎：周國忠
最佳新演員：《梅艷芳》王丹妮
新晉導演：《手捲煙》陳健朗
最佳攝影：《智齒》鄭兆強
最佳女配角：《梅艷芳》廖子妤
最佳原創電影歌曲：《一秒拳王》時間的初衷（作曲：周國賢、恆仔@ToNick、填詞：鄭敏、主唱：周國賢、恆仔@ToNick）
最佳美術指導：《智齒》麥國強、王慧茵
最佳原創電影音樂：《第一爐香》坂本龍一
最佳服裝造型設計：《梅艷芳》吳里璐、葉嘉茵
最佳剪接：《怒火》彭正熙
最佳視覺效果：《梅艷芳》余國亮、林嘉樂、梁偉民、洪敏詩
最佳音響效果：《梅艷芳》杜篤之、吳書瑤
最佳男配角：《媽媽的神奇小子》馮皓揚
最佳動作設計：《怒火》甄子丹、谷軒昭、谷垣健治、李忠志
最佳編劇：《智齒》歐健兒、岑君茜
最佳亞洲華語電影：《美國女孩(台灣)》
最佳女主角：《智齒》劉雅瑟
最佳導演：《怒火》陳木勝
最佳男主角：《殺出個黃昏》謝賢
最佳電影：《怒火》
圖片來源：香港電影金像奬 Hong Kong Film Awards
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
