download HolidaySmart 假期日常 app
妻子擅自將丈夫模型送出,批評對方性格太幼稚!公開二人對話紀錄!網民卻一面倒支持男方?

妻子擅自將丈夫模型送出,批評對方性格太幼稚!公開二人對話紀錄!網民卻一面倒支持男方?

生活熱話
By Stephanie on 18 Jul 2022
Digital Content Writer

夫妻之間除咗講求互相信任之外,彼此尊重都係十分重要嘅一環。最近,一位人妻表示將丈夫嘅模型送俾小朋友,而丈夫返屋企後大發雷霆,二人發生爭執,宜家仲疑似鬧出婚變?!而網民喺睇到夫妻二人嘅對話後,都一面倒決定支持丈夫?!

人妻因為擅自將丈夫嘅模型送俾人,而導致出現婚姻危機!Photo from 《離婚活動》

人妻擅自將丈夫的模型玩具送出

日前,台灣人妻喺FB群組「匿名公社」大吐苦水,指丈夫一直以來都非常鍾意收集公仔,包括:哥斯拉、日本動畫海賊王等。最近,人妻嘅媽媽及親戚拜訪佢哋屋企,期間有小朋友見到哥斯拉恐龍玩具後非常喜歡:人妻嘅媽媽一直話要送俾小朋友做禮物、而人妻幫模型拍下照片,打算遲啲再買返一模一樣嘅模型俾丈夫。

台灣人妻於FB公開群組投稿,大呻丈夫性格似小朋友,鍾意玩模型Photo from FB群組「匿名公社」

人妻親戚嘅小朋友睇中咗哥斯拉模型,而人妻未有詢問丈夫嘅同意就將玩具送俾人!Photo from 《量產型璃子~女子的塑膠模型人生組裝記~》

丈夫一怒之下購買大量模型回家,人妻嬲到回娘家!

喺丈夫出差回家知道實情後就忍唔住發嬲,表示該模型喺市面上好難買,仲開始發脾氣話一定要自己買嘅嗰隻,然後就立刻離開咗屋企;而妻子就認為丈夫嘅行為不可理喻「像個小朋友一樣在鬧!」其後,丈夫就買咗一大堆模型返屋企,仲揚言花費逾十萬台幣(約港幣2萬6千)購買,令人妻嬲到返咗娘家!

二人因為模型而發生嘅爭執,越來越激烈!Photo from 《夫婦的世界》劇照

 

二人爭吵持續「升溫」!

其後人妻再上載二人後續嘅短訊對話,只見丈夫發短訊詢問人妻「你要回來了嗎?」而人妻就話要丈夫向佢以及媽媽道歉,因為人妻媽媽聽到二人吵架,對男方感到不滿「對家人也這麼斤斤計較。」不過,丈夫堅持己見唔願意就範,覺得妻子擅自將佢嘅模型送俾其他人就係唔啱;而人妻就要等到月尾先肯回家,二人爭執十分激烈!

人妻要求丈夫道歉先肯回家Photo from FB群組「匿名公社」

丈夫態度堅決

過左一陣,人妻視乎察覺到丈夫今次嘅態度堅決,突然向丈夫道歉「好啦是我的錯!老公我很抱歉,我會跟我媽去阿姨那邊拿回玩具,用另一個玩具換,這樣可以了嗎。」其後相信丈夫有打電話俾佢,似乎難以釋懷,令人妻立刻改口話肯即刻返屋企!

人妻突然發現有異樣,令佢忍唔住立刻決定返屋企搵丈夫Photo from FB群組「匿名公社」

丈夫似乎想喺下星期出差完之後辦理離婚手續?!Photo from 《三十而已》

透露有意與妻子暫時分開?

而丈夫亦坦承講出自己嘅心聲「你嫌我像小孩、那公子是我們去日本旅遊時拿的」,仲話已經決定暫時搬去朋友屋企住,等下星期出差後就搵律師處理婚姻問題「車給你、房子我要,我認真的。」喺人妻返到屋企後,丈夫已經離開咗屋企,而且亦聯絡唔到對方以及佢嘅朋友,嘗試箍煲但都似乎唔成功。

不過丈夫似乎對婚姻感到十分失望,決定暫居住於朋友家。Photo from FB群組「匿名公社」

人妻返到屋企後,已經搵唔到丈夫,並不停嘗試挽救婚姻?!Photo from FB群組「匿名公社」

人妻不停用短訊挽留丈夫,但都似乎並唔成功?!Photo from 《今生是第一次》

人妻再公開與丈夫對話,卻令網民更加支持男方?!

事後,人妻補充已經將模型從親戚手中攞返屋企,不過丈夫依然唔肯理佢。而佢又再次上載通訊對話截圖俾網民睇,只見佢提及「如果真的想要離婚,房子可以請你跟我談談嗎」,仲話「房子是我媽想說可不可以貼500給你,畢竟我們也一起6年了」,似乎離婚後都想丈夫俾埋間屋佢?!

人妻再上傳一連串嘅通訊對話紀錄,令網民更加唔支持佢?!Photo from FB群組「匿名公社」

人妻詢問丈夫若果真係離婚,可唔可以將房屋留俾佢?Photo from FB群組「匿名公社」

就咁睇丈夫似乎亦對婚姻感到絕望,不過就決定先暫緩離婚一事Photo from FB群組「匿名公社」

網民一面倒支持丈夫

呢個post出咗之後,瞬間引起台灣網民們嘅熱議,短短幾日內就獲得逾1萬3千位網民留言!網民一面倒認為人妻十分過分「就連基本尊重都不會」、「這老公真會忍,辛苦了」、「你有這個媽媽也是絕了」等;而唔少網民都支持二人離婚,認為人妻根本就唔知道自己出現咩問題,只係為挽救婚姻而盲目道歉。

網民都可以話係一面倒支持丈夫!Photo from FB群組「匿名公社」

網民都認為人妻並唔知道自己嘅問題,只係為挽救婚姻而道歉Photo from 《愛上變身情人》

台灣IKEA迅速「抽水」!

呢個post人氣飆升,就連台灣IKEA都忍唔住「抽水」:上載一張玻璃門櫃嘅產品照,附上「可上鎖,有效防止親戚孩子拿走玩具」,超級搞笑~

事件爆紅到連IKEA都出post抽水~Photo from 台灣IKEA FB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

人妻一日三餐都煮即食麵,老公怒而離婚!法官呻離婚原因千奇百怪

1 Jun , 2022

現今社會好多夫婦因為性格不合、生活習慣唔同而選擇離婚。近日印度有一位丈夫稱佢與妻子結婚後幾乎一日三餐都係食公仔麵,令佢難以忍受,最終提出離婚。法官亦指曾遇到好多唔同嘅離婚理由。

現今社會好多夫婦因為性格不合、生活習慣唔同而選擇離婚。Photo from 《紀念日》劇照

印度夫婦因即食麵而離婚?

婚姻係神聖嘅,通常喺西式婚禮上新郎、新娘會向對方公開承諾遇到困難亦「不離不棄」等,但係近年離婚率仍然逐年上升,夫婦感情不和、性格不合、相處唔到等都會成為離婚嘅理由。

近年離婚率仍然逐年上升,夫婦感情不和、性格不合、相處唔到等都會成為離婚嘅理由。Photo from 《三十而已》劇照

不過喺印度,離婚嘅原因更為多元化,印度主要地區法院法官ML Raghunath就表示佢曾遇到過一對夫妻,因為即食麵而要離婚,鬧上法庭,事件令佢留下深刻印象。

印度主要地區法院法官ML Raghunath就表示佢曾遇到過一對夫妻,因為即食麵而要離婚Photo from 《魔女的戀愛》劇照

妻子唔識煮飯,一日三餐只煮公仔麵

原來結婚後妻子唔識下廚,一直都煮即食麵果腹,不論早餐、午餐、晚餐都係食同一個品牌嘅即食麵「Maggi」,丈夫更指妻子就算出門去雜貨店都只係為買即食麵,令佢難以接受,最終決定提出離婚。

原來結婚後妻子唔識下廚,一直都煮即食麵果腹Photo from 《我的特級兄弟/完美搭檔》劇照

不論早餐、午餐、晚餐都係食同一個品牌嘅即食麵「Maggi」Photo from Nestlé

法官ML Raghunath指呢個離婚案以雙方同意結束婚姻而告終,但佢表示法院仲收到好多因為小事引起嘅離婚申請,當中嘅離婚理由千奇百怪。

法官表示法院仲收到好多因為小事引起嘅離婚申請,當中嘅離婚理由千奇百怪。Photo from 《證人》劇照

離婚原因都係雞毛蒜皮小事?

有夫婦喺結婚後後一日提出離婚,原因喺裝食物嘅碟上一側放鹽。另外亦有人婚後唔同另一半交流而被提出離婚、揀錯婚紗顏色、無花足夠時間陪伴妻子等,都係離婚嘅原因。

有人婚後唔同另一半交流而被提出離婚、揀錯婚紗顏色、無花足夠時間陪伴妻子等,都係離婚嘅原因。Photo from 《鬼怪》劇照

法官ML Raghunath稱近年離婚案件急劇增加,雖然曾經成功促成起訴離婚嘅夫妻復合,但復合嘅夫妻畢竟只算少數,110單離婚案件中,只有32對夫妻成功復合。

法官ML Raghunath稱近年離婚案件急劇增加,雖然曾經成功促成起訴離婚嘅夫妻復合但只屬少數Photo from 《少年法庭》劇照

資料來源:New Indian Express

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel