download HolidaySmart 假期日常 app
台女為「裙腳仔」男友煮飯致分手,4大細節令人心淡,網民斥唔識珍惜好女仔!

台女為「裙腳仔」男友煮飯致分手,4大細節令人心淡,網民斥唔識珍惜好女仔!

生活熱話
By Moon Lam on 19 Jul 2022
Digital Content Writer

唔理係生日定週年紀念,煮下飯仔一向都係唔少情侶嘅情趣,不過就有人因為咁而分手!台灣有女網友發文,指想為男朋友嘅生日煮愛心晚餐,但就因4件事而睇清男友嘅性格,令女網友直指對方係「媽寶」

《逃避可恥卻很有用》劇照Photo from 《逃避可恥卻很有用》劇照

台灣一位女網友係Dcard發文,表示自己同前男友係交友程式識,拍拖大約2個月,日前前男友生日,就上網買咗兩人份嘅海鮮組合,雖然知自己廚藝差,但因為海鮮一早處理好,網上提供嘅料理方法又好簡單,於是決心要煮一餐「豪華海鮮愛妻大餐」!不過期間就發生咗4件事,搞到樓主果斷同前男友分手,隔日直接唔再聯絡!

Dcard 圖片Photo from Dcard 圖片

1. 要媽咪載到指定地點

女網友話個日一開始前男友嘅態度已經令佢不爽,約好6點半咗右但前男友5點已經到咗,但個陣樓主煮緊野根本行唔開,前男友又不斷催樓主落樓,先發現原來前男友每次出街都係媽咪車佢到指定地點!後來樓主匆忙落樓接前男友,但因為廚房仲焗緊帶子,同前男友媽咪打聲招呼就走,結果前男友一上樓就好嬲咁話:「你對我媽很不尊重沒禮貌」,令樓主一頭問號。

《BB來了》劇照Photo from 《BB來了》劇照

2. 全程無幫手連句多謝都無

之後樓主終於上齊全部餸,但前男友從來無主動清理枱面或者拎餐具,食咗幾啖仲問樓主要唔要下次去佢屋企跟佢媽咪學煮飯,成餐飯仲連一句多謝都無。

《媽寶兄弟》劇照Photo from 《媽寶兄弟》劇照

3. 嫌魚有刺要人挑走

樓主稱自己跟食譜整一道泰式檸檬鱈魚,但因為唔記得買辣椒,於是用花椒取代,諗住味道應該都唔會太差,不過煮完出黎啲汁就變咗黑色。然後前男友又一直嫌點解魚會有刺,仲同魚身一樣係白色好易誤食,試圖叫樓主幫佢挑,仲話醬汁睇落好核突,令樓主不滿問:「阿鱈魚不是就是這樣嗎??」,樓主承認賣相真係麻麻,但因為材料本身唔錯,煮出黎都算好食。

Dcard 圖片Photo from Dcard 圖片

4. 要樓主幫佢剝蝦

食到後面見前男友無起筷食蝦嘅意思,樓主就自己默默剝蝦,結果前男友竟然話:「順便幫我剝一下」,令樓主覺得係「壓垮駱駝最後一根稻草」,決意同佢分手。樓主表示自己並唔係一定要男方剝蝦殼,有時仲會剝哂埋全家人食,但就話前男友呢種唔識睇臉色,「整天媽媽叫的傢伙真的可以滾了」。而前男友發現樓主買餸使得唔算多錢,仲好嬲咁話樓主小氣,令樓主不禁問:「吃錢長大的嗎?」

Dcard 圖片Photo from Dcard 圖片

最後樓主表示呢餐飯令佢對前男友非常倒胃口,直接分手唔再聯繫,仲奉勸網友們拍拖期間要好好觀察男朋友,「愛惜生命,遠離媽寶男」。

樓主話佢仲特登將蝦擺成愛心形狀,最後變成愛情墳墓。

而網友紛紛留言支持樓主,話帶子同鱈魚點會唔貴,而且鱈魚刺已經好大條好容易挑開,取笑男方真係裙腳仔,需要嘅係看護而唔係女友!網友又指睇得出樓主真係心意十足,係前男友唔識得珍惜。

Dcard 截圖Photo from Dcard 截圖

Dcard 截圖Photo from Dcard 截圖

Dcard 截圖Photo from Dcard 截圖

Dcard 截圖Photo from Dcard 截圖

網民超不忿樓主前男友唔珍惜好女仔Photo from Dcard 截圖

而唔少網友錯重點話樓主業配得非常成功,成篇文大讚食材又不斷出現食材圖片,令人好想知海鮮組合包邊到有得買…

網民話如果係賣廣告黎講賣得幾好Photo from Dcard 截圖

Dcard 截圖Photo from Dcard 截圖

Text: HolidaySmart Editorial (小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel