謝安琪po金像獎後台照，被網民發現P圖「牆身都歪埋」！盤點4位女星P圖失手照！

娛樂新聞

By Stephanie on 19 Jul 2022

Digital Content Writer

44歲謝安琪（Kay）保養得宜，至今依然係唔少網民心目中嘅女神人選～最近，佢有份出席《第40屆香港電影金像獎》擔任頒獎嘉賓，喺IG上載同演員們嘅合照。不過，有眼利網民發現佢好明顯P咗圖，仲搞到背景都歪埋？！

Photo from 謝安琪IG

謝安琪出席金像獎做頒獎嘉賓

早前，謝安琪盛裝出席《第40屆香港電影金像獎》擔任頒獎嘉賓，當日佢身穿黑色貼身透視連身裙，配上閃耀嘅鑽石頸鏈。雖然部份網民覺得佢似乎有少少「幸福肥」，但網民都依然大讚佢美貌依舊～

Photo from 謝安琪IG

上載後台照片，被網民發現P圖？

喺典禮後台，謝安琪當然唔少得同其他演員打卡留倩影啦～佢喺IG上載與演員柯煒林以及「最佳男配角」得主馮皓揚嘅合照，但有眼利嘅網民就發現喺佢同馮皓揚嘅合照中，佢有明顯嘅P圖痕跡，就連後面嘅牆都有少少歪咗，質疑佢將自己嘅身形P瘦咗？！

Photo from 謝安琪IG

Photo from 連登討論區

過往上載《叱咤》造型照，P圖導致後方門框歪掉！

其實今次並唔係謝安琪第一次P圖被網民發現！早於今年1月出席《叱咤樂壇流行榜頒獎典禮2021》嘅時候，佢亦同樣喺IG上載幾張獨照；然而佢嘅手臂位置非常奇怪，而後方嘅門框及牆身都明顯彎曲咗，無意中暴露咗P圖嘅痕跡。

Photo from 謝安琪IG

身材線條超好，經常健身保持身型！

雖然謝安琪已經成為人母，不過佢嘅身材好好，經常都健身保持完美身型。過往佢亦不時上載做負重運動時嘅影片，只見身穿貼身運動裝束嘅佢身材線條展露無遺，仲搞笑咁展示肌肉線條，獲網民大讚零死角女神～

Photo from 謝安琪IG

其實唔少女星都有P圖嘅習慣，務求俾大眾見到佢哋最完美嘅一面，不過偶爾卻會失手導致成張照片變得更加奇怪。宜家即睇女星們過往嘅P圖失手照！

1. 宮雪花

現年74歲嘅宮雪花近年已經淡出幕前，不過偶爾都會喺社交平台上載自己嘅生活照。然而，佢拍照嘅時候好鍾意使用濾鏡，而且大部分嘅濾鏡都會「開到最行」，令佢嘅樣貌變得好奇怪，雙眼變得超大！而佢仲曾經因為P圖導致後方嘅欄杆完全曲咗，令唔少網民都一眼就發現佢P咗圖！

Photo from 宮雪花微博

2. 倪晨曦

女神倪晨曦（Elva)過往曾上載自己去歐遊嘅旅行照，不過網民就發現佢上載嘅照片明顯見到坐喺路邊嘅路人全部都「扁晒」！而事後Elva大方解釋，係為咗將原本長方形嘅照片上載到IG，所以先將圖片壓縮成正方形。

Photo from 倪晨曦IG

3. 安以軒

台灣女星安以軒五官深邃精緻，一直都被網民稱讚係大美人。但佢曾上載一張自拍照，仔細一看卻發現佢嘅左邊鼻孔被P到完全唔見咗，反而令照片變成驚嚇照片！

Photo from 安以軒微博

4. 昆凌

台灣天王周杰倫嘅老婆昆凌一向都身材苗條，仲成日喺IG大晒美腿照～過往佢上載喺泳池邊嘅照片，但細心一睇就會發現後邊嘅泳池邊及樹枝都歪晒！

Photo from 昆凌IG

相關文章：原子少年｜台灣選秀參賽者小宜IG對比照成照騙！超強P圖技巧掀熱議

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

乘風破浪的姐姐3｜阿嬌鍾欣潼被指P圖過重鼻影出事，薛凱琪再進化？

18 May , 2022

內地人氣綜藝節目《乘風破浪3》（前名《乘風破浪的姐姐3》）正式公開參與節目嘅嘉賓海報，同上兩季一樣，今次都有香港女藝人參賽，包括Twins嘅阿Sa阿嬌、薛凱琪、胡杏兒，不過有人就指官方poster似乎P圖過度！

Photo from 《乘風破浪》

《乘風破浪的姐姐》系列再度捧紅唔少女藝人

《乘風破浪》系列一直喺內地都好受歡迎，參加節目嘅女藝人亦因而獲得好高嘅人氣，過往兩季成績唔錯，前兩季嘅成功令製作組好快就決定推出第三季。之前一直有參加名單流出，但都未獲官方確定。

Photo from 《乘風破浪》

4位香港女藝人參加《乘風破浪3》

日前節目組終於「官宣」，並公開一眾「姐姐」嘅個人poster，大晒30+女性嘅自信同魅力。同之前一樣，今季有唔少港人熟悉面孔參賽，包括《延禧攻略》女主角吳謹言、Twins阿Sa阿嬌、薛凱琪、胡杏兒等。

Photo from 《乘風破浪》

目前官方公開咗兩種海報，海報一公開，Twins兩位成員即時登上微博熱搜第一，而曾經出演《乘風破浪的姐姐》第二季嘅容祖兒都有喺微博幫好姊妹拉票：「我親愛的SaSa@蔡卓妍嬌嬌@鍾欣潼也參加乘風破浪啦，作為『學姐』來為你們打Call！加油加油！還記得去年參加節目時我經常打電話給你們，今年我的手機也24小時為你們開機哦！」不過poster P圖太勁亦成為網民焦點！