內地網民分享「搵香港男朋友攻略」!推薦3類女生不同辦法

內地網民分享「搵香港男朋友攻略」!推薦3類女生不同辦法

時事熱話
By Jennifer on 19 Jul 2022
Digital Editor

早年曾有深圳大媽教路內地女生點樣嫁到香港,隨即引起熱議。近日有網友喺網上求助指喺香港讀書,希望可以搵到一個香港本地男朋友,即有回答分享如何輕鬆攻略港男,有關回答喺連登討論區瘋傳。

早年曾有深圳大媽教路內地女生點樣嫁到香港,隨即引起熱議。Photo from 《忘記你記得愛情》劇照

內地女生如何攻略港男,嫁到香港?

之前曾有內地阿姨指內地女生可以用積蓄到香港讀一年碩士,然後留港工作、物色結婚對象。當時佢表示內地女生最好搵返同樣係來港工作嘅內地男士,又稱港男「拍拖愛AA制」、「大機概率浪費你的青春」,呼籲內地女生搵港男做男友要謹慎。

曾有內地阿姨指內地女生可以用積蓄到香港讀一年碩士,然後留港工作、物色結婚對象。Photo from 《假面》劇照

最近有內地網友喺「知乎」發文,題主指喺香港讀書,可唔可以搵到一個香港本地男朋友。其中一個比較多人贊同嘅回答表示可唔可以都係要「看臉」。回答嘅網友個人資料顯示佢「生於重慶、長於成都、暫居香港」佢學歷為香港中文大學,現從事IT行業,睇嚟佢都係喺香港讀書後留港工作嘅「港漂人士」。

最近有內地網友喺「知乎」發文,題主指喺香港讀書,可唔可以搵到一個香港本地男朋友。Photo from 《我的ID是江南美人》劇照

回答嘅網友個人資料顯示佢「生於重慶、長於成都、暫居香港」Photo from 知乎

生得貌美如花搵香港男友超簡單

佢表示自己香港咁多年都有唔少同港男、港女打交道嘅經驗,佢指如果係貌美如花美若天仙嘅話,要搵香港男友就十分簡單,佢稱女生若主動啲、撒嬌叫人教廣東話,基本上好快就會有港男做男友。

內地網友指如果係貌美如花美若天仙嘅話,要搵香港男友就十分簡單Photo from 《Alice》劇照

答題網友表示如果睇唔上普通港男,無咩事可以去下馬場,或者高級酒吧club、開個抖音小紅書,平時post下靚靚自拍,嘗試打入高级圈子,但佢指要識得排除普通港男。

答題網友表示如果睇唔上普通港男,無咩事可以去下馬場Photo from 《The King:永遠的君主》劇照

內地女生開個抖音小紅書,平時post下靚靚自拍,嘗試打入高级圈子Photo from 《忽而今夏》劇照

其貌不揚女生搵香港男友有辦法

佢稱如果長相一般嘅女生相對就要花啲功夫。佢指港男「骨子裡還是高人一等」,呼籲內地女生要做好港男只係想同你玩下嘅心理準備。佢坦言如果係其貌不揚嘅好大機會連普通港男都唔會正眼望你,但佢指「突破的辦法也不是沒有」。

網民稱如果長相一般嘅女生相對就要花啲功夫。佢指港男「骨子裡還是高人一等」Photo from 《The King:永遠的君主》劇照

內地女搵中年男士大機會成功:說不定還有公屋可以住

答題網友建議可以搵中年男士做男友:「特別是地盤工啊,司機啊那些四十多的中年男人;那群男人雖然幹的髒活苦活,但其實收入並不低」佢指部分港女看唔起佢哋唔肯下嫁,呢班中年男士自己年紀大又急於求偶求子,所以內地女唔嫌棄嘅話都好大機會成功:「而且因為是散工出糧用現金說不定還有公屋可以住,因為年齡差距大說不定對你還呵護有加」,但佢提醒結婚前要做個心理檢測,以免類似《天水圍的夜與霧》入面嘅悲劇發生。

答題網友建議可以搵中年男士做男友:「特別是地盤工啊」Photo from 《激戰》劇照

網民指部分港女看唔起佢哋唔肯下嫁,呢班中年男士自己年紀大又急於求偶求子,所以內地女唔嫌棄嘅話都好大機會成功Photo from 《DOCTOR》劇照

內地女不解為何要嫁港男:「住劏房有甚麼好的?」

不過亦有人留言唔明題主點解要搵香港人做男朋友,直言:「找到之後呢?跟他一塊擠劏房住?」更有留言認為有錢嘅港男其實係非常非常少,而且好多都要全屋五六個人逼喺好細嘅屋生活。有香港網友認為「向港男求教廣東話」呢個方法好掂,又認為有啲都講得好啱。

唔少內地網民唔理解點解要搵港男Photo from 《踩過界》劇照

有人留言唔明題主點解要搵香港人做男朋友Photo from 知乎

有留言認為有錢嘅港男其實係非常非常少Photo from 知乎

內地網友指香港好多人都要全屋五六個人逼喺好細嘅屋生活。Photo from 《香港愛情故事》劇照

有香港網友認為「向港男求教廣東話」呢個方法好掂Photo from LIHKG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

廣告
廣告

更多相關文章

內地大媽向深圳女仔傳授來港攻略! 長得不難看,乖一點就一定嫁得出!

25 Nov 2021

網絡上嘅資料五花八門,只要你想知道嘅都可以搵到解答。最近,有內地網民喺網上分享「深圳女仔嘅出路如何?」,並附上如何留喺香港嘅方法!其中,該樓主仲建議唔應該嫁俾港男,因為港男比較遲婚,認為深圳女仔們嘅首要目標竟然係「港漂」?!

有內地網民於知乎教導如何去香港長居!Photo from 《拖旅行箱的女人》

# 內地阿姨傳授來港秘訣!

相信唔少人都曾經為自己嘅出路及前途而感到迷惘~日前,有位自稱已經成為阿姨嘅內地網民上載以「深圳普通女孩的出路是什麼?」為題目嘅post,於網上分享如何南下去香港,並長居香港嘅幾個秘訣!

有位自稱係內地阿姨向網民傳授來港秘訣!Photo from TVB

# 申請來港讀碩士非常容易!

首先,「阿姨」就表示深圳嘅女孩們冇必要一齊惡性競爭,認為只要你樣貌唔差,就可以輕易申請去香港嘅大學修讀1年嘅碩士課程,提升自己學歷,仲專登點名城大、理大、教大等,認為呢幾間都非常易就申請!等到完成課程之後,就可以爭取喺1年簽證限期內搵工,主要喺搵香港嘅中資企業、保險公司、國際學校等。

樓主教導內地女生先申請來港就讀1年碩士課程,Photo from 知乎

完成課程後,就要利用1年嘅簽證限期成功搵到工作,留喺香港!Photo from TVB

# 挑選另一半要謹慎!

搵完工作,就當然要順便搵埋另一半啦!然而,「阿姨」就教大家首選嘅目標一定係「港漂」(喺香港工作嘅內地男士),因為呢類型嘅男士同港女有隔膜,多數都難搵到女朋友,內地女孩可能會更加適合佢哋!如果想選擇港男或者外國人作為伴侶都可以,不過就一定要謹慎選擇,因為佢哋多數都鍾意AA制度、遲婚而且唔鍾意買樓,好大機會浪費青春!

樓主建議內地女生挑選「港漂」做另一半,認為港男普遍遲婚會耽誤女生青春!Photo from 知乎

樓主仲直指現時嘅港男大多都唔鍾意冇樓置業!Photo from TVB

# 內地女生長相已經有優勢?!

除此之外,「阿姨」仲認為內地女仔喺長相上面本身就有一定嘅優勢,因為大部分港女都係東南亞長相,而且都係「傻白甜」!佢強調「只要姿態放得夠低,嫁人一定不是問題!」,表示香港男士都唔太著緊內地女生來自邊一個省份。

樓主認為只要將姿態放低就一定嫁得出!Photo from 知乎

樓主仲話港女樣貌普遍都係東南亞長相!Photo from TVB

# 網民為港女平反!

「阿姨」嘅攻略迅速喺連登討論區瘋傳,引起網民們嘅熱議。有網民為港女平反,認為港女東南亞長相嘅講法似乎唔太啱;亦有網民講笑咁話「寫之前又真係有做research!」,認為現時香港人拍拖的確係AA制、遲婚居多。

網民為「港女似東南亞長相」作出平反!Photo from 連登討論區

# 取笑網民經常話「內地女生好單純」嘅講法!

另外,有網民就取消港男認為「內地女仔好純」嘅講法,指內地女生一早就諗好將來嘅路,並且非常著重伴侶嘅經濟能力狀況;而且佢哋設立嘅條件大部分港男都未能夠達到要求!而部份網民就認為內地女仔其實好難喺香港搵到「港漂」,由於香港樓價過高,難以上車,除非對方本身已經財力豐厚,否則好難如「阿姨」所願!

網民取笑港男認為內地女生比較單純嘅講法!Photo from 連登討論區

網民直指其實港女同內地女生一樣都好貪錢!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel