download HolidaySmart 假期日常 app
日本男公關店牛郎Cosplay《SPY×FAMILY》安妮亞!網民:口味獨特

日本男公關店牛郎Cosplay《SPY×FAMILY》安妮亞!網民:口味獨特

時事熱話
By Jennifer on 21 Jul 2022
Digital Editor

日本夜生活豐富,位於日本東京都新宿嘅歌舞伎町就有好多娛樂場所。其中一間男公關店近日就舉辦咗一日限定嘅cosplay活動,全店牛郎都要cosplay大熱動漫《SPY×FAMILY》嘅安妮亞,男公關店公開嘅相片喺網上掀起熱議!

大熱動漫《SPY×FAMILY》Photo from 《SPY×FAMILY》

大熱動漫《SPY×FAMILY》掀cosplay熱潮

最近日本一套動畫《SPY×FAMILY》話題度極高,雖然第一季已經播完,但入面嘅主角,尤其係粉紅色頭髮嘅安妮亞(Anya)憑住可愛嘅模樣同爆笑顏藝獲得超高人氣!全球多地都有唔少男女cosplay安妮亞。

粉紅色頭髮嘅安妮亞(Anya)憑住可愛嘅模樣同爆笑顏藝獲得超高人氣!Photo from 《SPY×FAMILY》

男公關店牛郎扮安妮亞

安妮亞熱潮卷席全球,就連日本男公關界亦大受影響!近日歌舞伎町一間男公關店「FILIA」就推出咗一日限定嘅活動,全店牛郎都會扮成安妮亞現身!

歌舞伎町一間男公關店「FILIA」就推出咗一日限定嘅活動,全店牛郎都會扮成安妮亞現身!Photo from FILIA

喺官網中就有所有員工嘅個人照,佢哋已換上安妮亞打扮,以清一色粉紅色頭髮、兩個角角魔法帽造型亮相,再加上各種賣萌表情,想像下全間男公關店到處都係「安妮亞」,場面一定勁震撼!

官網中就有所有員工嘅個人照,佢哋已換上安妮亞打扮,以清一色粉紅色頭髮、兩個角角魔法帽造型亮相Photo from FILIA

社長等男公關cosplay前後對比照

就連「社長」都一齊參與「安妮亞coslpay」活動,根據資料顯示,社長「噂のりっくん」係排No.1,不論係帥氣度、笑容、酒量都有5粒星,絕對係店內皇牌牛郎。佢身高為167cm,以男子之身扮安妮亞都唔算太違和,社長同佢平時打扮相比,安呢亞造型都幾適合。

根據資料顯示,社長「噂のりっくん」係排No.1,不論係帥氣度、笑容、酒量都有5粒星Photo from FILIA

社長平時打扮Photo from FILIA

緊隨社長之後嘅呢個安妮亞眼妝超濃,同普通嘅佢有好大分別;排第三嘅「青空光」個人資料照中雙手握拳放喺下巴位置,同佢本來嘅個人相氣質亦有唔同。

呢個安妮亞眼妝超濃Photo from FILIA

普通嘅打扮有好大分別Photo from FILIA

排第三嘅「青空光」個人資料照中雙手握拳放喺下巴位置Photo from FILIA

氣質大不同Photo from FILIA

不過講到對比最大嘅一定係No.10嘅「千」,喺官網中佢嘅pose十分搶鏡,搞怪表情重現安妮亞「顏藝帝」嘅一面,但原來佢真人其實係一名長髮型男,佢嘅個人照頗有藝術氣息。

對比最大嘅一定係No.10嘅「千」,喺官網中佢嘅pose十分搶鏡,搞怪表情重現安妮亞「顏藝帝」嘅一面Photo from FILIA

原來佢真人其實係一名長髮型男,佢嘅個人照頗有藝術氣息。Photo from FILIA

雖然男公關店要全部牛郎一齊扮安妮亞,但係其中一位No.14「流星」就仍然係用返舊嘅個人照,相信佢內心好堅定唔肯屈服cosplay安妮亞,同其他人相映成趣~

雖然男公關店要全部牛郎一齊扮安妮亞,但係其中一位No.14「流星」就仍然係用返舊嘅個人照Photo from FILIA

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

大陸網紅嫌日本出租男友顏值低,見唔夠半個鐘就逃走!為$1,200感不值 反被網友罵唔尊重對方~

26 Feb 2021

近年盛行咗一個名為「出租情人」嘅服務,大家可以透過金錢買到一段短暫嘅「情侶關係」。而早前一位大陸網紅「臭蛋你蛋姐」就喺 YouTube 上傳咗一段佢喺日本用咗 $1,000 人民幣(約 HKD$1,200)租咗一位日本「出租男友」2小時!但二人見面唔夠半個鐘,女方就忍唔住要逃走。因而引起網友熱議!

大陸網紅「臭蛋你蛋姐」就喺 YouTube 上傳咗一段佢喺日本用咗 $1,000 人民幣(約 HKD$1,200)租咗一位日本「出租男友」2小時!

大陸網紅「臭蛋你蛋姐」不時都會喺其微博分享自己旅居日本嘅生活同美妝,而最近佢更開咗 YouTube 帳號,並喺上面上傳咗一段佢用咗 1000 元人民幣體驗 2 小時日本嘅「時租男友」。

「臭蛋你蛋姐」不時都會喺其微博分享自己旅居日本嘅生活同美妝

片中一開始,佢就指依位「時租男友」係官配嘅,感覺就好似抽「盲盒」一樣,要去到現場先會知道對方嘅長相。

佢就指依位「時租男友」係官配嘅,感覺就好似抽「盲盒」一樣

去到應約當日雖然佢指自己已經有晒心理準備,對對方嘅期望並冇太大,但當正式見面時,佢就不禁直指男方嘅顏值同想像中有落差,仲好似好嫌棄對方咁添~

雖然佢指自己已經有晒心理準備,對方嘅期望並有太大

當正式見面時,佢就不禁直指男方嘅顏值同想像中有落差,仲好似好嫌棄對方咁添

雖然佢面露嫌棄,但喺依個畀咗錢嘅情況下,佢都有繼續同對方傾偈,不過就坐到遠遠,仲請男方幫自己做功課同拍片。

雖然佢面露嫌棄,但喺依個畀咗錢嘅情況下,佢都有繼續同對方傾

過程中,佢認為對方說話十分油膩外,更指對方不時傻笑,令佢非常驚恐。

過程中,佢認為對方說話十分油膩外,更指對方不時傻笑,令佢非常驚恐。

影片嘅最後「臭蛋你蛋姐」指佢同對方只相處咗短短半個鐘就搵藉口逃跑。佢仲喺跑走後驚呼「我終於逃出來啦,真的太嚇人了,沒給我油死,真是挺不了2個小時」、「我心都不跳了」,更直言覺得依個價錢太唔值得喇。

最後「臭蛋你蛋姐」指佢同對方只相處咗短短半個鐘就搵藉口逃跑。

影片曝光後,網友嘅意見有笑有彈,有網友就認為「臭蛋你蛋姐」咁做一啲都唔尊重對方,更指佢自以為自己好靚而睇唔起人「人家也沒做什麼為何要對別人長相有這麼大惡意」、仲有人覺得依位出租男友幾可愛添。

不過有網友就當笑話咁睇並留言「笑死我了」、「是他的話我一分錢都不願意租」、「浪費錢」、「女生更像是租來的漂亮女友吧」,甚至直言依位男士配唔起佢。

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

大陸暴牙網紅女1分鐘變身眼大/鼻高/面尖尖美女!網民驚呼:到底係化妝定喬妝?

18 Feb 2021

「化妝就是,你下了妝,我還認得你,叫化妝!你下了妝,我不認得你,叫做喬裝!」相信依句出自黃子華 2006 年嘅棟篤笑金句唔少人都一定聽過。喺依個化妝技術高超嘅時代,再加上配有美顏功能嘅 App 令大家就算素顏都可以瞬間變美。而早前喺大陸就有一位網紅以大素顏示人,並由暴牙大嬸 look變成大美女,令網民不禁驚嘆。

到底係化妝定喬妝?

依位大陸網紅名為「琦花花」,其素顏時細眼、扁鼻、大口,笑起嚟仲會露出牙齒不齊嘅問題,加佢整個皮膚暗沈,屬於喺街上見到絕對唔會望多眼嘅類型嚟,亦好難喺第一眼就吸引異性嘅目光。

「琦花花」素顏時細眼、扁鼻、大口,笑起嚟仲會露出牙齒不齊嘅問題

但當「琦花花」經過熟練嘅化妝後即搖身一變成為甜美嘅網紅樣,整個前後對比,如果唔係睇住佢一步步咁化,絕對會以為佢係換咗另外一個人出現呀!

經過熟練嘅化妝後即搖身一變成為甜美嘅網紅樣

「琦花花」除咗喺化妝前為自己塗上護膚品外,仲會食保健品添,可以話係內外兼備。

除咗喺化妝前為自己塗上護膚品外,仲會食保健品添

先塗上防曬隔離霜,再以塗上粉底

完成底妝,開始眼妝嘅部分喇!

由眉開結

到眼影

梗係唔粉得眼線喇!

而整個化妝過程中,最厲害嘅係「琦花花」令自己本身有啲 baby fat 嘅方臉變成 V 臉,整個面形縮小咗差唔多 5 倍,再加上以皮膚蠟墊高鼻樑,令扁塌鼻瞬間變成高鼻子,整體立體感更突出。

最厲害嘅係「琦花花」令自己本身有啲 baby fat 嘅方臉變成 V 臉

依段短短一分鐘嘅片令「琦花花」極速爆紅,唔少網友睇後都不禁驚嘆:「天阿!根本是詐騙集團吧!」、「這不是化妝,是喬裝」、「我剛剛到底看了些甚麼」、「真係同一個人來的」、「「這是用了甚麼巫術嗎?」

難怪唔少網友睇後都不禁驚嘆,真係同一個人嚟?!

相信如果可以有佢咁勁嘅化妝技巧,唔少女生應該可以慳唔少美容嘅錢呢?!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel