download HolidaySmart 假期日常 app
73歲伯伯相親尋覓終生伴侶!2次都失敗吿終!老人家相親成功率比想像中低?

73歲伯伯相親尋覓終生伴侶!2次都失敗吿終!老人家相親成功率比想像中低?

生活熱話
By Stephanie on 21 Jul 2022
Digital Content Writer

唔少人都希望搵到投緣嘅另一半白頭到老~最近內地踴現「老人家相親」嘅現象,一位年約73歲嘅伯伯透過參加相親活動嘗試尋覓女友,佢嘅經歷卻引起熱議。雖然佢同相親對象都傾得好投契,但各種因素都令二人最終未能發展成情侶,其中有一次佢只係與該女士見咗面5分鐘就緣分結束?!

73歲呂伯伯喪偶後透過婚友社,成功與2名女士相親。Photo from 微博

內地人口老化問題出現?!

最近,內地嘅「老人家相親」風氣變得越來越普遍,背後亦代表人口老化嘅問題逐漸出現。而空巢老人(即子女離家後或者本身無子女嘅老人)數量亦有所上升:根據內地資料顯示,當地60歲以上嘅人口高達2.67億人、老年空巢家庭率更達到70%!

現時內地超過60歲嘅人口有逾2億人,當中有唔少係獨居嘅老人!Photo from 《我的大叔》劇照

73歲伯伯喪偶後,相親尋覓另一半

根據內媒報導,73歲嘅呂伯伯早前因為喪偶而決定透過相親尋找另一半,一齊渡過老年生活。起初,佢先係認識72歲嘅趙婆婆,對方同樣失去伴侶多年,現時與孫子同住。不過孫子即將離家出外讀書,所以婆婆就打算搵返個伴。

呂伯伯第一位相親嘅對象係72歲嘅趙婆婆,對方現時與孫子同住Photo from 微博

嫌棄女方說話太多

不過二人見面後,伯伯就嫌棄對方身型較大、而婆婆亦同樣覺得伯伯瘦弱;但女方就提議先做朋友,覺得「年紀大了,身邊還是要有個伴」,仲話合適嘅話可以輪流到彼此屋企居住,唔需要大費周章咁搬屋。雖然婆婆主動向伯伯示好,不過佢就唔太領情,私底下抱怨女方太多嘢講,二人嘅緣分亦因此終結。

不過伯伯後來認為覺得女方太多嘢講,二人嘅緣分亦因此告終。Photo from 《福秀回來了》

女方要求伯伯全數支付婚後生活費!

隨後,伯伯再被婚友社安排與69歲嘅董婆婆相親,二人一見面就非常投契,仲開心咁一齊唱歌~但當佢哋一談及婚後生活嘅時候,問題就開始浮現!女方坦承「現在的社會就是金錢社會」,希望婚後嘅生活費全數由男方支付,自己嘅退休金則全部儲起。伯伯聽到後極力反對,表示自己每個月嘅退休金只係得2,600人民幣(約港幣3千),要求共同支付生活費,最終二人不歡而散!

第二位相親對象係69歲董婆婆,二人一開始就好傾得埋~Photo from 微博

不過當佢哋亦提及婚後生活費嘅問題,二人即刻鬧翻?!Photo from 《如蝶翩翩》

老年人相親成功率低!

事實上,隨住內地老人家相親嘅人數飆升,市面上都多咗唔少專門俾老人家相親嘅婚友社。然而,老人家們相親成功卻比想象中困難,失敗率高亦令外界感到驚訝!

實際上,老人家相親嘅成功率比想像中低!Photo from 《愛的禮讚》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

52歲大媽出演相親節目,自認樣靚身材正!主動向69歲伯伯示愛慘遭拒絕!擇偶條件令在場男士卻步?

6 Jul , 2022

現時社會出現「遲婚」現象,根據過往統計處嘅資料顯示,香港男女嘅初婚年齡已經突破30歲。最近,一位52歲嘅內地大媽參加相親節目搵男友,而佢就非常有自信咁表示「長的漂亮就是我的本錢」;但佢公開列出擇偶條件後,卻竟然令男士們卻步?!

52歲大媽出演內地相親節目,希望尋覓到理想對象!Photo from 《選擇》

52歲大媽參加內地相親節目

當大家喺現實生活中搵唔到伴侶嘅時候,可能都會嘗試參加各種嘅相親活動。日前,一名52歲陳姓大媽出演內地相親節目《選擇》,對外表十分有自信嘅佢自稱「美魔女」,而佢嘅外型同身材都的確保養得宜,要搵到男友似乎並冇難度~

52歲陳女士曾經結過婚,不過現時已經回復單身!Photo from 《選擇》

外型條件不錯,追求者眾多

根據內地傳媒報導,陳女士曾經有過一段婚姻,但現時已經回復單身。而本身懂得打扮、性格風趣幽默嘅佢異性緣唔錯,身邊不乏追求者,但就係偏偏未能搵到條件相符嘅男士!

陳女士本身嘅身材苗條,而且性格都幾幽默,所以身邊都有好多追求者Photo from 微博

現時大多用父母退休金維持生活!

陳女士透露現時自己冇屋冇車,月薪得2,000人民幣(約港幣$2,340),當主持人詢問佢「那兩千多夠生活嗎?」,而佢就立刻表示唔夠「有點慚愧,有一丟丟啃老(花費父母嘅金錢)。」而佢就表示父母嘅經濟狀況幾好「我媽知道我不夠就會給我」。

陳女士現時一個月只係賺到2千人民幣,完全應付唔到生活開支!Photo from 《選擇》

陳女士表示唔夠錢用嘅時候,就會攞父母嘅退休金用Photo from 《選擇》

強調自己:並非無底線的物質女!

但陳女士話自己「不是無底線的物質女」,坦承過往拍過3次拖。頭兩次都並冇花過男友嘅錢,反而係俾錢嗰個;直到第3任係因為離婚先向對方索取3萬人民幣!

但陳女士就話過往嘅感情經歷中,從來冇花過男友嘅錢?!Photo from 《選擇》

只係離婚嘅時候,詢問對方攞咗3萬蚊!Photo from 《選擇》

列出2大擇偶條件後,令在場男士卻步?

而陳女士率先大晒自身優點,認為身上最有自信嘅就係佢嘅外表「我長得漂亮,能讓男人臉上有光。娶我不吃虧,我還有個有趣的靈魂。」認為對另一半而言,佢係一位好朋友亦係好女友,絕對稱得上係「優質」!而佢就公開擇偶條件,要求對方係有錢人或拆遷戶(即已擁有房屋男士),令節目中嘅男士都卻步。

而佢公開擇偶條件,但就瞬間令在場男出演者面有難色!Photo from 《選擇》

主動追求69歲男出演者,卻遭拒絕!

節目中,陳女士似乎對其中一位男出演者幾滿意,對方係69歲嘅朱伯伯,原本任職翻譯員,現時已經退休。當二人正式面對面見面時,陳女士超主動釋出好感;而男士亦因為佢所列出嘅擇偶條件而記得佢。但男士就非常直接咁話「我們不是一類人」,拒絕同佢進一步互相了解。

而陳女士就睇中咗69歲過往任職翻譯員嘅朱伯伯!Photo from 《選擇》

二人面對面見面時,陳女士就非常主動咁同對方握手等,希望對方記得佢!Photo from 《選擇》

然而,朱伯伯就拒絕陳女士嘅好意!Photo from 《選擇》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel