00後全新感情暗號大公開！「報stage」成最新流行？情侶發展進度被分成7個階段！

「網絡潮語」經常都會隨住時間而改變，若果大家唔知道就會同新一代脫節㗎喇～現時嘅年輕人對於描述自己嘅感情狀況都有特別嘅「暗號」，當中除咗大家已經熟悉嘅嘅「A0」或者「O」之外，原來宜家仲會分埋Stage？！

Photo from 《女神降臨》

感情狀況「暗號」

唔少年輕人喺談及感情經歷嘅時候，都會以各式各樣嘅「暗號」表達，當中呢啲用語亦隨住時間變遷而有所不同！首先，等我哋先介紹最為人熟悉嘅「報Status」，只需兩個字母及數字就可以知道大家過往嘅拍拖次數。以下就係「專業術語」嘅詳細解釋：

Photo from 《都市男女的愛情法》

A=Available（單身並且接受他人追求）

O=Occupied（交往中）

U=Urgent（想拍拖）

NA=Not available（不接受追求）

OBA= Occupied but available（交往中但依然接受他人追求）

Photo from 《三流之路》

示範如何使用術語：

A2：單身，曾拍過2次拖，接受他人追求

O3：正在交往中，拍拖次數為3次

OBA4：拍拖4次，現時有交往對象但都接受其他人追求

Photo from 《我們的藍調時光》

以下係最常見嘅幾種：

A0=接受追求，而且從未有任何戀愛經驗

A380=大多用作形容情場高手

Photo from 《雪降花》

新版本戀愛暗號：「報Stage」

若果認為知道「報Status」已經夠就錯喇！因為現時嘅年輕人仲會「報Stage」，即係交代同另一半嘅拍拖進展～當大家「報Status」表示自己係「O」嘅時候，好大機會被問到相關問題～普遍而言，戀愛進度一共被分為5個stage：

Stage 1：拖手

Stage 2：擁抱

Stage 3：親吻

Stage 4：撫摸私人位置

Stage 5：發生親密行為

Photo from 《我們的藍調時光》

然而，坊間亦流傳另一個更加詳細嘅版本，總共有7個stage。

Stage 1：拖手

Stage 2：擁抱

Stage 3：親吻

Stage 4：曾摸對方上半身

Stage 5：曾摸對方下半身

Stage 6：用嘴巴發生親密行為

Stage 7：發生親密行為

Photo from 《無法抗拒的他》

更多愛情術語！

單身狗：單身人士

PTGF/PTBF（出租女/男友）：收錢假扮成另一半

Player：戀愛經驗豐富，對感情抱持「玩玩下」嘅心態

出pool：脫離單身行列，仲好大機會俾身邊嘅朋友要求請食「出pool飯」～

狗公：只要係女仔就會落力討好

Photo from 《無法抗拒的他》

相關文章：80後、90後常用「老餅」網絡潮語，舊時代用語暴露年齡

相關文章：12個2021常用網絡潮語！好99/立flag/LM 唔識真係溝通唔到!

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

00後女新人入職，中年上司為扮young學講潮語：係咪好MM7呀？！

19 Apr , 2022

「代溝」喺社會上絕對唔罕見，近日討論區有網民指公司有00後女同事入職，佢嘅直屬上司係一個40幾50歲嘅叔叔，而呢位中年上司為咗同下屬拉近距離，不惜大講「潮語」，情況十分尷尬！

Photo from 《柔美的細胞小將》

00後女同事入職

曾經係「年輕一代」象徵嘅90後開始步入30歲，而00後都就嚟大學畢業。工作上遇到00後嘅可能性增加，「代溝」亦漸漸出現。

Photo from 《大叔的愛》

有網民於香港討論區發文，佢指公司今個月嚟咗一個00後嘅女新人，新同事嘅直屬上司係一位40幾、50歲嘅大叔，平時為人都幾nice，同其他下屬都好friend。

Photo from 《大叔的愛》

中年上司欲與下屬打成一片

樓主估計中年上司為咗同00後女下屬打成一片，盡量以年輕人嘅口吻同對方交流，樓主：「特登打造到自己仲好後生，好明白依家後生諗咩嘢」，不過似乎適得其反。

Photo from 《大叔的愛》

狂講「潮語」勁尷尬

樓主指自從00後女同事加入，成日聽到中年上司講埋晒啲「潮語」：「get唔get呀？」、「我覺得咁樣太大癲啦！」令樓主覺得十分尷尬。

Photo from 《我要準時下班》

中年上司更試過講：「係咪好MM7呀！我覺得係MM8添呀！比MM7更MM7！」本身「MM7」係「正」嘅速成碼，多數都會係留言時用，甚少見人會講「MM7」，而中年上司更自創「MM8」，令樓主十分無言。

Photo from 《大叔的愛》

掀網民熱議

樓主認為其實大家都係返工，正正常常咁講嘢咪算，指00後唔會聽唔明，直言中年上司：「為咗要take care妹豬同事，可以去到幾盡？」

Photo from 《無法成為野獸的我們》

唔少網友都表示呢種情況真係好尷尬，又指00後女同事聽到40幾歲嘅上司咁同佢講嘢都會唔知點應好；亦有網民認為上司同下屬有年齡差好正常，大讚中年上司有心同下屬打成一片，係一種關懷嘅行為。

Photo from 香港討論區

Photo from 《金秘書為何那樣》

Photo from 香港討論區

Photo from 《大叔的愛》

相關文章：港男中年偷食後生女欲離婚！慘遭二奶拋棄老婆願不計前嫌！因一個原因堅持與老婆分開

相關文章：34個網絡流行語+字母縮寫合集！世一、siu4、mm7唔識就Outdated啦！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）