download HolidaySmart 假期日常 app
李偉健扮肉類分割員影射肉檔威威 網民錯重點讚爆肌身形 原來選港男入行?

李偉健扮肉類分割員影射肉檔威威 網民錯重點讚爆肌身形 原來選港男入行?

生活熱話 娛樂新聞
By Moon Lam on 22 Jul 2022
Digital Content Writer

《愛.回家之開心速遞》經常都會「抽水」現實生活中發生嘅大小事,而昨日就以「豬肉路人甲」為題,講由李偉健飾演嘅「Terry」扮演豬肉分割員爆紅上位經歷!似乎影射緊近日除罩賣廣告嘅「豬肉檔威威」,唔少觀眾都話睇唔出李偉健咁大隻呀!

《愛.回家之開心速遞》截圖Photo from 《愛.回家之開心速遞》截圖

昨日嘅《愛.回家之開心速遞》就講到Terry(李偉健飾)係潮偉(袁文傑飾)幫助下喺肉檔磨練演技,但因為保密關係而隱藏身份,於是被潮偉就安排化妝師幫佢換裝!而「變身」後嘅Terry變成金髮,Gel咗同威威一樣嘅「會展頭」,加上背心、圍裙、紋身手臂,仲戴埋口罩,全身「威威標準配置」完美還原威威呀!

《愛.回家之開心速遞》截圖Photo from 《愛.回家之開心速遞》截圖

《愛.回家之開心速遞》截圖Photo from 《愛.回家之開心速遞》截圖

而劇情同威威上位之路一樣,契機都係一群購買豬肉嘅女性覺得Terry好型好靚仔,於是突然爆紅!不過因為潮偉叫佢低調啲而無承認自己就係討論度超高嘅「肉類分割員」,翌日仲有好多粉絲等佢開檔,不停向佢拎合照同簽名,連戲中Terry嘅家姐龍力蓮(林淑敏飾)同Rachael(孫慧雪飾)都專登黎搵佢!一群粉絲仲為佢成立後援會,粉絲名就叫「燶粉」!

超多女性客覺得佢靚仔而影佢!Photo from 《愛.回家之開心速遞》截圖

一群粉絲仲自稱「燶粉」Photo from 《愛.回家之開心速遞》截圖

劇情後來講到有經理人睇中Terry嘅「肉類分割員」角色,邀請佢加入唱片公司,組一隊名為「Super Market」嘅男團,更指可以比Terry做隊長,不過佢考慮一番後決定唔同經理人簽約。而Terry公開身份後,公司嘅粉絲都感到超失望,不過亦慶幸佢無加入「街市明星」,因為佢地「除罩」後個樣實在太嚇人啦!

有經理人邀請Terry入行!Photo from 《愛.回家之開心速遞》截圖

經過一番考慮後拒絕組男團!Photo from 《愛.回家之開心速遞》截圖

新男團「Spuer Market」除低口罩後嚇親粉絲!Photo from 《愛.回家之開心速遞》截圖

呢集似乎影射緊爆紅後接到唔少廣告嘅「威威」,佢近日拍咗個健康食品嘅廣告,而且終於「除罩」見人,不過難得除低口罩,觀眾似乎都唔太受落,仲話終於明點解佢一直要戴住口罩,又質問點解唔敢露齒。

Life Nutrition HK Facebook專頁Photo from Life Nutrition HK Facebook專頁

不過今次引起觀眾關注嘅除咗令人聯想起「威威除罩」之外,觀眾仲覺得李偉健扮「威威」相當搞笑,除咗形神俱似之外仲有一身肌肉身形,大讚佢比現實中嘅「荃灣豬肉檔威威」有過之而無不及!

加埋威威心心手勢,的確入型入格!Photo from 《愛.回家之開心速遞》截圖

現年43歲嘅李偉健原來係港男出身,佢係2009年參選香港先生獲最後三強而入行,可見佢當年濃眉大眼加上爆肌身形,以打拳作表演項目,仲係泳褲環節照傳統著三角泳褲濕身登場,原來係當年大熱之一!不過惜敗比後來居上嘅「送水輝」許家傑。佢入行後星途平平,自從參與《愛·回家》系列先開始為人認識,而今次係《愛·回家之開心速遞》的Terry可謂係佢嘅代表作,網友讚佢將Terry憨厚嘅性格演繹得淋漓盡致!

《2009香港先生選舉》截圖Photo from 《2009香港先生選舉》截圖

《2009香港先生選舉》截圖Photo from 《2009香港先生選舉》截圖

《2009香港先生選舉》截圖Photo from 《2009香港先生選舉》截圖

《2009香港先生選舉》截圖Photo from 《2009香港先生選舉》截圖

《2009香港先生選舉》截圖Photo from 《2009香港先生選舉》截圖

惜敗於「送水輝」許家傑!Photo from 《2009香港先生選舉》截圖

Text: HolidaySmart Editorial (小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

荃灣威威罕有地除口罩拍廣告!網民搜集更多假冒粉絲證據:真正身份集團高層?

19 Jul 2022

荃灣豬肉檔員工威威(劉宋威)因外型俊俏,而瞬間躍升為網絡紅人。雖然佢出道後,外界一直都有唔少關於佢過去嘅傳聞,近日仲盛傳應援團裡面有人假冒粉絲,但依然無阻佢發展演藝事業嘅心!而威威仲將會罕有「除罩」拍廣告,預計片段將會喺今日(19日)開始播放。

荃灣威威最近被網民發現更多疑似係「假粉絲」嘅證據?!Photo from 威威IG

威威被爆超多黑歷史,自願到化驗所做測試!

本身任職肉類分割員嘅威威(劉宋威)喺今年5月突然火速爆紅,成為網絡紅人,並開始全力發展自己嘅演藝事業。不過外界一直流傳唔少關於佢過去嘅黑歷史,包括:曾做「古惑仔」、做傳銷等;而佢仲激動落下男兒淚咁大呻「點解有紋身就唔係好人」,仲揚言願意自費去到化驗所驗毒,以證明自己嘅清白!

威威曾被爆做過古惑仔?!Photo from 連登討論區

對於網絡上嘅傳聞,威威發出聲明澄清Photo from 威威IG

「除罩」廣告即將登場!

雖然威威暫時仲未公開檢驗嘅結果,不過近日有廣告公司宣佈威威嘅新廣告將於今日(19日)夜晚於大台播出,而佢仲會罕有地「除罩」登場,將會以真面目示人~

威威露出「真面目」嘅廣告將於今晚播放Photo from FB圖片

而威威嘅樣貌亦已經公開,過往曾有唔少網民形容威威嘅樣貌似「翻版小豬」、「翻版AK」等,不過當正面照露出後,網民都似乎覺得同以上兩位藝人唔太似樣~大家又點睇呢?!

而威威嘅廣告圖片已經公開咗~Photo from 廣告

大家又覺得同想象中分別大唔大呢?!Photo from 廣告

網民尋找到假粉絲證據?

自威威人氣飆升後,有網民就成立FB群組大爆威威「幕後黑料」,當中有網民指威威爆紅其實係因為集團喺背後操縱而成。日前,有網民就搜集大量證據,指應援團裡面疑似藏有幾位假冒粉絲,專門負責幫威威推高人氣,仲疑似佢哋同威威嘅合照?!

近日,有網民搜集到更多疑似有關假扮粉絲嘅證據Photo from 「除罩威威留餸區」FB

幾位「粉絲」經常都會出席威威嘅公開活動,仲有機會同佢有互動Photo from 「除罩威威留餸區」FB

「粉絲」疑似係集團高層?

喺網民們翻查下,佢哋發現呢位「粉絲」幾乎每次威威有公開活動時都會出現,而且拍攝影片時亦能夠到場,絕對係非一般嘅粉絲,就連YouTuber「Jer仔」都曾拍片分析威威人氣急升之謎~而網民仲發現「粉絲」過往曾喺FB宣傳集團旗下嘅餐廳,懷疑對方係集團嘅高層,只係假扮粉絲幫手催谷人氣?!

有網民搵到疑似係集團女高層同威威合照嘅照片?!Photo from 「除罩威威留餸區」FB

威威忙於健身 想轉型做運動KOL?

另一邊廂,威威最近就忙於運動健身,希望將身材操Fit!佢最新嘅影片就拍攝咗一條「運動日常」嘅影片,唔通想向運動型Youtuber發展?!

威威最近忙於健身,似乎想操fit個身形~Photo from 威威 劉宋威Samuel YouTube

最新嘅YouTube片仲同大家分享佢嘅運動日常Photo from 威威 劉宋威Samuel YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel