Coffee被指有P圖?親民地回覆留言,反被網民批:太在意他人目光!

Coffee被指有P圖?親民地回覆留言,反被網民批:太在意他人目光!

娛樂新聞
By Stephanie on 22 Jul 2022
Digital Content Writer

Coffee(林芊妤)現時係一名瑜伽導師,同時佢亦用心經營YouTube頻道,係人氣極高嘅KOL~最近,佢喺IG上載與囝囝一齊去酒店Staycation嘅照片,令唔少網民大讚身材好fit。不過有網民留言認為佢上載嘅照片係有P圖;Coffee亦親自回覆,但卻反而被該網民怪責返轉頭?!

Coffee 早前大晒泳裝照,但卻被網民指P圖?!Photo from Coffee IG

Coffee帶囝囝去酒店Staycation

Coffee(林芊妤)與圈外人翟志榮於2018年結婚,並育有一名兒子翟德彥(伯伯)。而Coffee亦不時會喺IG上載一家人溫馨嘅生活照,而伯伯嘅可愛模樣仲成功吸粉無數!早前,佢就趁丈夫出國公幹,獨自帶囝囝去酒店Staycation~

2018年,Coffee 與圈外人翟志榮結婚Photo from Coffee IG

二人婚後育有一名兒子,一家三口超幸福~Photo from Coffee IG

大晒完美身材~

夏日炎炎當然唔少得去游水啦~Coffee當日帶咗囝囝去游泳池玩,仲喺IG上載多張照片。只見佢嘅腹肌線條非常明顯,身材真係超好,唔少網民都大讚佢keep得好好!最後佢亦附上一張同囝囝嘅溫馨合照,睇得出二人都非常享受短暫嘅假期~

Coffee 大晒泳裝照,身材超好~Photo from Coffee IG

其後再補上同囝囝「彥彥」嘅合照~Photo from Coffee IG

被網民指有P圖嫌疑?

然而,有一名網民留言直接話「圖5 P得你的左腰扭曲了」,而Coffee當時親自回覆「我沒有P我的腰喔~只是擺比較S型的姿勢😳 ~剛剛在story拍了一個示範短片給你看,去看看吧😆 我想應該是天天着腰封加運動的成效吧🤪」,仲順便為自家品牌宣傳一下。

有網民留言認為Coffee有P圖,而佢亦細心回覆網民Photo from Coffee IG

該網民認為呢張圖中Coffee嘅左邊腰似乎「起角」,令佢覺得有修圖嫌疑?!Photo from Coffee IG

網民反怪Coffee:公眾人物就要接受正面及負面評論

隨後,該網民再留言回覆Coffee「我只寫了幾個字,你就回了一大堆論文,你把別人的話看得過重了」,仲話覺得佢身為公眾人物就應該要接受大家嘅評價!而Coffee無奈表示自己作為一位運動型YouTuber有責任向大家解釋,並強調「我是公眾人物需要接受好的評論和負面評論~就等於我要接受不是事實的陳述嗎?」覺得為自己澄清先係正確嘅做法。

廣告
廣告

其後,呢位網民就覺得Coffee太過大反應,認為佢作為公眾人物就要接受好及壞嘅評論Photo from Coffee IG

Coffee再次為自己發聲,認為對於不實嘅傳聞作出澄清係正確嘅!Photo from Coffee IG

Coffee高EQ回覆獲網民讚賞

而唔少網民都表示支持Coffee,認為該網民一下子就話人P圖,但當對方解釋時又再怪責佢,非常奇怪;仲大讚Coffee高EQ嘅回應。不過,Coffee之後亦有「打圓場」指自己回應完網民後心情已經好返晒「我們只就是很成熟的在互動,也謝謝你讓我有解釋的機會❤️」

網民都大讚Coffee超高EQ!Photo from Coffee IG

隨後Coffee都表示心情已經好返好多,而該網民都就此作出回應Photo from Coffee IG

經常於社交平台分享健康瘦身方法!

截至現時為止,Coffee嘅YouTube頻道訂閱人數為1.65M,經常向大家分享居家運動嘅短片,當中不乏女粉絲嘅支持!而佢宣揚嘅正確運動姿勢及健康減肥方法獲得大批網民支持~

Coffee 現時努力經營自己嘅YouTube頻道,以及創立自己嘅瑜珈服裝品牌Photo from Coffee IG

佢亦經常鼓勵網民要健康地瘦身,獲大量粉絲支持~Photo from Coffee IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel