向太疑暗指新抱郭碧婷「黑化後很討厭」,不足一日淆底刪文

向太疑暗指新抱郭碧婷「黑化後很討厭」,不足一日淆底刪文

娛樂新聞
By Jennifer on 25 Jul 2022
Digital Editor

向佐近日被爆疑似偷食,媽媽向太即時為兒子反駁傳媒,不過不獲網民相信。密會照曝光後向太喺微博發長文,疑暗示新抱郭碧婷報復心好重,不過呢篇文發佈不足一日就被向太刪除,而當事人向佐郭碧婷夫婦至今仍未回應事件。

向佐近日被爆疑似偷食,媽媽向太即時為兒子反駁傳媒Photo from 向佐微博

向佐與老婆郭碧婷分居兩地

一向有如「向家代言人」嘅向太陳嵐以往最愛出面代老公、兒子、新抱發言回應網民質疑,最近有內地狗仔公開咗向佐疑帶同美女一齊返回北京婚房嘅影片,引發向佐偷食疑雲。

一向有如「向家代言人」嘅向太陳嵐以往最愛出面代老公、兒子、新抱發言回應網民質疑Photo from 向佐微博

目前向佐老婆郭碧婷正懷上第二胎,並留喺台灣安胎。公佈二胎消息時向佐曾發微博表示辦理緊前往台灣嘅相關手續,仲話因為疫情無奈只能同太太分居兩地,並強調:「我們也不想」

公佈二胎消息時向佐曾發微博表示辦理緊前往台灣嘅相關手續,仲話因為疫情無奈只能同太太分居兩地Photo from 《京城十二時辰》

向佐疑與美女約會,爆偷食傳聞

點知內地狗仔「江小宴」卻爆出「向佐約會美女,同回男方婚房超親密」,事後向太回應指:「亂講!這是他一個大姐姐。」表示兒子向佐當日係同大姐姐洽談工作,但內地狗仔就寸爆表示仲有第二彈、第三彈、第四彈嘅爆料,網民亦唔太相信向太「大姐姐」嘅說辭。

點知內地狗仔「江小宴」卻爆出「向佐約會美女,同回男方婚房超親密」,事後向太回應指:「亂講!這是他一個大姐姐。」Photo from 向佐微博

向佐郭碧婷夫婦均未有回應事件,但網民已經逐一回顧郭碧婷同向家嘅日常點滴並指出郭碧婷喺向家應該受咗唔少委屈!郭碧婷父親就否認女兒嫁入豪門後有委屈,反而指婆家照顧得女兒好好。

網民逐一回顧郭碧婷同向家嘅日常點滴並指出郭碧婷喺向家應該受咗唔少委屈!Photo from 向佐微博

向太發長文揚言會報復/暗指新抱郭碧婷「黑化」?

喺密會事件傳得沸沸揚揚之時,向太又喺微博發佈長文,內容大概係星座分析,長文中指出摩羯座黑化後嘅可怕度係實至名歸嘅第一,更指:「(摩羯座)以前多深愛,黑化後就會有多討厭。」文章又指摩羯座一般情況下唔會同人計較,亦懶得同人一般見識:「但是你要是惹到了他,他一定會報復的」

喺密會事件傳得沸沸揚揚之時,向太又喺微博發佈長文,內容大概係星座分析,長文中指出摩羯座黑化後嘅可怕度係實至名歸嘅第一Photo from 向太微博

向太一直都好關心兒子、兒媳嘅生活Photo from 向佐微博

文章最後向太又寫道:「昨天的謠言不攻自破,我當做《左眼見到鬼》我們的片名。」1月15日生日嘅向太正正係摩羯座,有網民認為向太發文係表明自己報復心重,對兒子嘅傳聞一定唔會就此罷休。咁啱新抱郭碧婷係1月16日生日,生日與奶奶僅差一天,向佐以往都係一同慶祝媽媽同妻子嘅生日,所以郭碧婷亦係摩羯座,有人則指向太嘅文章似乎係暗示郭碧婷:「性格黑化了之後,摩羯座就會變成一個特別不守承諾的人」

郭碧婷係1月16日生日,生日與奶奶向太僅差一天,向佐以往都係一同慶祝媽媽同妻子嘅生日Photo from 向佐微博

郭碧婷亦係摩羯座,有人則指向太嘅文章似乎係暗示郭碧婷Photo from 向佐微博

向太微博全文:

向太微博全文Photo from 向太微博

網民籲向佐盡快回應,向太否認插手郭碧婷染髮自由

不過長文發表唔夠一日,向太就刪除微博,佢表示:「我是摩羯座哈哈哈!太多太多誤解讀,刪除掉了。」但留言區仲有好多網友叫向佐出嚟回應偷食傳聞:「叫向佐出來道歉,郭碧婷還在坐月子。不要躲在老娘的庇護下不發聲,算什麼男人。」

長文發表唔夠一日,向太就刪除微博Photo from 向佐微博

表示:「我是摩羯座哈哈哈!太多太多誤解讀,刪除掉了。」Photo from 向太微博

留言區有好多網友叫向佐出嚟回應偷食傳聞Photo from 向佐微博

之前有網民翻出向太不滿新抱「擅自染髮」,喺郭碧婷微博下公開留言:「乖乖媳婦兒,回台北就換髮型了?下次一定要問一下我的同意吧?」網民稱向太嘅言論足見佢對新抱嘅控制欲極強。向太嘅微博有人重提呢件事,向太竟親自回應指自己咁講只係奶奶同新抱之間普通嘅「互動交流」,唔認為有咩唔妥!

之前有網民翻出向太不滿新抱「擅自染髮」,喺郭碧婷微博下公開留言:「乖乖媳婦兒,回台北就換髮型了?下次一定要問一下我的同意吧?」Photo from 向佐

向太竟親自回應指自己咁講只係奶奶同新抱之間普通嘅「互動交流」Photo from 向太微博

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

郭碧婷生女向太買台北1.6億豪宅!業主名無郭碧婷份?巨型飯廳/空中泳池超奢華

2 Feb 2021

向佐與台灣女星郭碧婷結婚後生下一女,有指向太陳嵐超開心,更大方送北京、台北兩間豪宅畀新抱!向太喺微博公開價值6億新台幣(約港幣$1.6億)台北豪宅嘅奢華裝修,但業主竟然唔係郭碧婷?

向佐與台灣女星郭碧婷結婚後生下一女Photo from 向太陳嵐微博

向佐與郭碧婷自戀愛以嚟都十分高調,結婚後一年就生下女兒「Cora向芷(小奶皇)」,由拍拖到生女,「奶奶」向太陳嵐不時代兒子、新抱回應外界一切傳聞。

向佐與郭碧婷自戀愛以嚟都十分高調Photo from 向太陳嵐微博

由拍拖到生女,「奶奶」向太陳嵐不時代兒子、新抱回應外界一切傳聞。Photo from 向太陳嵐微博

而新抱誕下向家千金後,有指向太即刻買咗兩間分別位於北京、台北嘅豪宅,送畀新抱郭碧婷作為獎勵。

新抱誕下向家千金後,有指向太即買咗兩間分別位於北京、台北嘅豪宅,送畀新抱郭碧婷作為獎勵。Photo from 向太陳嵐微博

位於台北嘅豪宅價值6億新台幣(約港幣$1.6億),可以睇到台北101夜景。

位於台北嘅豪宅價值6億新台幣(約港幣$1.6億),可以睇到台北101夜景。Photo from 向太陳嵐微博

豪宅位於台北信義區,屬於低密度住宅,最近被爆業主名竟然無郭碧婷份!而係向華強名下公司「中國星投資有限公司」,睇嚟呢間台北豪宅唔係外界傳聞係送畀郭碧婷嘅生女禮物。

豪宅位於台北信義區,屬於低密度住宅,最近被爆業主名竟然無郭碧婷份!Photo from 向太陳嵐微博

台北豪宅業主係向華強名下公司「中國星投資有限公司」Photo from 向太陳嵐微博

向太更大方喺微博公開豪宅內部裝修!豪宅唔止睇到101夜景,仲有超巨型客廳!

豪宅唔止睇到101夜景,仲有超巨型客廳!Photo from 向太陳嵐微博

向太大方喺微博公開豪宅內部裝修Photo from 向太陳嵐微博

用咗落地玻璃,景觀開揚又有氣派~

用咗落地玻璃,景觀開揚又有氣派~Photo from 向太陳嵐微博

偏廳相當大,全屋擺放多張梳化,感覺舒適。

偏廳相當大,全屋擺放多張梳化,感覺舒適Photo from 向太陳嵐微博

飯廳正方飯枱仲坐到12個人,吊燈亦非常有特色。

飯廳正方飯枱仲坐到12個人,吊燈亦非常有特色。Photo from 向太陳嵐微博

頂樓更設有空中泳池,完全係奢華享受。

頂樓更設有空中泳池Photo from 向太陳嵐微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel