download HolidaySmart 假期日常 app
張柏芝帶二囝去迪士尼玩,12歲Quintus近照曝光!被指樣貌超似爸爸謝霆鋒!兒時照更加似?

張柏芝帶二囝去迪士尼玩,12歲Quintus近照曝光!被指樣貌超似爸爸謝霆鋒!兒時照更加似?

娛樂新聞
By Stephanie on 26 Jul 2022
Digital Content Writer

張柏芝近年將事業重心轉移返內地,獲邀出演唔同真人騷,人氣急升!雖然佢平時工作忙碌,但佢亦會專登抽空陪伴3位寶貝兒子,非常疼愛佢哋~最近佢就好似返咗香港,仲帶12歲嘅二囝Quintus去迪士尼樂園玩,罕有大晒囝囝近照,被網民指外貌超似爸爸謝霆鋒?!

張柏芝帶二兒子出去玩,公開Quintus嘅近照~Photo from 張柏芝IG

張柏芝與兒子分隔兩地?

張柏芝近幾年經常都出演唔同內地真人騷,包括《乘風破浪的姐姐2》、《讓生活好看2》等,深受內地網民喜愛~而當時佢曾透露因為工作關係經常留喺上海,與居住喺香港嘅大囝及二囝分隔兩地,正打算為佢哋喺上海搵學校;然而當佢向囝囝們提出建議時,佢哋嘅態度冷淡,令佢哭笑不得。

近年張柏芝北上工作,出演綜藝節目以及直播帶貨Photo from 微博

張柏芝曾喺節目中致電大兒子,表示正為佢喺上海搵學校,但卻一下遭拒絕!Photo from 《讓生活好看2》

帶二囝Quintus去迪士尼玩

張柏芝疼愛囝囝係眾所周知嘅事,即使佢工作忙碌亦會花唔少時間陪伴佢哋,唔希望錯失佢哋成長嘅任何一個階段!最近佢就帶同二囝Quintus去香港迪士尼樂園玩,仲拍片向網民分享當日嘅趣事~從影片中所見,張柏芝喺炎炎夏日之下戴住Cap帽及太陽眼鏡,汗流浹背,主動詢問囝囝有冇冰袋等,母子關係融洽。

近日,張柏芝帶二兒子Quintus去香港迪士尼樂園玩~Photo from 張柏芝IG

母子有傾有講,關係非常好~Photo from 張柏芝IG

12歲Quintus近照曝光!

二人離開樂園前,Quintus因為肚餓而購買咗火雞髀,而佢一上車就忍唔住除低口罩進食,令一旁嘅張柏芝都忍唔住大笑!作為慈母嘅張柏芝亦第一時間詢問囝囝有冇洗手,十分注重衛生。而網民就覺得現年12歲嘅Quintus樣貌同爸爸謝霆鋒越來越似樣,被大讚靚仔~

Quintus離開樂園後就肚餓到即刻食火雞髀Photo from 張柏芝IG

12歲嘅Quintus大個咗好多!仲被網民指越來越似爸爸謝霆鋒!Photo from 張柏芝IG

大家又覺得同謝霆鋒似唔似樣呢?!Photo from 謝霆鋒IG

自細就被指似爸爸?

其實過往二囝Quintus自細就被外界指同謝霆鋒完全係餅印!翻睇返佢兒時嘅照片,五官標緻,成功遺傳到爸媽嘅優良基因;當時就已經被網民稱為「年輕版謝霆鋒」~

張柏芝喺Quintus生日嘅時候,專登搵返大量兒子小時候照片為佢慶生~Photo from 張柏芝IG

當時就有唔少網民留言話「原來Quintus細個嘅時候就已經咁似爸爸」Photo from 張柏芝IG

網民仲話覺得呢張最似!Photo from 張柏芝IG

張柏芝育有3名兒子

42歲嘅張柏芝喺2006年與謝霆鋒結婚,婚後誕下大兒子Lucas及二兒子Quintus。可惜二人喺2011年宣佈離婚,並表示會共同撫養兒子;不過大部分時間兒子們都係由媽媽照顧居多。喺2018年,張柏芝再對外宣佈誕下第3名兒子Marcus。

張柏芝與謝霆鋒結婚後,誕下大兒子Lucas及二兒子Quintus。Photo from 張柏芝IG

喺2018年,張柏芝再對外宣佈誕下第3名兒子Marcus!Photo from 張柏芝微博

表示鍾意小朋友

張柏芝曾於訪問中表示好鍾意小朋友「小孩是最好的、最單純的」,揚言覺得生3個並唔夠!囝囝們亦非常孝順,性格乖巧,相信張柏芝嘅悉心教導功不可沒,又難怪佢會如此疼愛佢哋嘅~

張柏芝過往受訪時表示鍾意小朋友,單純又可愛嘅性格!Photo from 張柏芝IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

《讓生活好看2》張柏芝自爆離婚後被好多高質男士追求!遇心儀男會借Lucas過橋抄牌

13 Jul , 2021

張柏芝近年主力內地發展,成功獲得高人氣。最近,佢出演綜藝節目《讓生活好看2》,自爆回復單身後被唔少高質素男士追求,又模擬遇見心儀男士時嘅情況!

張柏芝 工作室微博Photo from 張柏芝 工作室微博

41歲張柏芝育有3個兒子,現時已全面復工,頻頻出演內地節目搵真銀。近日,佢於真人騷《讓生活好看2》亮相,大談愛情及生活觀念。

張柏芝 工作室微博Photo from 張柏芝 工作室微博

早前,柏芝喺節目中突然被問及同前夫謝霆鋒結婚時嘅心情,佢都平和應對,佢指當時太突然,根本嚟唔切緊張,被粉絲大讚回應貼地。喺新一集,佢再次談及離婚及之後嘅生活,引起關注。

張柏芝 工作室微博Photo from 張柏芝 工作室微博

節目以女性標籤為主題,柏芝表示,好多人都會話離過婚嘅女人好難再搵到幸福。佢坦言,自己係有離婚經歷嘅人,但佢並沒有感覺到幸福變得越來越少。

讓生活好看2 截圖Photo from 讓生活好看2 截圖

讓生活好看2 截圖Photo from 讓生活好看2 截圖

讓生活好看2 截圖Photo from 讓生活好看2 截圖

讓生活好看2 截圖Photo from 讓生活好看2 截圖

讓生活好看2 截圖Photo from 讓生活好看2 截圖

柏芝又指,佢反而感覺到有越來越多嘅優秀男人追求自己。所以,佢寄語各位女士千萬不要放棄追求愛情及人生。唔少網民對此都向柏芝表示欣賞,認為佢好堅強,同意佢指離婚後都一樣可以過好人生。

讓生活好看2 截圖Photo from 讓生活好看2 截圖

讓生活好看2 截圖Photo from 讓生活好看2 截圖

讓生活好看2 截圖Photo from 讓生活好看2 截圖

除此以外,柏芝亦喺節目尾段模擬見到心儀男生時嘅反應,當佢遇見有緣人時便雙眼發光,同時表現得含羞答答,保持優雅,佢又使出高招令同場嘉賓感到驚喜,就係借兒子過橋抄牌,笑言:「Lucas,跟那個叔叔交換通訊。」,令嘉賓們大讚係高手。

讓生活好看2 截圖Photo from 讓生活好看2 截圖

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel