林志穎將做首次手術邁向復康之路！為保護愛子車禍一刻抉擇感動網民

林志穎早前與兒子Jenson駕駛Tesla出門，期間疑失控發生車禍，林志穎傷勢較為嚴重，甚至一度無法說話，有台灣報道稱佢即將首次接受手術，正式開始康復之路。有律師就指佢於意外發生0.1秒嘅選擇十分令人感動。

Photo from 林志穎Facebook

林志穎與兒子Jenson遇上車禍

台灣藝人林志穎於桃園駕駛白色Tesla時發生車禍撞橋墩起火，情勢危急，幸好有民眾喺起火前將佢同兒子Jenson救出。事後兩父子都被送往醫院救治，兒子Jenson受輕傷，已回家休養，而林志穎傷勢較重需要繼續留醫。

Photo from Facebook

林志穎傳顏面骨折，將接受首次手術

有指林志穎顏面骨折，接受臉部重建或需至少治療1年。其後林志穎家人、經理人亦會見傳媒，向外界透露林志穎傷情，不過佢哋表示林志穎一家無意再浪費社會資源，將會係最後一次公開對外說明有關林志穎車禍情況。

Photo from 林志穎Facebook

Photo from 林志穎Facebook

據台灣傳媒報道，林志穎情況逐漸穩定，雖然可進行簡單對話，但仍未能拼湊事件經過。今次意外嚴重，林志穎喺車輛起火前及時獲救已係不幸中之大幸，將會喺呢一兩日接受第一次手術，正式邁向復康之路。對於有關傳聞，林志穎經理人表示記者會聲明已指出將唔會再公開說明林志穎情況，而且屬於病人隱私，所以唔會回應。

Photo from 林志穎Facebook

台灣律師揭林志穎車禍一刻保護愛子

林志穎車禍掀起港台兩地網民嘅關注，除咗集氣希望佢盡快康復之外，亦有唔少人討論發生事故嘅原因以及後續嘅賠償問題。台灣一位律師則表示林志穎喺車禍發生一刻嘅選擇令人感動。

Photo from 林志穎Facebook

佢指林志穎喺意外當下仍示忘保護兒子：「0.1秒間的選擇，所有的傷勢都在林志穎身上，讓孩子只是輕傷。這就是純粹的愛。」佢大讚林志穎擁有偉大嘅父愛，自己生死一線間都不惜付出生命代價都只係出於「對孩子的愛」。

Photo from 林志穎Facebook

律師又指呢次事件睇到好多人性美好嘅一面，好似喺意外之時好多市民出手幫忙，現場民眾救人時並唔知道傷者身分，完全係出於見義勇為，無佢哋拉林志穎出嚟，後果可能遠比現時情況更嚴重。

Photo from 林志穎Facebook

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

林志穎與兒子駕Tesla失控撞橋墩起火！林志穎受傷嚴重一度無法說話

22 Jul 2022

台灣發生一起事故，一部白色Tesla撞橋墩起火，有指車內一對父子係台灣藝人林志穎同佢仔仔！林志穎傷勢頗為嚴重，一度無法說話，需送醫救治！坐副駕駛嘅兒子亦有受傷。

Photo from FB

有目擊者稱上午約10時50分，一輛白色Tesla失控撞上橋墩，車頭起火嚴重。有指車廂內有一對父子，父親被卡於車廂中，幸好有圍觀群眾救出，而坐喺副駕駛嘅兒子傷勢較輕。

Photo from FB

受傷父子正係台灣藝人林志穎同佢仔仔，林志穎被救出時傷勢頗為嚴重，一度無法說話！父子已送往醫院救治，林志穎經理人承認車廂父親係林志穎並表示林志穎父子目前在醫院觀察中。

Photo from 林志穎IG

Photo from FB

林志穎係圈中愛車人士，經常喺IG分享駕駛照同愛車相。佢今年1月曾分享試駕Tesla嘅相片。

Photo from 林志穎IG

林志穎23歲就投入賽車運動，多年嚟參與多項賽車賽事，25歲成立自己第一支賽車隊。林志穎2000年獲得賽車生涯第一個冠軍，更取得方程式賽車參賽資格，又獲得多個獎盃。

Photo from 林志穎IG

Photo from 林志穎IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）