download HolidaySmart 假期日常 app
微辣Tina網店被爆貴價賣淘寶貨 涉嫌抄襲設計? 網民怒斥呃香港人錢

微辣Tina網店被爆貴價賣淘寶貨 涉嫌抄襲設計? 網民怒斥呃香港人錢

時事熱話 生活熱話
By Moon Lam on 27 Jul 2022
Digital Content Writer

「微辣Manner」近年不斷傳出負面新聞,由選下藝人到管理層都陷入不同是非,今次就輪到旗下藝人陳欣(Tina)!有網民發文指佢經營嘅寵物飾物網店聲稱全人手制作,但部分貨品就被發現係淘寶有售,價錢貴幾倍仲涉嫌侵權

Tina IG @tinaaaminatPhoto from Tina IG @tinaaaminat

開網店做副業

陳欣(Tina 田娜)係社交平台有成25.2萬位粉絲,係微辣藝人中人氣相當唔錯,而且收養咗一隻貓女比比!而佢近日憑人氣同號召力開咗一間寵物飾物網店黎做副業,不過開張無耐就比網友踢爆!

LIHKG截圖Photo from LIHKG截圖

LIHKG截圖Photo from LIHKG截圖

質疑高價賣淘寶貨

有網民係LIHKG討論區以「微辣偽人點解咁鐘意呃香港人錢?」為題,圖文並茂指Tina嘅網店聲稱全人手製作寵物飾物,不過竟然係淘寶搵到部分一樣嘅產品,售價更加係淘寶店嘅幾倍或以上!網民稱懷疑Tina係買淘寶貨返黎再調高價格賣,又指Tina之後出嘅聲明話佢地係搜集不同款式再叫織工姨姨打版重新製作,代表佢地只係抄襲人地嘅商品當成自己原創,更以「有冇人會幅畫翻嚟照住畫然後就話幅畫係自己嘅作品再賣出去?」比喻佢呢個行為!

LIHKG截圖Photo from LIHKG截圖

LIHKG截圖Photo from LIHKG截圖

LIHKG截圖Photo from LIHKG截圖

LIHKG截圖Photo from LIHKG截圖

LIHKG截圖Photo from LIHKG截圖

LIHKG截圖Photo from LIHKG截圖

而Tina嘅網店亦係社交平台回覆,稱唔知產品背後有設計師,令樓主更加不齒佢呢個講法,斥「咁到底件產品係邊個諗同整出嚟」。又指Tina雖然話自己唔係賣淘寶貨,但係頸圈嘅設計同淘寶貨一模一樣,用係自己手工整而賣貴啲呢個講法根本講唔通,淘寶都係手工整,而Tina嘅網店仲連設計都無設計。

LIHKG截圖Photo from LIHKG截圖

開網店做副業

網民又將淘寶上搵到嘅產品同Tina間網店售賣嘅商品圖片作比較,指產品連細節位都一樣,更加經查詢證實係淘寶店家自己原創嘅款,Tina嘅網店就事件發聲明解釋同道歉,稱會將相關產品下架,但其後被網民發現市集上仍然有出售相關產品,只係Tina嘅社交平台發表嘅相就無擺出黎,令樓主更加不滿。

LIHKG截圖Photo from LIHKG截圖

LIHKG截圖Photo from LIHKG截圖

LIHKG截圖Photo from LIHKG截圖

Tina社交平台嘅限時動態Photo from LIHKG截圖

疑似係網民現場實拍Photo from LIHKG截圖

聲稱商品已下架

發文嘅網友最後指唔想Tina以手作嘅名義去「呃錢」,「本土手作唔係抄襲,唔係賣淘寶貨,而係一班努力創作嘅香港手作人用時間、心機去設計同製作產品,希望用手作傳遞溫暖比大家」,而Tina嘅以名氣售賣根本唔係原創嘅產品對努力創作嘅手作人唔公平,希望可以令Tina嘅網店出黎道歉。

Tina IG @tinaaaminatPhoto from Tina IG @tinaaaminat

事後Tina嘅網店已經將部分一模一樣嘅產品刪去,Tina嘅社交平台亦刪去網店一欄,不過同款唔同色,涉嫌抄襲嘅產品就似乎仲有售。

Tina IG @tinaaaminatPhoto from Tina IG @tinaaaminat

即睇網民投訴Tina網店全文:

LIHKG截圖Photo from LIHKG截圖

LIHKG截圖Photo from LIHKG截圖

更多相關文章

YouTuber ArhoTV重新開始拍片,影片風格180度大變惹熱議!透露未來計畫再次惹怒網民?

20 Jul 2022

YouTube頻道「arho TV」嘅情侶KOL Sunny及Creamy被網民狠批,事關佢哋被爆賣淘寶貨及向未成年觀眾出售NFT而引起爭議;唔少網民都留言批評佢哋,而佢哋亦暫時停止上傳影片。昨日(19日)二人嘅頻道重新開始上載影片,不過有網民就發現佢哋嘅影片風格突變,開始走「貼地」風?!

YouTube頻道「arho TV」最近重新上載返影片,風格卻完全唔同晒?!Photo from Sunny IG

YouTube頻道「arho TV」陷入爭議?!

早前,KOL Sunny及Creamy因為推出NFT,並強調購買NFT係唔受年齡限制而惹怒網民,被批「連細路仔錢都唔放過!」、「小朋友根本唔了解NFT」等。其後,二人再被爆喺淘寶訂製自家創嘅產品,有網民仲上載疑似同淘寶店主嘅對話紀錄作為證據。由於過往二人曾拍片揚言「唔會買淘寶」,導致網民不滿嘅聲音越來越多!

「arho TV」推出NFT計畫,但就因為強調沒有年齡限制,而引起網民爆怒!Photo from 「arho TV」YouTube

其後,有網民爆出二人嘅自家創作喺淘寶製造Photo from 連登討論區

由於Sunny過往拍片表示唔會淘寶貨,所以令網民更加嬲!Photo from 「arho TV」YouTube

曾為NFT事件道歉,最終「潛水」一個月!

雖然事後二人拍片為「NFT事件」作出詳細解釋,將購買NFT嘅年齡限制提升到18歲,並向觀眾作出道歉。不過網民們似乎唔滿意,留言區評論一面倒,而佢哋亦「潛水」停止更新YouTube頻道。

二人曾經為NFT事件拍片道歉,但依然被網民狠批。Photo from Sunny IG

二人再次拍片回應爭議事件!

事隔將近一個月,二人再次上載影片回應過往具爭議性嘅事件,Sunny坦承喺2019年第一次辦年宵攤位時,經朋友介紹喺一間淘寶廠商,並生產自家設計嘅產品。而佢哋澄清過往拍攝「不用內地製造產品」令唔少網民誤會佢哋一世都唔用內地貨。隨後喺2021年開始,二人所製造嘅自家產品大多都係選擇香港或者台灣代理商幫手,再三為未有公開交代商品製造地點而道歉。

佢哋解釋唔少觀眾誤會佢哋「一輩子唔用內地製產品」,但佢哋發現日常生活難避免完全唔用內地製用品。Photo from 「arho TV」YouTube

二人都表示喺2021年開始就已經選擇香港或者台灣代理公司居多Photo from 「arho TV」YouTube

提及打算開NGO推動本地創作

其後,二人表示正為開設NGO而作籌備中,希望藉此推動香港本地創作。而Sunny解釋二人今次「消失」一個月時曾嘗試拍片,但礙於神情太過憔悴,最終決定休息一段時間。

二人現時正籌備開設NGO,希望可以幫助推動本地創作Photo from 「arho TV」YouTube

Sunny表示喺停止拍片嘅日子中,發現自己好愛拍片!Photo from 「arho TV」YouTube

網民直斥:依然為賺錢?

然而,大部分網民都依然對二人嘅道歉「唔收貨」,認為佢哋嘅態度並唔誠懇,而且覺得佢哋口中所講嘅NGO都好似都只係為咗賺錢,令唔少觀眾都表示失望!截到現時為止頻道嘅訂閱人數已經從一個月前嘅51萬人下跌到49萬。

大部分網民唔太接受二人嘅道歉!Photo from 「arho TV」YouTube

最新影片拜訪香港「最後一間鎅木廠」

昨日(19日)「arho TV」如常出片,並談及香港最後一間鎅木廠即將被清拆一事。喺影片開頭,佢哋就已經表示是次影片並冇開任何盈利,選擇拍片全因希望大眾可以關注事件。

二人喺影片開頭就表示今次影片並不會獲得任何盈利!Photo from 「arho TV」YouTube

而佢哋就揚言今次係自願去拍攝,希望能夠喚起大眾對事件嘅關注。Photo from 「arho TV」YouTube

拍片風格突變,依然難以平息網民怒火!

最新影片嘅風格同頻道過往拍攝嘅日常Vlog以及購買名牌嘅影片截然不同,風格突變令唔少網民都表示好唔習慣。唔少網民都質疑佢哋係想令觀眾逐漸淡忘爭議,講笑留言「幫每塊木出NFT」、「做返自己啦!唔好拍呢類型嘅片」等,似乎都未能平息到網民嘅怒火。

唔少網民都話唔習慣新片嘅風格,大家似乎都未接受佢哋嘅道歉?!Photo from 「arho TV」YouTube

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel