陳偉霆久違回港拍電影!北上發展近10年,內地網民指香港人唔識貨

陳偉霆久違回港拍電影!北上發展近10年,內地網民指香港人唔識貨

娛樂新聞
By Jennifer on 01 Aug 2022
Digital Editor

陳偉霆(William)近年將事業重心轉移至內地,佢最近回港拍攝電影,唔少網友都喺香港街頭偶遇劇組,更影咗唔少花絮照,並放上「小紅書」分享,William以新髮型亮相,內地網民激讚佢完美駕馭呢個造型!

陳偉霆(William)近年將事業重心轉移至內地Photo from 陳偉霆微博

陳偉霆北上發展近10年成內地當紅男星

陳偉霆以往因為Angelababy同黃曉明嘅戀情而被多次提起「而我不知道陳偉霆是誰」,喺香港人氣唔算高嘅William於2013年開始轉往內地發展,並憑住劇集《古劍奇譚》人氣急升,成為內地灸手可熱嘅男星。

William於2013年開始轉往內地發展,並憑住劇集《古劍奇譚》人氣急升,成為內地灸手可熱嘅男星。Photo from 陳偉霆微博

北上發展多年,William已札穩根基,喺內地擁有唔少fans,佢一直劇接劇,又開個人演唱會,歌影視3棲發展都有唔錯嘅成績,期間仲上咗好多綜藝節目,知名度急升。

北上發展多年,William已札穩根基,喺內地擁有唔少fansPhoto from 陳偉霆微博

陳偉霆於內地開個人演唱會Photo from 陳偉霆微博

陳偉霆歌影視3棲發展都有唔錯嘅成績,期間仲上咗好多綜藝節目,知名度急升。Photo from 陳偉霆微博

久違來港拍戲,William與影帝、視帝合作

已經好耐無參演香港電影嘅陳偉霆最近就留港拍攝電影《爆裂點》,電影仲有影帝張家輝、視帝譚俊彥、周秀娜出演,卡士強勁。有指電影劇本係為張家輝、陳偉霆度身訂造,有得同影帝鬥戲,難怪喺內地有咁多工作嘅William亦專程回港拍電影。

已經好耐無參演香港電影嘅陳偉霆最近就留港拍攝電影《爆裂點》Photo from 陳偉霆微博

William非主流新髮型,內地網友大讚好帥

《爆裂點》於香港取景,最近唔少網民都喺深水埗街頭見到劇組拍攝,有人將William嘅路透照放上「小紅書」等地方分享。相中可見William以銀白色超短寸頭新造型現身,加上花紋襯衣,有一啲「非主流」感覺。

相中可見William以銀白色超短寸頭新造型現身Photo from 小紅書

《爆裂點》於香港取景,最近唔少網民都喺深水埗街頭見到劇組拍攝,有人將William嘅路透照放上「小紅書」等地方分享Photo from 小紅書

網友拍攝嘅片段可見,William大展親切笑容,電影拍攝如火如荼!公開相片嘅網民都表示William真人「又高又帥」,直呼佢係「無死角男神」,又大讚William新髮型好好睇!

網友拍攝嘅片段可見,William大展親切笑容,電影拍攝如火如荼!Photo from 小紅書

網民都表示William真人「又高又帥」,直呼佢係「無死角男神」,又大讚William新髮型好好睇!Photo from 小紅書

有香港網民就表示唔明點解陳偉霆咁受歡迎,有內地網民就指香港觀眾唔識貨:「香港人喜歡的都是一些糊本土18線,紅不過羅湖。」直言香港娛樂圈已走下坡,唔了解內地大市場都好正常。

有香港網民就指唔明點解陳偉霆咁受歡迎Photo from 陳偉霆微博

 

內地網民直言香港娛樂圈已走下坡,唔了解內地大市場都好正常。Photo from 小紅書

其實陳偉霆近年不但參演多個國內電影、電視劇、綜藝節目,在內地人氣的確但紅不讓,近日更獲國際品牌 Golden Goose 心儀邀請成為全球代言人,未知會否幫助品牌提升全球銷量呢?

 

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

陳偉霆緋聞女友何穗惹懷孕疑雲?晒凸肚照被網民指為盡快結婚?

3 May 2022

陳偉霆北上發展多年,人氣穩步上升。上年有傳佢與超模何穗拍拖,兩人更被影到一齊出入陳偉霆北京住所,傳出已共賦同居。近日何穗晒出泳衣照,一向好身材嘅佢肚凸凸,有網民留言指佢似懷孕,亦有William fans稱佢此舉係為咗可以盡快同陳偉霆結婚

陳偉霆北上發展多年,人氣穩步上升。Photo from 陳偉霆 微博

陳偉霆與名模何穗傳緋聞

陳偉霆出道多年,自2013年將事業重心轉移至內地後發展唔錯,人氣急升之餘更主演唔少電視劇。事業順利,愛情亦相當得意。佢2021年被爆同國際超模何穗拍拖。

陳偉霆出道多年,自2013年將事業重心轉移至內地後發展唔錯,人氣急升之餘更主演唔少電視劇Photo from 陳偉霆 微博

有傳媒影到何穗連日嚟喺北京陳宅出入,陳偉霆嘅司機更親自接載,女主人身位穩如泰山!報道指兩人同居4個月。何穗係名模,為眾多高級時裝品牌代言,曾擔任Victoria's Secret、Chanel、Hermes等品牌嘅模特行catwalk。

有傳媒影到何穗連日嚟喺北京陳宅出入,陳偉霆司機更載住佢返陳偉霆住所Photo from 何穗 微博

William為女友推出情侶T裇、變身做貓奴?

雖然雙方未有承認戀情,但網民發現喺戀情曝光前William嘅潮牌廣告曾有一對情侶親吻,雖然係熱感變色圖,但網民指男女外型超似陳偉霆同何穗!William更將兩人擁抱圖印喺T恤上發售,佢本人親自著上T裇做宣傳。

William更將兩人擁抱圖印喺T恤上發售Photo from 微博

另外有fans發現陳偉霆開始養貓,而何穗係有名嘅貓癡,William突然養貓疑為投其所好,佢更為愛貓「陳小鐵」推出一系列產品,似乎與何穗感情十分穩定。

陳偉霆開始養貓Photo from 陳偉霆 微博

何穗係有名嘅貓癡Photo from 何穗 小紅書

William突然養貓疑為投其所好,佢更為愛貓「陳小鐵」推出一系列產品,似乎與何穗感情十分穩定。Photo from 陳偉霆 微博

何穗晒泳衣照驚見肚凸凸疑懷孕

緋聞傳咗近一年,最近何穗喺小紅書公開泳衣近照,作為模特兒,何穗一向注重飲食,務求keep住最fit身型!不過一向勤力做gym,又係超模嘅佢雖然手腳仍然纖幼,但卻顯得肚凸凸,惹嚟網友留言問:「懷孕了嗎?」

最近何穗喺小紅書公開泳衣近照Photo from 何穗 小紅書

不過一向勤力做gym,又係超模嘅何穗雖然手腳仍然纖幼,但卻顯得肚凸凸Photo from 何穗 小紅書

有網友留言問:「懷孕了嗎?」Photo from 何穗 小紅書

有部分人指佢咁瘦但肚子明顯,起碼「有四、五個月了」,有疑似William fans喺留言表示不滿,直言佢懷孕係想逼婚!其實男方fans一直都對偶像呢位緋聞女友唔滿意,仲指佢配唔上陳偉霆。

有疑似William fans喺留言表示不滿,直言佢懷孕係想逼婚Photo from 何穗 小紅書

其實男方fans一直都對偶像呢位緋聞女友唔滿意,仲指佢配唔上陳偉霆。Photo from 陳偉霆 微博

陳偉霆、何穗情史曝光

何穗2015年曾於微博晒結婚證自爆結婚,不過佢無公開老公正面,之後更離奇刪除結婚帖文,有傳呢段婚姻僅維持7個月,但由於何穗低調處理感情事,佢老公身份一直成謎。

何穗2015年曾於微博晒結婚證自爆結婚,不過佢無公開老公正面,之後更離奇刪除結婚帖文,有傳呢段婚姻僅維持7個月Photo from 何穗 小紅書

女方曾經離婚一事令陳偉霆fans反對兩人交往,不過William入行後公開嘅兩段戀情時間都維繫咗一段時間:與Angelababy拍拖4年;與同公司師姐阿Sa(蔡卓妍)相戀5年,睇嚟佢都非常長情。

女方曾經離婚一事令陳偉霆fans反對兩人交往Photo from 陳偉霆 微博

陳偉霆曾與Angelababy拍拖4年Photo from Angelababy IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel