download HolidaySmart 假期日常 app
東張西望|41歲男子現真身接受訪問!承認同時有好多女友!突然自省懺悔,但又立刻搭訕女主持王嘉慧?

東張西望|41歲男子現真身接受訪問!承認同時有好多女友!突然自省懺悔,但又立刻搭訕女主持王嘉慧?

時事熱話 生活熱話
By Stephanie on 28 Jul 2022
Digital Content Writer

最近《東張西望》收到唔少女士報料指喺交友App認識一名41歲男子,繼而發現對方一腳踏十幾船。「女友」們一齊假扮成男粉絲開設新帳號接近對方,揭發男方背後嘅種種惡行。而節目組就化身成粉絲,成功約到男事主出嚟!

早前,節目報導有關41歲男子用交友app結交10幾名女友,其後佢哋仲成功約到男子見面?!Photo from 《東張西望》

41歲男子同時與10幾名女生交往,擅自拍攝親密片段?

早前節目報導41歲男子透過交友App認識唔同女生,並與十幾名女生發展情侶關係,欺騙佢哋感情及「食軟飯」,甚至未經許可就拍攝二人親密嘅片段,行為誇張!其中一位「女友」Bonice(化名)指發現對方手機內有超過2、30段影片,而大部分都喺男方居住嘅公屋單位內拍攝。

唔少女生向《東張西望》報料指於交友App認識同一位男子,並揭發對方同時與10幾位女生拍拖嘅事實Photo from 《東張西望》

仲發現男方未經許可就拍攝二人嘅親密片段?!Photo from 《東張西望》

大爆男士交往時惡行!

從影片中嘅角度,女生們相信絕大部分人都唔知道自己被拍,而且佢哋猜測男子將鏡頭擺喺凌亂嘅衣服堆裡面。而「女友」們憶述過往男子同佢哋講嘅說話「話自己(男子)近視好深,所以要開燈」等,令佢哋更加感到心寒;後來男子仲透露所有女士都係「用同一個玩具」,幸好女士們得知後都立刻進行全面身體檢查,全部都並冇大礙!

女士們從影片角度,推測男生將鏡頭放係凌亂嘅衣服堆裡面Photo from 《東張西望》

女生們回想起男士同佢哋講嘅說話,令佢哋更加受驚!Photo from 《東張西望》

對方毫無歉意

然而,男子卻對於自己嘅行為毫無歉意,仲以自己從小缺乏母愛以及近年婚姻、事業不順等作為理由。另一方面,女士們表示曾嘗試報警求助,但被要求搵到實質嘅影片作為證據,而佢哋亦擔心要因此而公開影片。

男子對於自己拍攝影片並唔覺得有問題!Photo from 《東張西望》

女士們曾打算報警,但因為要攞到實質影片以及擔心影片唔小心曝光等問題,最終並未將事件交俾警方Photo from 《東張西望》

節目組成功約男事主見面!

節目組利用「女友」們本身嘅假帳號去聯絡男事主,並以「跟佢學嘢」為理由約對方見面。但當日男子嘅警覺性非常高,激動表示「我知你影緊我啊」並嘗試搶走電話,直到節目組將電話收起先令佢嘅心情穩定落嚟。不過當節目組提及有關「識女仔」嘅話題,佢突然坦承「我一直都有好多女朋友」,並大談自己經營感情嘅方法。

節目組假扮成男粉絲,並以請教「結交女友」秘訣為由約男事主見面!Photo from 《東張西望》

起初男子警覺性極高,直到節目組收埋電話先冇咁激動!Photo from 《東張西望》

但當節目組詢問有關「女仔」嘅話題時,男子即刻心情放鬆晒Photo from 《東張西望》

男子大談「獨特」感情觀!

男子表示過往交往嘅女生「我都冇咩Commitment(承諾)」,仲話因為太多女友根本分唔清佢哋!當節目組提及有關親密片段嘅話題,佢就大聲咁話「冇問題!拍嘅人冇問題,係hack人哋嘅有問題。」然而喺2021年相關法例曾進行修訂,若果未經許可拍攝親密影片都係違法。

男子坦承自己同時有好多女友!Photo from 《東張西望》

而男子深信拍攝影片並冇問題Photo from 《東張西望》

喺2021年,相關法例有修訂:若果未經許可拍攝親密影片即屬違法Photo from 《東張西望》

曾以親密片段作「把柄」要求女生交出手機?!

其後,男子透露最近因為親密影片嘅事宜,與他人有爭吵,認為對方可能係想令佢身邊嘅女友離開佢。不過,節目組早前從女士們嘅口中聽到另一個版本,當中男事主利用親密影片作為「把柄」要求女生將手機俾佢睇,想藉此搵出「二五仔」。

男子突然表示最近因為影片而陷入苦惱?!Photo from 《東張西望》

然而,女士們就透露第二個版本嘅故事,指男士以影片作為「把柄」要求睇佢哋嘅手機Photo from 《東張西望》

而男子口中嘅「恐龍」即係代表影片Photo from 《東張西望》

女主持人當面訪問男子,坦承:識咗4、50個女仔!

後來,女主持王嘉慧直接上前當面訪問男子,對方坦承「有識女仔,約出嚟食飯嘅都有4、50個!」,承認1月到6月所認識嘅女生交往時間有所重疊,而佢就解釋因為自己一個人住好悶。

女主持人王嘉慧當面訪問男事主,而佢坦承只係相約食飯嘅女仔就已經有多達50個!Photo from 《東張西望》

解釋自己係因為獨居,所以特別容易覺得悶Photo from 《東張西望》

否認「食軟飯」!

當被問到是否有欺騙女生時,男子振振有詞咁話「我自己有付出嘅,食飯睇戲都係付出」;仲澄清自己絕對唔係專登挑選有錢嘅女士食軟飯「食餐飯食得幾多錢啊!最多咪一千兩千蚊」,表示約會期間大多數都係俾女生選擇去邊度食。

男子強烈否認「食軟飯」Photo from 《東張西望》

覺得自己都有付出,而且只係食餐飯並唔係花對方好多錢?!Photo from 《東張西望》

突然誠心懺悔自我反省?!

當女主持人直接詢問對方有關親密影片嘅事宜,男子突然扮失憶「我唔記得咗」之後又話「好似有」,仲話自己已經刪除晒啲影片?!過咗一陣,男子態度180度大變語重心長咁話「呢段時間我反省咗自己」向女士們表示歉意,勸喻大眾唔好玩交友apps!

當被問到影片嘅問題時,男子就扮失憶話忘記咗,後來有突然話已經刪除晒啲影片?!Photo from 《東張西望》

佢突然喺鏡頭前懺悔Photo from 《東張西望》

仲警惕世人唔好再玩交友app!Photo from 《東張西望》

訪問後卻向女主持人王嘉慧「抄牌」!

以為男子真係會痛改前非?!受訪後,佢主動詢問女主持人嘅姓名,仲話「我可唔可以Contact(聯絡)到你㗎?」行為同佢口中嘅反省似乎有啲唔同!

上一秒男子仲懺悔緊,但訪問一結束佢就立刻詢問女主持嘅姓名Photo from 《東張西望》

仲嘗試詢問女主持王嘉慧攞電話?!Photo from 《東張西望》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

東張西望|41歲男同時與十幾名女生拍拖!透過唱歌App揭發實情!用4招營造荀盤形象?

27 Jul , 2022

昨日(26日)《東張西望》報導有關一名男士喺交友App周圍認識女仔,仲同時與十幾位女生拍拖,欺騙佢哋嘅感情,非常誇張!而唔少「女友」都現身接受節目組訪問,講述二人交往嘅全過程,希望藉此警惕大家慎重使用交友App。

多名女生向《東張西望》爆料指被同一名男生欺騙?!Photo from 《東張西望》

男士透過交友App同時與十幾名女生拍拖!

現時使用交友App認識另一半已經變得越來越普遍,但實際上喺網上交友隱藏唔少陷阱?!節目組表示近日不停收到唔少女士報料,指大家都喺某交友App中認識咗同一位男士。該男士同時間「一腳踏十幾船」,仲欺騙佢哋感情「食軟飯」,甚至未經女士們許可就拍攝二人親密嘅片段!

節目組接獲大量女生嘅爆料,指佢哋喺交友App上遇到同一名男生,並發現對方同時與10幾名女生交往!Photo from 《東張西望》

而男士仲竟然未經女士們許可就偷拍二人嘅親密影片?!Photo from 《東張西望》

當中「女友」們學歷高/家境不錯

據悉,呢班女生嘅年齡介乎30歲至40歲,當中唔少擁有高學歷而且家底唔錯,令大家不禁覺得男士嘅外型高大威猛先能夠贏取眾多女士嘅心!其中一位「女友」Bonice(化名)表示「覺得佢(男士)好高大,而且職業都幾吸引」,而且從男方社交媒體嘅照片得知佢經常都會食貴價食品,並且到高級酒店Staycation,認為對方應該幾有錢!

女生們表示男士外型高大,而且職業都非常吸引Photo from 《東張西望》

翻查男士社交媒體嘅照片,發現對方經常都就食貴價食品及去高級酒店StaycationPhoto from 《東張西望》

令佢哋都覺得男方經濟狀況應該唔錯!Photo from 《東張西望》

男士自稱39歲化驗師,懂得享受生活

男士喺交友App上自稱現時39歲,身高177cm,從照片所見佢外型健碩,五官標緻;而且表示自己於中大畢業,現時喺醫院擔任化驗師,就咁睇似乎係一位「筍盤」!「女友」表示見到對方懂得享受生活「咁捨得洗錢」,認為呢種特質能成功吸引女生「我話俾你聽十個女仔九個都會中囉!」

男士喺網上自稱39歲,177cm,現時喺醫院任職化驗師Photo from 《東張西望》

而佢嘅照片亦睇得出佢身型健碩Photo from 《東張西望》

令唔少女士都因此覺得佢係「筍盤」?!Photo from 《東張西望》

初次見面與想像中完全不同?!

女生們分享與該男士喺網上開始聊天後,二人其後就會相約見面。喺二人約會時,男士坦承其實自己已經41歲,但女生們表示單憑樣貌「會覺得係45、46歲囉」;而且初次約會大多都係食M記等快餐店,性格節儉,完全與網上所認識嘅佢大相逕庭!

見面後,男士坦承自己已經41歲;但女生們覺得樣貌唔似!Photo from 《東張西望》

然而,女士們表示二人初次約會卻係食快餐。Photo from 《東張西望》

,而男生亦似乎非常心急,不停邀請去佢屋企Photo from 《東張西望》

男方甜言蜜語成功打動女士們!

另一方面,「女友」們都覺得男士似乎有啲心急,只係第一次約會就已經有暗示,甚至邀請女士去佢屋企。雖然佢哋見面後都發現男生似乎「貨不對辦」,但「女友」Amy(化名」表示對方經常都會發肉麻短訊,令佢覺得有戀愛嘅感覺,所以最終開始同對方拍拖!

儘管知道男生並非如想像中咁,但唔少女士都因為佢嘅甜言蜜語而被打動Photo from 《東張西望》

最終唔少女生都因此而開始同男生發展成情侶關係Photo from 《東張西望》

交往後開始發現問題?!

不過「女友」們喺同男士開始拍拖後就開始發現端倪:經常都搵唔到佢「可能要幾個鐘後先覆返你」、約會期間掛住睇手機、唔記得女友生日等。而該男士亦非常聰明,從來都唔會叫女友嘅姓名,統一地稱呼佢哋為「BB」,所以並唔存在唔小心叫錯名嘅問題!

不過女生們發現交往後,好難聯絡到男生,有時候對方會「失蹤」幾個鐘Photo from 《東張西望》

而佢哋就發現男生會統一叫女友們做「BB」,避免叫錯名嘅尷尬情況出現!Photo from 《東張西望》

透過唱歌App揭發實情!

男士不慎暴露自己「一腳踏十幾船」嘅起源竟然係因為一個唱歌App導致?!Amy(化名)表示對方好鍾意模仿張學友唱歌,仲會叫佢幫手喺App到同佢打氣「學友歌手出現喇!」、「唱歌好好聽」等留言,而佢一開聲唱歌就立刻有唔少女士留言,令Amy開始覺得有啲古怪。

成功揭發到男生「偷食」嘅居然係因為一個唱歌App?!Photo from 《東張西望》

而Amy「化名」表示男生會叫佢幫手喺佢唱歌嘅時候留言打氣!Photo from 《東張西望》

而Amy發現同時間突然有好多女士都一齊留言,後來就發現所有人都聲稱係呢位男子嘅女友!Photo from 《東張西望》

女生們頓時發現男生「偷食」!

其後,Amy私底下與其他女生們聯絡,而所有女生都聲稱係為男友打氣,揭發男方同時交往十幾名女生嘅事實!而佢哋亦開始對比大家約會嘅時間線,發現全部都有重疊「可能佢(男士)早上搵我,下午就搵第二個」,而且Whatsapp嘅訊息亦係同時群發;而佢似乎亦將「女友」們分類好「條件比較好嘅女仔會喺比較優先嘅位置。」

「女友」們深入聊天後,發現大家交往嘅時間都有所重疊!Photo from 《東張西望》

仲發現男生嘅訊息都係群發?!Photo from 《東張西望》

而男生仲將女士們分晒類,若果係條件較好嘅就有優先!Photo from 《東張西望》

經常向女友們索取金錢?

自稱擔任化驗師嘅男方作為專業人士,月薪應該都足夠養活自己。但佢過往曾向唔同「女友」攞錢,包括:叫女生購買Tesla俾佢、養佢等。部份女生懷疑佢與富婆交往甚密,每個月都會有5位數嘅「零用錢」;而且仲成日向「女友」們推介某美容中心,似乎有啲可疑?!

其中一位「女友」指男方叫佢買Tesla電動車俾佢!Photo from 《東張西望》

而另一位女友則被佢詢問「可唔可以養埋我」Photo from 《東張西望》

男方仲不時向「女友」們分享美容中心?!Photo from 《東張西望》

男方真面目曝光!

「女友」們為咗揭開男士嘅真面目,所以就一齊開設咗個新帳號,假扮成男粉絲同佢私訊。而男方亦坦承「自己從來都沒有固定女友」,仲揚言現時有好多女士都搵佢,仲將自己嘅秘訣分享俾「男粉絲」。

「女友」們假扮成男粉絲同佢傳短訊,當中男生透露自己從來冇固定女友,仲話電話有500個女生嘅聯絡方式Photo from 《東張西望》

男士聲稱有至少15個女仔排隊搵佢?!Photo from 《東張西望》

而男士仲向「男粉絲」分享多年嘅心得Photo from 《東張西望》

節目組成功尋找男生!

而男士嘅手機裡面有檔案儲存所有女士嘅個人資料,為女生們安上編號,當中嘅女生足足有500位咁多!其後佢哋仲發現男士居然已經結婚生子,現時只係同老婆分居中,尚未辦妥離婚手續。節目組成功搵到呢名男生,而佢就表示自己「根本唔認得佢哋」。

男生電話內擁有一個檔案,裡面儲存所有女生嘅個人資料及照片Photo from 《東張西望》

仲揭發男生已經育有3名小朋友,目前與老婆分居中Photo from 《東張西望》

節目組成功搵到男士,而佢坦承根本唔認得啲「女友」Photo from 《東張西望》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel