向佐被揭腎功能已達70歲？向太解釋兒子腎功能差只因呢1個原因！

By Jennifer on 28 Jul 2022

Digital Editor

向佐近日被爆偷食N次，更有網紅公開與向佐親密facetime嘅片段，令向佐形象大受打擊。雖然向太一直代子否認偷食，但網友卻發現唔少蛛絲馬跡，內地瘋傳向佐同郭碧婷疑似仲未正式簽紙結婚，更揭向佐腎功能已屆70歲！

Photo from 向太微博

向佐被指偷食N次

向佐被拍到與白衣美女回北京婚房，向太陳嵐指女士係向佐嘅一個「大姐姐」，兩人只係洽談工作，但之後又有網紅晒出對話紀錄，向佐同膚白女網紅視像通話嘅片段亦被公開，由於片中女網紅打扮十分清涼「少布」，唔少網民認為向佐同佢關係非一般，更直指向佐偷食N次。

Photo from 向佐微博

向太當然唔會容許兒子形象變成偷食男，佢再次回應指「偷食N次」並非事實，更揚言已交由律師處理，不過網友完全唔信向太，又表示偷食事件以嚟向佐一直都無回應，反而由媽媽向太擔任代言人，指佢根本係「媽寶男」。

Photo from 向佐微博

向佐腎功能達70歲？向郭碧婷「催生」

最近向佐多次登上微博熱搜，其中「向佐 70歲的腎」、「向佐郭碧婷沒領證」分別係第一、二位。有網友指喺向佐同郭碧婷出演嘅真人騷《我家小兩口》中，兩人曾經一齊做婚前體檢，醫生指向佐個腎已經係70歲嘅功能。

Photo from 微博

Photo from 《我家小兩口》

當時郭碧婷表現得十分擔心，而向太坐喺錄影廳就即時為兒子解釋，指佢因為自細習武，受咗好多傷，：「他吃止痛藥吃的。」有人認為向佐腎唔好，郭碧婷嫁畀佢根本唔會幸福，但亦有人指郭碧婷依家懷上第二胎，足以證明向佐身體並未受70歲腎功能影響。真人騷中向佐亦經常暗地向郭碧婷「催生」，表示想快啲生小朋友。

Photo from 《我家小兩口》

Photo from 向佐微博

Photo from 《我家小兩口》

內地網民稱現時郭碧婷身邊有女兒、又住豪宅，唔算優秀老公唔喺身邊反而生活得更自在，如果離婚郭碧婷先係人生贏家咁話！亦有人指向佐被爆偷食，其實證明佢身體正常？！

Photo from 向佐微博

Photo from 微博

Photo from 向佐微博

內地瘋傳向佐與郭碧婷仍未簽紙結婚，向太早有回應

但有網友就發現向佐郭碧婷曾兩次於香港申請註冊結婚，不過兩次都只有向佐簽字，擬結婚通知書上女方簽名處亦係空白，向太曾解釋：「香港政府只要擺喜酒就算是正式夫妻了。他們工作太忙了，而且香港領證要公告一個月沒有人反對才能領證。」

Photo from 向佐微博

Photo from 向太微博

Photo from 向佐微博

到2021年向佐同郭碧婷為女兒向芷（小奶黃）舉行百日宴，當時向太表示向佐、郭碧婷終於可以喺台北領結婚證，相信兩人已於2020年喺台北正式成為夫妻。

Photo from 向太微博

相關文章：向太疑暗指新抱郭碧婷「黑化後很討厭」，不足一日淆底刪文

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

向佐被爆偷食帶美女回婚房！3點揭郭碧婷嫁入向家飽受委屈？！

22 Jul 2022

向佐與台灣女星郭碧婷結婚後育有一女，早前更宣佈懷二胎，而向來對新抱十分滿意嘅向太亦不時向傳媒透露兒子兒媳嘅近況。但有內地傳媒卻大爆日前影到向佐背妻偷食嘅相片，佢帶同一位美女回到婚房，兩人舉止親暱，有關爆料被向太怒而反駁，但網友對解釋並不受落。

Photo from 向佐微博

郭碧婷嫁向佐，承諾生3個兒子

現年37歲嘅向佐2019年與郭碧婷結婚，兩人婚後一直高調晒恩愛，兩人生下女兒「Cora向芷（小奶皇）」後有指向太陳嵐豪氣送北京、台北兩間豪宅畀新抱以作獎勵。

Photo from 向佐微博

郭碧婷看似深得奶奶向太愛錫，其實由戀愛到結婚到誕女到懷二胎，向太不時代兒子、新抱回應外界一切傳聞。有傳郭碧婷答應會為向佐生三個兒子，向太亦證實此事。郭碧婷再度懷孕全家都大為興奮，不過向佐同妻子分居兩地，未能時時相見。

Photo from 向佐微博

向佐郭碧婷分隔兩地，向佐被爆偷食？

喺宣佈妻子懷上第二胎後向佐表示正在辦理前往台灣嘅相關手續，有網友問：「你們怎麼天天分居的？」向佐回應稱：「疫情期間多有不便之處。我們也不想」

Photo from 向佐微博

估唔到夫妻分隔兩地，向佐竟然被內地狗仔大爆疑似背妻偷食？內地狗仔「江小宴」早前預告有名人偷食嘅新聞，更稱係「今年最勁爆的娛樂新聞」，之後佢開直播公開片段，並指「向佐約會美女，同回男方婚房超親密」

Photo from 微博

片中有一位白衣美女同向佐前後腳搭車回向佐與郭碧婷位於北京嘅婚房，向佐喺電梯大堂等候白衣美女，之後一齊搭?，向佐更親切為美女披上針織外套，十分體貼，狗仔指：「兩人一同回家後當晚沒有再出來。」暗示向佐背妻密會美女。

Photo from 微博

向太代兒子回應，直指狗仔亂講

而一向都代兒子、新抱回應外界傳聞嘅向太得知有關新聞後亦立即回應，佢對傳媒表示：「亂講！這是他一個大姐姐。」向太稱白衣女子日常幫向佐洽談商務合作，今次見面只係為咗向佐嘅電影項目。不過網民對呢個解釋唔太受落，認為見面傾公事無必要揀喺婚房呢啲地點，而另一名狗仔「張小寒」得知向太回應後更留言指會繼續發第二彈、第三彈等。

Photo from 向佐微博

Photo from 微博

向太不滿新抱郭碧婷擅自染髮

以往向太一直表現得十分疼愛新抱，不時公開大讚郭碧婷，但曾多次被指佢插手兒子新抱嘅生活。2019年底，郭碧婷喺微博大晒自拍，相中佢頭髮內挑染成橘紅色，竟引來奶奶向太不滿，更公開留言：「乖乖媳婦兒，回台北就換髮型了？下次一定要問一下我的同意吧？」即時掀起網民熱議，網友認為郭碧婷咁大個人鍾意染髮就染髮，換咩髮型唔使向太同意，直言向太：「管得太寬了吧！」