download HolidaySmart 假期日常 app
網民偶遇陳冠希一家到日本旅行,被指顏值逐漸恢復!無預警發佈全新單曲,疑似復出重返歌壇?

網民偶遇陳冠希一家到日本旅行,被指顏值逐漸恢復!無預警發佈全新單曲,疑似復出重返歌壇?

娛樂新聞
By Stephanie on 28 Jul 2022
Digital Content Writer

陳冠希當年出道嘅時候,憑俊俏樣貌成功贏取萬千少女嘅心~近年佢已經逐漸淡出娛樂圈轉投時裝界,日前有網民偶遇佢哋一家三口喺日本旅行,獲網民大讚「顏值回復返!」同時佢喺IG上載咗兩首歌同其他音樂人合作嘅歌曲,令網民都不禁猜測佢係咪有意重返歌壇?!

41歲陳冠希近日被網民發現去咗日本旅行,仲被指顏值回復返!Photo from 《頭文字D》

陳冠希2008年宣佈退出娛樂圈

41歲陳冠希(Edison)自2008年宣佈全面退出香港娛樂圈後,就甚少出現於幕前。喺2017年,佢與內地模特兒秦舒培結婚,二人育有一女Alaia,一家三口長居美國洛杉磯。而佢除咗專心陪伴家人之外,將所有心思放落自家潮流服裝品牌,事業發展都尚算唔錯!

2017年陳冠希同內地模特兒秦舒培結婚Photo from 陳冠希IG

二人婚後育有一女Alaia,一家三口長居美國~Photo from 陳冠希IG

近年被網民指顏值急跌?

不過陳冠希依然有經營自己嘅社交媒體,不時上載溫馨生活照。近年有網民曾上載偶遇陳冠希嘅照片,但唔少人都認為佢嘅狀態大不如前,眼紋非常深、神情憔悴,一度引起網民熱議。

淡出娛樂圈嘅陳冠希發展服裝品牌之餘,亦花唔少時間陪伴女兒Photo from 陳冠希IG

陳冠希近年被網民指顏值大不如前,魚尾紋愈來愈深Photo from 陳冠希IG

於日本偶遇陳冠希一家,網民指:狀態恢復!

日前,有網民再度偶遇陳冠希一家三口喺日本旅遊,仲大讚對方親民有禮貌。從照片中所見,陳冠希當日身穿綠色襯衫及白色tee,配上咖啡色短褲,完全係休閒渡假風~而網民亦留言大讚覺得佢嘅顏值似乎逐漸回復返,精神幾好「好像變年輕了一點」、「這年紀已經很帥了」等。

近日,有網民自爆喺日本偶遇陳冠希一家三口旅行,並上載與陳冠希嘅合照,有網民大讚佢狀態比之前好!Photo from 微博

網民大讚妻子秦舒培靚女

而陳冠希妻子秦舒培都頓時成為焦點,好多網民都大讚佢靚女!只見佢當時頭上戴住可愛嘅帽,同樣身穿休閒服,身材fit爆展示超長美腿,狀態極好~當網民要求同陳冠希一對一合照時,秦舒培仲主動提出幫手影相,態度親切。

有網民大讚老婆秦舒培靚女,而且性格超好~Photo from 微博

於IG上載兩首新歌

陳冠希近年除咗經營潮牌外,仲開始策劃NFT項目,當時盛傳佢只係NFT推出短短3日就成功大賺4千萬港幣!最近佢喺IG上載咗兩首歌曲,其中一首係與音樂家 RootHub合作改編舊歌《故意》,呢首歌曲令唔少網民直呼「回憶返晒嚟」、「超經典!」等。

陳冠希上載咗同音樂家 RootHub合作改編嘅舊歌《故意》Photo from 陳冠希IG

唔少網民都激動留言,指回憶返晒嚟~Photo from 陳冠希IG

推測即將回歸歌手身分?!

此外,陳冠希仲無預警地發布全新單曲《浪》,與 MC 仁、廚房仔合作,立刻獲得網民熱烈迴響!而佢近日亦將IG姓名從「edcee3000」改為「edisonchen」,令大家都紛紛猜測佢係咪即將回歸歌手身分?!

陳冠希最近仲無預警咁發佈新歌《浪》Photo from 陳冠希IG

隨即令網民猜測陳冠希係咪有意重返歌壇?!Photo from 陳冠希IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

陳冠希新照再現「時裝災難」?網民笑「目測1米2」回顧出道至今風格變化

12 May , 2022

陳冠希(Edison)出道初期以混血帥樣迷倒萬千少女,雖然後來被指狀態不復當年,但其潮流裝扮仍不時引起熱話。近日,佢在社交網分享一張個人照,卻被網民恥笑係時裝災難

陳冠希上載新個人照,卻被網民笑指影得好矮。Photo from CLOT YouTube

41歲陳冠希早年拍過不少戲劇,近年專注於潮流事業及家庭生活。早前母親節,佢就上載了老婆與囡囡嘅可愛合照,在帖文中大讚老婆秦舒培係一個絕世好媽媽,又向佢表白:「LOVE U ALWAYS AND FOREVER!(一世都咁愛你)」真係好甜蜜~

陳冠希早前在母親節上載圖文感謝老婆~Photo from 陳冠希 IG

新照影到得「一米二」?

常用社交網貼近況嘅Edison,在日前上載了一張新照。照片中佢身穿紅色長身T-shirt和灰綠色外套,搭配藍色長褲,但角度等原因令原本有1米78高嘅Edison變得相當矮,有網民更搞笑留言指:「目測一米二」,亦有人問:「這個高度是秦舒培拍的嗎?」舒培身高與老公相約,難怪有網民咁問。亦有網民認為Edison膚況不好,建議佢要多保護皮膚,和多做面膜。

陳冠希新照被網民笑指「目測一米二」。Photo from 陳冠希 IG

搞笑網民留言Photo from 陳冠希 IG

兒時已有亮眼外貌

Edison出生於加拿大,童年時五官已非常立體。佢嘅爸爸係中葡混血兒,而佢媽媽年輕時都很有千金氣質,難怪Edison自小就有亮眼外貌。

童年照Photo from 微博

童年照Photo from 微博

父母顏值都頗高~Photo from 微博

19歲出道爆紅

當年19歲嘅Edison於1999年拍攝廣告出道,年紀輕輕已同天王郭富城拍攝可樂廣告,當年佢非常青澀,輪廓深邃,同時帶點叛逆氣質。

初出道Edison拍廣告~Photo from 百事可樂廣告

帶點壞男孩氣質~Photo from 百事可樂廣告

之後佢正式成為歌手和演員,好快就拍了多套電影,例如《特警新人類2》、《玉女添丁》、《九個女仔一隻鬼》、《無間道》等,出道初期已同過楊千嬅、劉嘉玲、黃秋生等藝人合作,到2008年更客串過荷里活大作《蝙蝠俠:黑暗騎士》。

《特警新人類2》造型Photo from 《特警新人類2》劇照

年輕時期Photo from 《玉女添丁》劇照

當年迷倒不少人Photo from 討論區圖片

曾同Stephy合作Photo from 《九個女仔一隻鬼》劇照

不時出現「獨特造型」

後來佢淡出香港娛樂圈,專心打理潮流品牌生意,並在2017年與模特兒秦舒培結婚。到2020年,Edison曾為一個國際名牌拍時裝照,但其光頭造型,配合衣服嘅效果都被指係「時裝災難」,唔少網民都人認為拍攝和形象指導都強差人意。

前年曾出現炒車造型Photo from 陳冠希 IG

網民感歎「歲月不留人」

育有兒女Alaia後,Edison修心養性,全力做好爸爸角色,亦可能因為忙於兼顧生意及家庭,佢多次被網民指老態盡現。在去年中,Edison分享與老婆一同看籃球比賽嘅合照,當時佢以平頭裝示人,不少人指佢髮線超後移,身形亦有發福跡象。

近年有點發福~Photo from 陳冠希 IG

到去年十一月,有網民在籃球比賽偶遇Edison,合照中佢頭髮長回不少,睇落比上次嘅照片帥,但有部分網民仍指佢魚尾紋很顯眼,直言「歲月真係好殘忍!」,仲有人將佢與同齡嘅謝霆鋒比較,話後者依然保留到「少年感」。

陳冠希在籃球場上與粉絲合照Photo from 微博

仲將佢同謝霆鋒比較Photo from 謝霆鋒微博

雖然很多網民感歎「男神變了」,但都有唔少人欣賞現在嘅Edison崇尚自然,同時讚佢不用濾鏡,亦睇得出佢同家人活得自在幸福,直言咁樣先係最重要。

陳冠希現在與家人過得好幸福~Photo from 陳冠希 IG

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel