MIRROR演唱會|2名舞蹈員受傷情況更新!二人都係Anson Lo御用dancer!阿Mo與女友Soching感情甜蜜/阿峯舞台經驗多

MIRROR演唱會|2名舞蹈員受傷情況更新!二人都係Anson Lo御用dancer!阿Mo與女友Soching感情甜蜜/阿峯舞台經驗多

娛樂新聞
By Stephanie on 29 Jul 2022
Digital Content Writer

昨晚(28日),MIRROR第四場演唱會中發生嚴重意外,一部大型電視屏幕喺表演途中突然奪下,導致台上嘅2名舞蹈員受傷。其中傷者分別係阿Mo(李啟言),而佢亦係女團COLLAR成員Soching嘅男友;另一位則係阿峯(張梓峯),二人暫時都留院觀察中。

MIRROR第四場演唱會出現嚴重意外,導致兩名dancers受傷送院!餘下演唱會場次將會取消。Photo from MIRROR IG

MIRROR第四場演唱會發生嚴重意外!

MIRROR演唱會自開始舉辦後,舞台安全問題一直備受外界關注,昨晚(28日)嘅演唱會再次出現嚴重意外!喺表演《Elevator》嘅途中,掛於半空中嘅大型電視屏幕突然奪下,壓傷正在表演中嘅舞蹈員,令在場觀眾好震驚。而花姐亦立刻開咪要求觀眾離場,表演立刻終;事件引起各界嘅高度關注!

昨晚MIRROR成員Edan及Anson Lo表演《Elevator》期間,大型電視屏幕突然奪下,壓傷2名舞蹈員!

意外發生後,花姐立刻叫在場觀眾離場Photo from Now TV新聞

魯庭暉交代2名傷者最新情況

其中,2名dancers受傷立刻送往深切治療部留醫,二人送院時清醒;由於事態嚴重,演唱會主辦單位已經宣佈取消餘下嘅演唱會場次。而MakerVille行政總裁魯庭暉亦喺半夜到醫院探望2位傷者,並向傳媒匯報最新情況「我哋盡我哋全力幫傷者家人同傷者。阿峯係擦損同拉傷,醫生建議留院觀察,冇大礙先出院;阿Mo喺ICU,清醒可以同醫生溝通,但要再做一系列檢查。」

MakerVille行政總裁魯庭暉到醫院探望傷者Photo from nowTV

就意外發生向大眾致歉,交代2位傷者最新情況Photo from Now TV新聞

根據媒體報導,舞蹈員阿mo頭部及頸椎受傷,有腦出血及頸椎第四節骨折,情況較為嚴重,有指佢已經進行手術,需要等待神經線系統復原;而阿峯嘅盤骨及頸椎受傷,情況穩定,暫時需要留院觀察。

阿mo情況嚴重,頭部及頸部受傷,據悉已經進行咗一次手術Photo from momo.lky @IG

阿峯頸部及盤骨受傷,需留院觀察Photo from fungfung2222 @IG

27歲阿Mo曾參加《全民造星》

其實受傷嘅2位都係業界內嘅著名嘅舞蹈員,二人近年經常都與MIRROR合作,與成員們關係亦非常好!現年27歲嘅阿Mo(李啟言)過往曾經參加過第一屆《全民造星》,可惜於55強止步。不過熱愛跳舞嘅佢並冇因此而放棄,繼續喺舞蹈界發展;近年仲成為咗Anson Lo嘅御用dancer,二人關係超好!

阿Mo曾參加第一屆《全民造星》,不過喺55強止步Photo from 《全民造星》

阿Mo經常都同Anson Lo合作,二人識於微時,關係超好!Photo from momo.lky @IG

與COLLAR成員Soching 交往中,二人感情甜蜜

除此之外,阿Mo仲係COLLAR成員Soching嘅男友,二人同樣鍾意跳舞,不時喺IG上載情侶跳舞片,恩愛感情羨煞旁人!喺Soching參加《全民造星4》總決賽時,佢亦有份幫女友伴舞,用行動支持女友。

阿Mo\b女友為COLLAR成員SochingPhoto from momo.lky @IG

廣告
廣告

二人同樣鍾意跳舞,而Soching出演全民造星總決賽時佢亦有份做伴舞!Photo from momo.lky @IG

父母從多倫多趕回香港探望兒子

意外發生後,女友Soching被傳媒拍攝到趕往醫院探望男友,神色凝重,而COLLAR今日(29日)嘅活動及訪問將取消;據悉阿Mo喺多倫多居住嘅父母立刻連夜訂機票回港探望兒子,不過基於現時本港防疫措施,佢哋抵港後必須於酒店隔離7日先可以出關。阿Mo爸爸為教育界著名牧師李盛林,2006-2016年間擔任牧職神學院院長,現時主要喺加拿大嘅華人教會中講道。

女友Soching立刻趕往醫院探望男友Photo from momo.lky @IG

阿mo身處多倫多嘅父母都連夜搭飛機回港探望兒子!Photo from momo.lky @IG

29歲阿峯擁有豐富舞台經驗

另一位受傷嘅舞蹈員係阿峯(張梓峯),近年亦經常與Anson Lo合作,曾擔任《Megahit》及《King Kong》MV嘅伴舞。過往佢曾擔任陳柏宇、張敬軒等知名歌手演唱會嘅伴舞;喺2018年,仲有份擔任天王郭富城《郭富城舞林密碼世界巡迴演唱會》嘅dancer,舞蹈實力高強!

29歲阿峯近年大多擔任Anson Lo嘅伴舞Photo from fungfung2222 @IG

過往阿峯曾擔任唔少歌手嘅伴舞Photo from fungfung2222 @IG

2018年阿峯有份擔任天王郭富城演唱會嘅伴舞Photo from fungfung2222 @IG

今年初與女友結婚!

而阿峯今年初剛剛與交往10年嘅女友結婚,從IG照片中所見二人感情甜蜜。而唔少網民都湧入佢IG下留言為佢打氣,希望兩位傷者能盡快康復!

阿峯今年初與交往10年嘅女友結婚!Photo from fungfung2222 @IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel