內地男10年相睇100次！從未試過拍拖，每次失敗都係同一個原因？

現今社會單身並唔係一件罕見嘅事，好多單身男女會選擇參加「相睇」認識對象。近日內地一位教師嘅遭遇登上微博熱搜，原來佢10年以嚟已經相睇超過100次，但次次都失敗而終，令佢十分著急：「單身好孤獨！」

Photo from 《社內相親》劇照

內地A0男10年相睇100次都失敗收場

依家想結交朋友、擴闊生活圈子嘅方法有好多，交友App、Speed dating等，不過唔係每次都可以「成功出pool」，近日內地一位男士就登上熱搜，原因係佢屢次相睇都失敗收場。

Photo from 《我的ID是江南美人》劇照

重慶一名男子許明偉任職教師，現年34歲，佢過往從未有過戀愛經驗，係一位A0男士，佢表示自己3、4歲時父母就離婚，佢一直都好渴望家庭溫暖，所以好想快啲搵到另一半。佢由22、23歲起就開始相睇，10年間佢相睇咗超過100次，但每次都唔成功。

Photo from 微博

條件一般，女性嫌棄佢身高、收入

許明偉職業係高校老師，平時講授電腦軟件課程，月薪有5,000～6,000元人民幣，佢同媽媽同住，名下並無個人房產。佢唔止相睇結果無疾而終，更試過花上萬元去婚姻介紹所，但最终亦係不了了之。為咗盡快覓得戀愛對象，許明偉依家每逢周末都會去相親角等地方睇下有無適合嘅人選。

Photo from 微博

許明偉表示相睇對象有好多都好介意佢嘅身高，唔少女士要求男性身高175～180cm：「但我都不到170。」除咗身高相差太遠，人工都唔符合相睇對象嘅要求。許明偉佢咁多次相睇失敗，自己唔夠主動佔一小部分原因，佢稱最大原因係依家嘅女性要求苛刻、比較現實，曾經有女士見面就直接連問2次佢稅後人工，得知金額後直言：「我們不合適！」令許明偉十分無奈。

Photo from 微博

Photo from 微博

Photo from 微博

想搵一個溫柔賢惠女朋友

許明偉指有一次相睇，佢諗住同女生吃下飯、睇戲、散步、傾下偈，但對方卻提出去佢間屋望下先。許明偉稱佢想搵一個溫柔賢淑、善解人意嘅女友，連許媽媽都好關注佢嘅感情生活，又指許明偉呢世都注定搵唔到佢鍾意類型嘅另一半：「只要是個女的就結婚吧，就不挑了。」

Photo from 微博

Photo from 微博

呻單身好孤獨，網友：一定係自己有問題

許明偉未拍過拖，至今仍然係單身，佢都十分著急：「單身生活很孤獨。」佢表示自己自細喺單親家庭長大，好渴望家庭溫暖，佢又稱如果搵到女朋友，會為家庭付出一切，承擔起男人嘅責任，會忠誠、專一對女友好。許明偉表示佢為咗陪伴另一半願意放棄依家老師嘅工作，搵過另一份工。

Photo from 微博

Photo from 微博

有內地網民睇完許明偉嘅片段後認為以佢咁嘅條件難怪搵唔到女朋友，直言佢相睇咁多次都唔成功，一定係出於自身原因，又指佢話「現在女性比較現實，要求苛刻」係將責任推落女性度：「自己沒本事，怪女性現實。」

Photo from 微博

相關文章：內地靚仔細佬代兄相睇 老公真身智力低於常人 新娘爆喊悔婚

相關文章：單身7年男士相睇50次均失敗！自製excel表紀錄嫌棄女方單親家庭/太矮/染七彩頭髮

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

相睇

18 May 2022

內地近日流傳一段影片，一男一女正喺餐廳相睇，不過女子就帶埋細佬妹妹出席，席上佢哋開懷大吃，埋單竟然超過3,000元，令相睇男心生不滿，最後成功畀佢「走數」仲拎埋著數先走！

Photo from 微博

內地影片揭男女相親尷尬過程？

現今世代單身人士想結識異性多數都會用交友App，大家先用文字交流，互相認識下，大概了解咗對方係咩人再見面無咁尷尬。而「相睇」就比較舊式，一嚟就食飯可能會出現令人無言嘅情況。

Photo from 《上流寄生族》劇照

不過內地仲有唔少人係以相睇方式結識伴侶。最近內地網上瘋傳一條片，有指影片係內地男女相親嘅過程，唔少網民睇完之後都大嗌好尷尬！

Photo from 《男朋友》劇照

女方帶細佬、妹妹出席，狂嗌貴嘢食

普通相睇一般都係一對一，除非係雙方父母認識可能會一齊去，但如果單方面帶朋友或兄弟姊妹，可能會令對方感到不便。片中女子就帶埋細佬同妹妹出席，形成「三對一」嘅情況。

Photo from 《社內相親》劇照

女子雖然無事先通知男方會帶弟妹，但喺席上佢就親切招呼相睇對象，又話：「以後可能就是一家人」，想拉近佢哋之間嘅距離。不過喺嗌嘢食時佢哋三姐弟又似乎真係無當相睇男係外人，狂嗌嘢食，仲唔貴唔嗌，男士就開始面色唔好。

Photo from 《紳士的品格》劇照

女方追問男方身家後冷落對方

之後女子亦熱情同細佬妹妹傾偈，反而冷落咗相睇男，淨係問對方房、車、存款等與佢身家有關嘅問題。網民都疑惑：「唔係嚟相睇㗎咩？」對女方唔理會男子嘅處理方式大為不解，更直指場面似女方同細佬、妹妹食飯，相睇男只係搭枱嘅咁！

Photo from 微博

相親男藉口去廁所後走數

食到咁上下，相睇男就話去廁所，之後佢去櫃枱一睇張單竟然要3,100人民幣（約港幣$3,600），佢即時頭也不回咁離開餐廳，臨走前仲攞多條煙。而留喺餐廳內嘅女子就被店員提埋單先知相睇男已經走咗。

Photo from 微博

Photo from 微博

Photo from 微博

網民質疑影片真實性

有網民認為片段中女方擅自帶細佬妹妹去相睇，又喺咁嗌貴嘅餸，期間仲要唔理佢，認為女子係突登想叫埋弟妹黐餐攞著數，亦有網友指片中都無提到一定係男方畀錢，可能係4人AA制咁畀，男方偷走唔找數嘅行為非常無風度。

Photo from 《剩者為王》劇照

不過亦有人覺得影片似係夾定，而所謂嘅相睇男女同細佬、妹妹都只係演員，目的喺製造話題。

Photo from 微博

相關文章：內地女自認樣靚身材正！明言只接受有錢人追求：禮金至少要1億

相關文章：內地美女歌手賣唱慘被飲醉食客潑酒！網民心痛，豈料真相曝光大反轉

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）