download HolidaySmart 假期日常 app
乘風破浪3|成團名單公開?阿Sa阿嬌、薛凱琪排名曝光,C位竟是佢

乘風破浪3|成團名單公開?阿Sa阿嬌、薛凱琪排名曝光,C位竟是佢

娛樂新聞
By Jennifer on 02 Aug 2022
Digital Editor

內地綜藝《乘風破浪3》有唔少港台女星參與,其中胡杏兒被淘汰,而Twins同薛凱琪(Fiona)就成功擠身決賽,日前總決賽錄影,成團結果曝光,連一眾姐姐嘅排名亦被公開,阿Sa阿嬌都成功成團!

內地綜藝《乘風破浪3》有唔少港台女星參與Photo from 阿嬌微博

《乘風破浪3》成團名單公開?

《乘風破浪3》自播出以嚟收穫唔少網民嘅關注,尤其係Twins嘅阿Sa阿嬌以及Fiona薛凱琪,人氣都非常之高,個人喜愛度一直位列前十,3人成功打入最終公演,日前就進行總決賽錄影。

Twins嘅阿Sa阿嬌Photo from 微博

微博早已有成團名單曝光,王心凌隊係人氣最高嘅隊伍,幾乎全隊成員都有份成團。於《延禧攻略》飾演「魏瓔珞」嘅吳謹言最後排第11位,僅差一位未能成團,佢亦係王心凌隊唯一一位無入到成團名單嘅女星。

王心凌隊係人氣最高嘅隊伍,幾乎全隊成員都有份成團。Photo from 阿Sa微博

吳謹言最後排第11位,僅差一位未能成團Photo from 《乘風破浪3》

阿Sa阿嬌、薛凱琪成團、王心凌奪總冠軍

根據微博「劇透」嘅成團名單,張天愛第10位、唐詩逸第9位、郭采潔第8位、薛凱琪第7位、阿Sa蔡卓妍第6位、阿嬌鍾欣潼第5位、譚維維第4位、于文文第3位、前少女時代成員Jessica(鄭秀妍)第2位,王心凌則奪總冠軍C位成團。

唐詩逸第9位Photo from 《乘風破浪3》

薛凱琪第7位Photo from 《乘風破浪3》

阿Sa蔡卓妍第6位Photo from 《乘風破浪3》

阿嬌鍾欣潼第5位Photo from 《乘風破浪3》

前少女時代成員Jessica(鄭秀妍)第2位Photo from 《乘風破浪3》

王心凌則奪總冠軍C位成團Photo from 微博

王心凌於《乘風破浪3》首集個人表演中選擇演唱代表作《愛你》再度爆紅,一直以嚟個人喜愛度未曾跌出前3,絕對係當之無愧嘅人氣王,而Jessica曾經係少女時代成員,跳唱實力超班,加上於節目中擔任隊長,即使唔識中文仍展現過人嘅領導能力,獲得好多觀眾嘅喜愛。

王心凌於《乘風破浪3》首集個人表演中選擇演唱代表作《愛你》再度爆紅Photo from 《乘風破浪3》

王心凌一直以嚟個人喜愛度未曾跌出前3,絕對係當之無愧嘅人氣王Photo from 《乘風破浪3》

Jessica曾經係少女時代成員,跳唱實力超班Photo from 《乘風破浪3》

Twins、Fiona人氣超高

阿嬌為參加節目,不惜食粟米減肥,最終修身成功重返顏值巔峰,雖然排名唔及舊愛權寧一女友Jessica,但同好姊妹阿Sa位列第5、第6位,成績都十分出彩。至於Fiona個人喜愛度一直位列前十,第四次公演中更一躍從第8登至第4,人氣大急升嘅佢雖然因為爆喊而惹部分網民反感,但似乎未有影響佢人氣,依然成功成團。

阿嬌為參加節目,不惜食粟米減肥,最終修身成功重返顏值巔峰Photo from 《乘風破浪3》

Fiona個人喜愛度一直位列前十,第四次公演中更一躍從第8登至第4,人氣大急升Photo from 《乘風破浪3》

過往兩季《乘風破浪的姐姐》,容祖兒成團排名最高

睇返過往嘅兩季《乘風破浪的姐姐》,都有香港藝人成功入到總決賽,其中第一季鄭希怡未能成團;第二季嘅Joey容祖兒則係那英隊以第4名身份成團,亦係三季以嚟成團排名最高嘅香港女星。其實不論能唔能夠成團,參加咗呢個節目之後嘅幾位姐姐鄭希怡、容祖兒、Fiona、阿Sa、阿嬌都喺內地人氣急升。

過往嘅兩季《乘風破浪的姐姐》,都有香港藝人成功入到總決賽Photo from 《乘風破浪3》

第二季嘅Joey容祖兒則係那英隊以第4名身份成團,亦係三季以嚟成團排名最高嘅香港女星。Photo from 阿Sa微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

乘風破浪3|薛凱琪爆喊、自作多情惹內地網民反感:情商好低

25 Jul 2022

內地綜藝《乘風破浪3》4位香港女星中阿Sa阿嬌人氣最高,而胡杏兒就已經被淘汰,薛凱琪雖然人氣不及Twins,但仍有望成團。不過日前一集佢嘅表現卻令內地網民大為不滿,認為佢唔遵守規則、情商低,更直言對佢無晒好感?!

內地綜藝《乘風破浪3》4位香港女星中阿Sa阿嬌人氣最高Photo from 《乘風破浪3》

《乘風破浪3》薛凱琪人氣大急升!

《乘風破浪3》自播出以嚟都收穫網民嘅關注,其中除咗阿Sa阿嬌之外,薛凱琪人氣亦唔低,個人喜愛度一直位列前十,喺啱啱完結嘅第四次公演中,佢嘅個人喜愛度更一躍登至第四!僅次於王心凌、Jessica(鄭秀妍)、阿Sa(蔡卓妍)。

薛凱琪人氣亦唔低,個人喜愛度一直位列前十Photo from 《乘風破浪3》

啱啱完結嘅第四次公演中,Fiona嘅個人喜愛度更一躍登至第四Photo from 《乘風破浪3》

喺節目以外Fiona爽直性格亦獲網民熱議,早前佢未經後期修圖嘅直拍照曝光,獲網友力讚佢保養超好,仍係滿滿少女感。

節目以外Fiona爽直性格亦獲網民熱議Photo from 薛凱琪微博

早前Fiona未經後期修圖嘅直拍照曝光Photo from 微博

網友力讚薛凱琪保養超好,仍係滿滿少女感。Photo from 微博

薛凱琪組員被淘汰,王心凌、Jessica可選新組員加入

Fiona第三次公演個人喜愛度仲係第8,到第四次公演即升至第4,但人氣大急升嘅佢似乎面臨危機?!喺最新一集《乘風破浪3》中只有喺第四次公演擊敗師姐組嘅Jessica組同排名第一嘅王心凌組可以全員晉級,其他兩組都要淘汰組員。

Fiona第三次公演個人喜愛度仲係第8,到第四次公演即升至第4Photo from 薛凱琪微博

喺最新一集《乘風破浪3》中只有喺第四次公演擊敗師姐組嘅Jessica組可以全員晉級Photo from 《乘風破浪3》

胡杏兒就係喺呢次公演中被淘汰,而身為排名第二譚維維組嘅薛凱琪亦面臨組員被淘汰嘅命運。喺淘汰後迎嚟最後一次公演嘅分組,全員晉級嘅Jessica組同王心凌組可以喺敗者組選擇新組員加入,而獲選擇嘅組員並無拒絕嘅權利。

最後一次公演嘅分組,全員晉級嘅Jessica組同王心凌組可以喺敗者組選擇新組員加入Photo from 《乘風破浪3》

獲選擇嘅組員並無拒絕嘅權利。Photo from 《乘風破浪3》

王心凌有意邀請薛凱琪,Fiona爆喊稱唔想

王心凌喺選人時就表示想揀主唱加入,歌手出身嘅薛凱琪同郭采潔成為佢哋心目中嘅人選,而隊長譚維維亦表示王心凌同郭采潔都有可能獲選,Fiona一聽到即崩潰爆喊!Fiona指:「我真的不想走!」見到Fiona喊得咁犀利,其他姐姐都十分動容。

王心凌喺選人時就表示想揀主唱加入Photo from 《乘風破浪3》

隊長譚維維亦表示王心凌同郭采潔都有可能獲選Photo from 《乘風破浪3》

Fiona一聽到即崩潰爆喊:「我真的不想走!」Photo from 《乘風破浪3》

王心凌組員阿嬌同張天愛面色尷尬

王心凌內心想選擇音樂人,但同組嘅組員見到薛凱琪咁難受,吳謹言、阿嬌同張天愛都露出不忍神情。Fiona嘅組員都安慰佢,叫佢唔好喊。王心凌經過一番考慮後決定揀舞蹈員出身嘅唐詩逸加入。

王心凌內心想選擇音樂人,但同組嘅組員見到薛凱琪咁難受,吳謹言、阿嬌同張天愛都露出不忍神情。Photo from 《乘風破浪3》

阿嬌同張天愛表情引人注目Photo from 《乘風破浪3》

Fiona嘅組員都安慰佢,叫佢唔好喊。Photo from 《乘風破浪3》

王心凌經過一番考慮後決定揀舞蹈員出身嘅唐詩逸加入。Photo from 《乘風破浪3》

而薛凱琪成功留喺譚維維組後佢再次落淚,並過去王心凌組感謝對方,佢用廣東話表示:「多謝你!多謝阿Sa!多謝你為我哋考慮!」王心凌、阿Sa等組員又送上擁抱,阿Sa以廣東話回應:「唔使(多謝)~我係覺得我哋想做嘅(表演)你未必想做。」場面感人!

薛凱琪成功留喺譚維維組後佢再次落淚Photo from 《乘風破浪3》

Fiona過去王心凌組感謝對方,佢用廣東話表示:「多謝你!多謝阿Sa!多謝你為我哋考慮!」Photo from 《乘風破浪3》

王心凌、阿Sa等組員又送上擁抱,阿Sa以廣東話回應:「唔使(多謝)~我係覺得我哋想做嘅(表演)你未必想做。」場面感人!Photo from 《乘風破浪3》

內地網民斥薛凱琪唔遵守規則、成日喊EQ低

不過節目播出後,Fiona嘅表現卻掀起內地網民討論,有唔少人認為規則講明被選擇嘅組員會直接加入新組別,即係無得「say no」,但薛凱琪咁樣即係逼人唔好揀佢,等同唔遵守規則。網友指佢此舉情商低,更令王心凌一組嘅組員十分尷尬。

節目播出後,Fiona嘅表現卻掀起內地網民討論Photo from 《乘風破浪3》

唔少人認為規則講明被選擇嘅組員會直接加入新組別,即係無得「say no」,但薛凱琪咁樣即係逼人唔好揀佢,等同唔遵守規則。Photo from 微博

網友指佢此舉情商低,更令王心凌一組嘅組員十分尷尬。Photo from 微博

亦有人表示王心凌從頭到尾都無公開佢想揀嘅人選,薛凱琪唔知對方揀咩人就喊晒口咁分分鐘係自作多情。有網民則表示喺節目播出以嚟薛凱琪經常都忍唔住眼淚,直言佢「哭多就太作了」,又指佢唔應該靠喊要人哋遷就佢。不過都有網友表示Fiona只係重情義,同組員有感情先唔捨得走。王心凌組都係高人氣成員,Fiona只要加入就穩贏,但佢堅拒入組反而證明Fiona真性情。

亦有人表示王心凌從頭到尾都無公開佢想揀嘅人選,薛凱琪唔知對方揀咩人就喊晒口咁分分鐘係自作多情。Photo from 《乘風破浪3》

有網民則表示喺節目播出以嚟薛凱琪經常都忍唔住眼淚,直言佢「哭多就太作了」Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel