香港小姐2022|「女版曾比特」徐麟再次以新髮型登場!半鹹淡廣東話口音成亮點!連唐麗球都建議佢練習下?

香港小姐2022|「女版曾比特」徐麟再次以新髮型登場!半鹹淡廣東話口音成亮點!連唐麗球都建議佢練習下?

娛樂新聞
By Stephanie on 03 Aug 2022
Digital Content Writer

2022年度香港小姐競選》將於9月4日舉行準決賽,而20位入圍佳麗都密鑼緊鼓咁進行特訓,務求展現最好嘅一面俾大家~最近,大台釋出佳麗們嘅宣傳影片,率先登場嘅就係有「女版曾比特」之稱嘅徐麟(Astrid),佢一改過往爆炸頭髮型獲網民大讚!

1號佳麗徐麟(Astrid)喺最新宣傳片中展示新髮型Photo from 《2022香港小姐競選-小城美誌》

1號佳麗徐麟(Astrid)被指似陳茵媺

1號佳麗徐麟(Astrid)從港姐面試開始就憑獨特「爆炸頭」造型,獲得大量網民嘅關注。其後佢又被網民指樣貌與陳茵媺十分相似,成為備受熱議嘅候選佳麗之一~

1號佳麗徐麟(Astrid)參加港姐面試時,成功用「爆炸頭」獲得大眾關注!Photo from 娛樂新聞台

而佢仲因為髮型而被稱為「女版曾比特」Photo from 娛樂新聞台

現時於香港就讀博士課程

25歲嘅Astrid曾表示自己現時就讀香港大學公共管理博士一年級,2年前就已經來港完成Master課程,係本屆港姐當中最高學歷嘅一位!而佢亦好鍾意彈奏傳統樂器「箜篌」,同時又熱愛健身做運動等,動靜皆宜,可以話係多才多藝。

Astrid現時喺香港大學讀緊博士課程Photo from Astrid IG

過往佢亦曾經擔任模特兒Photo from Astrid IG

「譚仔姐姐」口音成為亮點!

喺最新釋出嘅宣傳影片中,Astrid一改過往髮型以全新造型登場,獲得唔少網民力撐有機會入三甲!然而,佢一開口就成功以半鹹淡嘅廣東話搶奪目光,佢受訪時曾表示自己喺參選後先開始報讀廣東話課程,現時學咗大約3個月,似乎尚有進步空間。

Astrid通過咗3輪嘅面試之後,獲電視台安排改造髮型Photo from 《2022香港小姐競選-小城美誌》

唔少網民都大讚佢轉咗髮型後變靚咗!Photo from 《2022香港小姐競選-小城美誌》

與1984年港姐季軍唐麗球見面

為咗令大眾更加了解佳麗們,大台特地製作《2022香港小姐競選-小城美誌》俾每位佳麗都可以與歷任港姐一對一交流,藉此吸取經驗。而Astrid就被安排與1984年港姐季軍唐麗球見面,二人一齊搭電車傾計,而Astrid坦承因為自己方向感唔好,所以來港後好少搭電車。而佢哋都一致認為「港姐同電車一樣都係好受香港市民歡迎嘅事物」,希望兩者都能夠一直延續落去。

Astrid獲安排與1984年港姐季軍唐麗球見面,二人喺電車上交談Photo from 《2022香港小姐競選-小城美誌》

二人都覺得香港小姐同電車一樣非常受港人喜愛Photo from 《2022香港小姐競選-小城美誌》

大讚Astrid有自信

而「師姐」唐麗球就大讚Astrid第一印象好好,認為佢好有自信,但就忍唔住建議「你啲廣東話就真係要練習下喇!」並提醒佢放鬆心情享受比賽~

唐麗球大讚Astrid俾人嘅感覺好fresh,而且仲好有自信!Photo from 《2022香港小姐競選-小城美誌》

而佢都覺得對方要好好訓練下廣東話,為決賽作準備Photo from 《2022香港小姐競選-小城美誌》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

香港小姐2022|女版曾彼特一改爆炸頭形象現身!高學歷、多材多藝

6 Jul , 2022

香港小姐競選2022》20強出爐,其中由首輪面試已成為焦點嘅「爆炸頭」佳麗徐麟(Astrid)亦成功入圍!佢喺記者會上自我介紹,原來佢學歷係本屆佳麗中最高,以往亦有做模特兒經驗。

《香港小姐競選2022》20強出爐Photo from 娛樂新聞台

港姐2022|「女版曾彼特」憑爆炸頭成為話題

每年嘅港姐面試都會成為話題,喺初選中一位佳麗憑著爆炸頭髮型令人留下深刻印象,更獲封「女版曾彼特」,佢就係徐麟(Astrid)。隨後第二輪、第三輪面試佢都成功入圍,最終更打入20強,將會正式喺電視上與觀眾見面。

每年嘅港姐面試都會成為話題,喺初選中一位佳麗憑著爆炸頭髮型令人留下深刻印象,更獲封「女版曾彼特」Photo from 娛樂新聞台

徐麟第二輪面試佢都成功入圍Photo from 娛樂新聞台

廣告
廣告

徐麟通過第三輪面試,最終更打入20強Photo from 娛樂新聞台

早前入圍佳麗都去髮型屋接受「大改造」,正當大家都期待Astrid會以新髮型示人之際,佢仍然保留招牌爆炸頭,Astrid表示同髮型師商量後決定維持爆炸頭髮型。

早前入圍佳麗都去髮型屋接受「大改造」,正當大家都期待Astrid會以新髮型示人之際,佢仍然保留招牌爆炸頭Photo from 娛樂新聞台

港姐2022|徐麟(Astrid)以新髮型示人

但日前嘅港姐20強記者會上,Astrid終於一改爆炸頭造型,以全新形象現身,令人眼前一亮!佢曾表示爆炸頭髮型都係佢第一次整,已經keep咗兩三個月,佢指覺得爆炸頭髮型會為佢帶嚟好運。

日前嘅港姐20強記者會上,Astrid終於一改爆炸頭造型,以全新形象現身Photo from 娛樂新聞台

招牌爆炸頭不再,Astrid稱初次嘗試新髮型,覺得好適合自己,對新髮型亦感滿意。記者會上佢抽取個人號碼為1號,所以係20位佳麗中第一位向傳媒作自我介紹。

招牌爆炸頭不再,Astrid稱初次嘗試新髮型,覺得好適合自己,對新髮型亦感滿意Photo from 娛樂新聞台

港姐2022|徐麟高學歷勝本屆其他佳麗?

Astrid指佢今年25歲,喺香港大學公共管理博士一年級,翻查資料,相信Astrid所講嘅應該係Doctor of Public Administration(公共行政學博士課程),佢指之前喺香港讀Master,已來港兩年。

Astrid指佢今年25歲,喺香港大學公共管理博士一年級Photo from 徐麟 IG

徐麟指之前喺香港讀Master,已來港兩年。Photo from 徐麟 IG

同屆港姐中,Astrid擁最高學歷,從佢個人IG可見,佢亦熱心參與校內活動,與同學有唔少合照,更曾經去過中大睇足球比賽。佢嘅自我介紹中亦提到自己中意睇足球比賽同健身,相信對運動亦有所關心。

同屆港姐中,Astrid擁最高學歷,從佢個人IG可見,佢亦熱心參與校內活動,與同學有唔少合照Photo from 徐麟 IG

徐麟嘅自我介紹中亦提到自己中意睇足球比賽同健身,相信對運動亦有所關心。Photo from 徐麟 IG

港姐2022|徐麟多材多藝,演奏古典樂器箜篌

除咗運動之外,佢亦表示喜歡演奏傳統樂器,佢嘅個人嗜好有寫上「箜篌」,箜篌係中國古代傳統撥弦樂器,流傳至今已有2,000幾年歷史,外型與豎琴相似卻並唔一樣,睇嚟喺港姐個人表演中有望睇到Astrid演奏箜篌!

除咗運動之外,佢亦表示喜歡演奏傳統樂器,佢嘅個人嗜好有寫上「箜篌」Photo from 徐麟 IG

箜篌係中國古代傳統撥弦樂器,流傳至今已有2,000幾年歷史Photo from 經典詠流傳 第五季

喺港姐個人表演中有望睇到Astrid演奏箜篌!Photo from 微博

Astrid嘅愛好更包括影相,佢嘅個人IG就有喺中央美術學院打卡照,佢更曾經做model影過好多相同行catwalk,絕對係多材多藝。

Astrid嘅愛好更包括影相,佢嘅個人IG就有喺中央美術學院打卡照Photo from 徐麟 IG

徐麟曾經做model影過好多相Photo from 徐麟 IG

徐麟行catwalkPhoto from 徐麟 IG

徐麟多材多藝Photo from 徐麟 IG

港姐2022|徐麟貌似陳茵媺?徐麟稱努力學廣東話

不過佢嘅廣東話只係一般,喺記者會上Astrid以半鹹淡廣東話自我介紹,佢表示修讀廣東話課程3個月左右,之前都係講英文比較多。Astrid喺自我介紹中佢特意稱中意學習唔同嘅語言,可能廣東話都係其中之一。今次參選有唔少人都指Astrid似港姐冠軍陳茵媺,更獲睇好可以入三甲!

喺記者會上Astrid以半鹹淡廣東話自我介紹,佢表示修讀廣東話課程3個月左右,之前都係講英文比較多Photo from 娛樂新聞台

Astrid喺自我介紹中佢特意稱中意學習唔同嘅語言Photo from 徐麟 IG

今次參選有唔少人都指Astrid似港姐冠軍陳茵媺,更獲睇好可以入三甲!Photo from 徐麟 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel