28歲女被相親男載回家途中發生意外,男方厚面皮:嫁給我就支付醫藥費!結局大揭曉!

28歲女被相親男載回家途中發生意外,男方厚面皮:嫁給我就支付醫藥費!結局大揭曉!

生活熱話
By Stephanie on 04 Aug 2022
Digital Content Writer

現時唔少單身人士都會選擇透過相親去認識另一半,但尋覓伴侶嘅過程都未必好順利。最近,28歲女透過相親認識咗一名男生,二人見面約會,可惜女方婉拒對方嘅好意。喺男方揸車載對方回家之際卻不幸發生意外;事後男方竟然以一句話嘗試向對方逼婚?!

28歲女因為相親而不幸出意外,但男方嘅一句話令佢極度心寒!Photo from 微博

28歲女透過相親尋找另一半

根據內地媒體報導,來自安徽省嘅28歲女生「小馬(化名)」自細因為父母離異,努力工作幫補家計,照顧屋企嘅媽媽同哥哥。喺就讀高中嘅時候,佢就遠赴上海工作;但後來因為媽媽年紀漸長而回鄉工作,卻一直都未能尋覓到另一半,令身邊嘅好友都替佢感到焦急,不停為佢介紹新對象!

女生「小馬」小時候就父母離異,其後去咗上海工作幫手賺錢!Photo from 微博

經朋友介紹認識一名男生

後來,朋友為小馬物色到一位男生「小張(化名)」,並安排二人見面食飯互相了解。喺初次見面後,女方好快就知道自己嘅心意,打算傾下計就離開餐廳;不過在場朋友嘅多番挽留令佢最終心軟留低食飯。相反,男方一見到小馬時就已經一見鍾情,並暗示叫身邊嘅朋友幫手製造機會。

朋友為女生物色到一名男生,並為佢哋安排聚會等佢哋可以彼此認識下Photo from 《社內相親》劇照

駕車回家時發生意外,女方右腿受傷!

喺聚會結束後,男方主動提出要單獨揸車載女生回家,然而意外卻因此發生。由於男生食飯時飲咗少少酒,回家中途不幸撞上路邊嘅欄杆,導致成架車都反咗!男生嘅傷勢並唔大礙,但女生就受傷得較為嚴重,右腿需要截肢。(提醒大家:飲酒後千祈唔好揸車啊!!)

喺男方揸車送女生返屋企途中,卻不幸發生交通意外!Photo from 微博

男方支付$9萬醫藥費,但後來態度超冷淡!

意外發生後,男方支付女方合共約$9萬人民幣嘅手術及住院費用,仲提議暫時照顧對方嘅起居,希望彌補自己嘅錯。其後,小馬嘅左腿都出現感染狀況,需要再次進行手術;期間男方卻突然變得好冷淡,甚至絕口不提醫藥費嘅話題,令女方嘅媽媽唯有問身邊嘅親人借錢!

男方願意支付$9萬手術費,但後來就唔理睬女生,搞到佢媽媽要到處問其他人借錢!Photo from 微博

提出2大要求才願意支付醫藥費!

經過一段時間後,女方嘅家人終於成功聯絡到男生。但對方卻提出2個極度離奇嘅要求:同小馬結婚以及雙方簽訂和解書,否則醫藥費一事免談;仲揚言「不同意嫁給我就走法律程序。」

男方要求同女方結婚+雙方簽訂和解書,做完後就先願意支付醫藥費!Photo from 微博

男方冷淡咁話唔願意就叫女生另覓辦法Photo from 微博

現時案件受審中

對此女生感到非常生氣,並堅決拒絕對方嘅要求,透過法律程序追討費用中,現時案件依然審理中。而女方家人將實情曝光,希望喚起大眾關注能夠盡快籌錢支付醫藥費!

女方拒絕男方無理嘅要求,現時案件依然受審中。Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

廣告
廣告

更多相關文章

73歲伯伯相親尋覓終生伴侶!2次都失敗吿終!老人家相親成功率比想像中低?

21 Jul , 2022

唔少人都希望搵到投緣嘅另一半白頭到老~最近內地踴現「老人家相親」嘅現象,一位年約73歲嘅伯伯透過參加相親活動嘗試尋覓女友,佢嘅經歷卻引起熱議。雖然佢同相親對象都傾得好投契,但各種因素都令二人最終未能發展成情侶,其中有一次佢只係與該女士見咗面5分鐘就緣分結束?!

73歲呂伯伯喪偶後透過婚友社,成功與2名女士相親。Photo from 微博

內地人口老化問題出現?!

最近,內地嘅「老人家相親」風氣變得越來越普遍,背後亦代表人口老化嘅問題逐漸出現。而空巢老人(即子女離家後或者本身無子女嘅老人)數量亦有所上升:根據內地資料顯示,當地60歲以上嘅人口高達2.67億人、老年空巢家庭率更達到70%!

現時內地超過60歲嘅人口有逾2億人,當中有唔少係獨居嘅老人!Photo from 《我的大叔》劇照

73歲伯伯喪偶後,相親尋覓另一半

根據內媒報導,73歲嘅呂伯伯早前因為喪偶而決定透過相親尋找另一半,一齊渡過老年生活。起初,佢先係認識72歲嘅趙婆婆,對方同樣失去伴侶多年,現時與孫子同住。不過孫子即將離家出外讀書,所以婆婆就打算搵返個伴。

呂伯伯第一位相親嘅對象係72歲嘅趙婆婆,對方現時與孫子同住Photo from 微博

嫌棄女方說話太多

不過二人見面後,伯伯就嫌棄對方身型較大、而婆婆亦同樣覺得伯伯瘦弱;但女方就提議先做朋友,覺得「年紀大了,身邊還是要有個伴」,仲話合適嘅話可以輪流到彼此屋企居住,唔需要大費周章咁搬屋。雖然婆婆主動向伯伯示好,不過佢就唔太領情,私底下抱怨女方太多嘢講,二人嘅緣分亦因此終結。

不過伯伯後來認為覺得女方太多嘢講,二人嘅緣分亦因此告終。Photo from 《福秀回來了》

女方要求伯伯全數支付婚後生活費!

隨後,伯伯再被婚友社安排與69歲嘅董婆婆相親,二人一見面就非常投契,仲開心咁一齊唱歌~但當佢哋一談及婚後生活嘅時候,問題就開始浮現!女方坦承「現在的社會就是金錢社會」,希望婚後嘅生活費全數由男方支付,自己嘅退休金則全部儲起。伯伯聽到後極力反對,表示自己每個月嘅退休金只係得2,600人民幣(約港幣3千),要求共同支付生活費,最終二人不歡而散!

第二位相親對象係69歲董婆婆,二人一開始就好傾得埋~Photo from 微博

不過當佢哋亦提及婚後生活費嘅問題,二人即刻鬧翻?!Photo from 《如蝶翩翩》

老年人相親成功率低!

事實上,隨住內地老人家相親嘅人數飆升,市面上都多咗唔少專門俾老人家相親嘅婚友社。然而,老人家們相親成功卻比想象中困難,失敗率高亦令外界感到驚訝!

實際上,老人家相親嘅成功率比想像中低!Photo from 《愛的禮讚》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel