孫藝珍懷孕拍廣告曝光真實身材!婚後晚晚為老公玄彬下廚?!

孫藝珍懷孕拍廣告曝光真實身材!婚後晚晚為老公玄彬下廚?!

娛樂新聞
By Jennifer on 04 Aug 2022
Digital Editor

孫藝珍同玄彬今年3月結婚,婚後不久孫藝珍就宣佈已懷孕,由於父母都擁有超高顏值,所以玄彬同孫藝珍嘅愛情結晶品未出世已成為全國焦點。近日孫藝珍拍攝嘅廣告公開,挺住孕肚嘅佢狀態超佳,引起熱議。

孫藝珍同玄彬今年3月結婚,婚後不久孫藝珍就宣佈已懷孕Photo from Vast ENT IG

孫藝珍宣佈懷孕後首個廣告公開

現年40歲嘅韓國演員孫藝珍同男神玄彬結婚3個月就喺IG宣佈懷孕喜訊,獲唔少網友留言祝賀。宣佈陀b之後佢就甚少公開露面,不過近日佢代言嘅品牌廣告公開,孫藝珍身材隨即成為熱話。

現年40歲嘅韓國演員孫藝珍同男神玄彬結婚3個月就喺IG宣佈懷孕喜訊Photo from 《愛的迫降》

宣佈陀b之後孫藝珍就甚少公開露面Photo from 孫藝珍 IG

零孕味狀態超好,孫藝珍堅持3種運動10年

廣告片段中孫藝珍以一襲米白色嘅長裙現身,尤如神話女神降臨,唔止美貌依舊,挺住孕肚嘅佢更係零孕味,身材keep得十分好,狀態極佳,難怪網民都感歎:「真的太美了」、「好羨慕玄彬....」、「姐姐是怎樣保養的」

廣告片段中孫藝珍以一襲米白色嘅長裙現身,尤如神話女神降臨Photo from YouTube

孫藝珍唔止美貌依舊,挺住孕肚嘅佢更係零孕味,身材keep得十分好,狀態極佳Photo from YouTube

網民都感歎:「真的太美了」、「好羨慕玄彬....」Photo from YouTube

其實孫藝珍一向都保養得宜,佢曾經喺韓國綜藝節目《家師父一體》公開自己嘅運動日常,佢考獲TRX導師資格證8年,同時堅持做普拉提10年、禪柔運動,所以身材先可以長年保持得咁好。

孫藝珍一向都保養得宜Photo from 孫藝珍 IG

孫藝珍曾經喺韓國綜藝節目《家師父一體》公開自己嘅運動日常,佢考獲TRX導師資格證8年Photo from SBS

孫藝珍堅持做普拉提10年Photo from SBS

孫藝珍仲有做禪柔運動,所以身材先可以長年保持得咁好Photo from SBS

專心養胎為老公玄彬下廚

孫藝珍懷孕後就專心養胎,不過佢不時喺個人IG分享生活,除咗同愛犬散步之外,嫁為人婦之後孫藝珍都經常下廚,更會影低自己煮嘅早餐、午餐、晚餐,佢表示近嚟做咗好多以前從未整過嘅菜式,包括pizza、漢堡包等。

孫藝珍懷孕後就專心養胎,不過佢不時喺個人IG分享生活Photo from 孫藝珍 IG

孫藝珍同愛犬散步Photo from 孫藝珍 IG

嫁為人婦之後孫藝珍都經常下廚,更會影低自己煮嘅早餐、午餐、晚餐Photo from 孫藝珍 IG

孫藝珍表示近嚟做咗好多以前從未整過嘅菜式,包括pizza、漢堡包等。Photo from 孫藝珍 IG

佢更為老公玄彬煮飯,其中一個post就影咗好多韓式家常菜,有時仲有西式意粉等,賣相十分不俗,而且相中更放咗兩set餐具,透露孫藝珍晚晚同玄彬撐枱腳,新婚生活非常甜蜜!

孫藝珍更為老公玄彬煮飯Photo from Vast ENT IG

孫藝珍其中一個IG post就影咗好多韓式家常菜Photo from 孫藝珍 IG

相中更放咗兩set餐具,透露孫藝珍晚晚同玄彬撐枱腳,新婚生活非常甜蜜!Photo from 孫藝珍 IG

玄彬新電影即將上映

至於準爸爸玄彬雖然無個人IG,但佢有份主演嘅嘅電影即將於9月上映,預告片已經公開,預計嚟緊玄彬將會出席一連串電影宣傳活動。

玄彬有份主演嘅嘅電影即將於9月上映Photo from Vast ENT IG

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

40歲孫藝珍晒素顏生日照!零濾鏡真樣被嫌保養得唔好!小S發文抱不平

14 Jan 2022

韓國女演員孫藝珍唔止演技出色,更擁超高顏值獲封為女神。近日佢慶祝40歲生日,公開咗唔少相片,當中更包括素顏照。零濾鏡下嘅佢獲唔少網友大讚,但亦有人直言佢保養得好差,計小S(徐熙娣)都忍唔住為女神平反!

韓國女演員孫藝珍唔止演技出色,更擁超高顏值獲封為女神。Photo from 孫藝珍IG

孫藝珍晒相慶祝40歲生日

韓劇《愛的迫降》大熱,令兩位主角玄彬同孫藝珍人氣急升,佢哋更戲假情真成為現實情侶!兩人公開戀愛一年,感情依然穩定,超高顏值嘅組合得到唔少人祝福。

韓劇《愛的迫降》大熱,令兩位主角玄彬同孫藝珍人氣急升,佢哋更戲假情真成為現實情侶!Photo from 孫藝珍IG

最近孫藝珍迎嚟40歲生日,佢喺IG公開咗fans送上嘅禮物照,以及片場工作人員為佢慶祝嘅生日會相片:「非常感謝大家,我很感動!」

最近孫藝珍迎嚟40歲生日,佢喺IG公開咗fans送上嘅禮物照Photo from 孫藝珍IG

片場工作人員為孫藝珍慶祝生日Photo from 孫藝珍IG

孫藝珍晒生日會相片:「非常感謝大家,我很感動!」Photo from 孫藝珍IG

素顏照曝光,有網友彈孫藝珍保養得差

其中仲有素顏照!相中孫藝珍不施脂粉,而且相片更係零filter!雖然相片唔算好清晰,但都睇得出孫藝珍皮膚白裡透紅,狀態極好,完全唔似40歲。

孫藝珍大方公開零filter素顏照Photo from 孫藝珍IG

其實孫藝珍一向都有凍齡女神嘅美譽,《愛的迫降》嗰陣佢雖然已38歲但靚樣依舊,甚至有人搵返佢19年前拍電影《假如愛有天意》嘅劇照,外型變化唔大,依然仙氣十足!

孫藝珍一向都有凍齡女神嘅美譽Photo from 《愛的迫降》

孫藝珍拍電影《假如愛有天意》時十分清純Photo from 《假如愛有天意》

不過除咗讚佢靚嘅留言外,都仲有唔少人直言孫藝珍保養得唔好,憑「無filter」嘅相片已睇出佢美貌不再,更有網民稱佢微調太多,以致肌膚不再緊繃。

除咗讚佢靚嘅留言外,都仲有唔少人直言孫藝珍保養得唔好Photo from 孫藝珍IG

小S發文為孫藝珍抱不平

小S喺IG為孫藝珍抱不平,表示睇到孫藝珍嘅照片,覺得佢無P修圖或美圖,但網友竟嫌棄佢:「明明就是漂亮的啊!到底要怎樣,大修圖,你們嫌假,不修圖,又要嫌老!你們是有多帥多美啊?」

小S喺IG為孫藝珍抱不平,表示睇到孫藝珍嘅照片,覺得佢無P修圖或美圖,更大顏佢靚女Photo from 小S IG

唔少網友都認同:「孫藝珍明明很正!氣質又好!」、「孫藝珍是貨真價實的美無誤」,亦有人大小S素顏都一樣咁靚:「姐也一樣漂亮」、「可是你比孫藝珍美欸,怎麼辦😢😢」

唔少網友都認同:「孫藝珍明明很正!氣質又好!」Photo from 孫藝珍IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel