MIRROR演唱會|梁思浩斥花姐難辭其咎,直言3大不足!讚連登仔為公義發聲

MIRROR演唱會|梁思浩斥花姐難辭其咎,直言3大不足!讚連登仔為公義發聲

娛樂新聞
By Jennifer on 05 Aug 2022
Digital Editor

MIRROR紅館演唱會發生意外,事後MIRROR成員同經理人花姐等保持沉默一段時間,期間有唔少前輩發聲。梁思浩喺網台「大家真瘋Show」中亦就事件發表意見,佢直指成件事屬人為意外,而高層唔負責難為咗12位鏡仔。

MIRROR紅館演唱會發生意外Photo from MIRROR IG

MIRROR演唱會幕後製作公司表示與意外無關

MIRROR演唱會事故震驚全城,由於半空中大螢幕突然跌下,連日嚟有唔少網民都認為演唱會主辦方應該要回應事件,並盡快搵出負責之單位。而演唱會負責舞台製作工程嘅幾間公司亦相繼發聲明,表示與意外無關。

連日嚟有唔少網民都認為演唱會主辦方應該要回應事件,並盡快搵出負責之單位Photo from MIRROR IG

梁思浩讚郭富城、汪明荃、王貽興、連登仔唔怕得失人,勇於發聲係英雄

今次意外除咗引起網民關注,仲有好多圈中前輩都發聲。有豐富舞台經驗嘅郭富城喺事件發生前就表示演唱會中歌手要集中精力演出,所以成個舞台設計應該係監製最清楚,幕後團隊要盡力解決問題,唔應該令歌手分心。城城又稱2日踩台時間太短,事後佢更發黑圖呼籲關注舞台演出者嘅安全。

有豐富舞台經驗嘅郭富城喺事件發生前就表示演唱會中歌手要集中精力演出,所以成個舞台設計應該係監製最清楚,幕後團隊要盡力解決問題,唔應該令歌手分心。Photo from 郭富城Facebook

事後城城更發黑圖呼籲關注舞台演出者嘅安全。Photo from 郭富城Facebook

另外汪阿姐(汪明荃)、王貽興亦有發聲。梁思浩喺網台「大家真瘋Show」中指出對呢件事好多人會避而不談,以免得失人,佢大讚喺眾人避談之間呢幾位發聲嘅名人係英雄,佢指連登討論區有好多網民為公義而發聲,一直追究要人負責任。

另外汪阿姐(汪明荃)亦有發聲指演唱會根本未readyPhoto from 汪阿姐IG

梁思浩喺網台「大家真瘋Show」中指出對呢件事好多人會避而不談,以免得失人,佢大讚喺眾人避談之間呢幾位發聲嘅名人係英雄Photo from 大家真瘋Show

梁思浩斥人人「卸責」,無人負責任

李思蓓就指搞演唱會就算賣唔到飛但基本嘅安全一定要做足,何況MIRROR演唱會賣到爆晒飛。而梁思浩則表示佢曾經做過演唱會監製,有權對事件發言。佢指演唱會賣晒飛已經賺硬錢,但仲喺度慳,李思蓓更稱佢聽到傳聞係演唱會將搭舞台嘅時間攞咗嚟加場。

李思蓓就指搞演唱會就算賣唔到飛但基本嘅安全一定要做足,何況MIRROR演唱會賣到爆晒飛。Photo from MIRROR IG

梁思浩指出MIRROR第一場演唱會未「full dress rehearsal」就開場,對表演者完全唔合理。佢稱做監製、做經理人,點解唔企出嚟負責,要「12個細路仔」面對呢件事,都咁多日都無人出嚟交待,事件一出全部人都「卸責」:「賺錢袋落袋嗰時就識,到要企出嚟就無人孭。」

梁思浩指出MIRROR第一場演唱會未「full dress rehearsal」就開場,對表演者完全唔合理。Photo from MIRROR IG

直言花姐難辭其咎

梁思浩話佢唔怕畀人鬧,一向有嗰句講嗰句:「你係一個監製,甚至你係一個經理人,如果你rehearsal睇到有危險,你需唔需要保護你啲藝人先?」Mandy指經理人更加要出聲:「嗰12個幫你搵錢㗎!」梁思浩直言成件事花姐係難辭其咎:「老老實實啦阿花,你係呢12個細路仔嘅經理人,你有睇rehearsal㗎嘛!」

梁思浩直言成件事花姐係難辭其咎Photo from 花姐IG

3位主持都認為花姐睇到有問題應該要即刻出聲,尤其係花姐有做紅館演唱會監制嘅經驗:「嗰12個仔當你係阿媽!」佢哋指MIRROR工作量咁大,但有幾多錢袋都成疑,而經理人花姐明明有責任保護佢哋。梁思浩指出3大問題:1.)演唱會賣飛賺晒錢但仍喺安全工作方面慳;2.)做監製有晒經驗見到採排咁多問題唔出聲保護藝人;3.)事發至今唔企出嚟負責,反而要藝人面對。

3位主持都認為花姐睇到有問題應該要即刻出聲,尤其係花姐有做紅館演唱會監制嘅經驗Photo from 花姐IG

花姐於第三場演唱會坐鎮Panel

其實喺MIRROR演唱會第一場已被揭舞台危機重重,到第三日花姐喺IG出post:「今日做番好耐冇做嘅嘢,幾乎驚到暈低」,獲MIRROR成員同dancer留言支持,事發後花姐亦開咪請觀眾離開,不過直至現時都未有公開回應事件。早前有報道引述演唱會幕後人士指總綵排時花姐都有提出質疑。

其實喺MIRROR演唱會第一場已被揭舞台危機重重,到第三日花姐喺IG出post:「今日做番好耐冇做嘅嘢,幾乎驚到暈低」Photo from 花姐IG

當時唔少MIRROR成員同dancer留言支持Photo from 花姐IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

MIRROR演唱會︳幕後製作名單曝光,菱藝發聲明!協興隆大有來頭?

29 Jul 2022

廣告
廣告

MIRROR演唱會屢次被影到舞台設施搖晃,繼Frankie跌落台後,再有嚴重事故發生!舞台上其中一個大螢幕突然倒下,壓到台上嘅Dancer,2人受傷需送院。事後演唱會舞台製作名單曝光,掀起網民熱議。

MIRROR演唱會屢次被影到舞台設施搖晃,繼Frankie跌落台後,再有嚴重事故發生!

魯庭暉公佈2位dancer傷勢,承諾徹底搵出意外原因

MakerVille行政總裁魯庭暉凌晨會見記者,佢表示兩位傷者分別係阿峯(張梓峯)、阿Mo(李啟言),其中阿峯輕傷,不過醫生建議留院觀察,無大礙可出院。而So Ching男朋友阿Mo則喺深切治療部留醫,佢可以同醫生對話,意識清醒。

MakerVille行政總裁魯庭暉凌晨會見記者

阿峯輕傷,不過醫生建議留院觀察,無大礙可出院

So Ching男朋友阿Mo

阿Mo則喺深切治療部留醫,佢可以同醫生對話,意識清醒。

魯庭暉就事件向公眾鞠躬致歉,佢承諾會徹底搵出意外原因。喺MIRORR演唱會開騷前已有大批dancer喺IG Story post黑圖表達不滿,正式開騷後更被影到有好多舞台設施出現搖晃等,舞台安全備受外界關注。

魯庭暉就事件向公眾鞠躬致歉,佢承諾會徹底搵出意外原因。

喺MIRORR演唱會開騷前已有大批dancer喺IG Story post黑圖表達不滿

幕後製作名單:協興隆舞台工程有限公司、菱藝廣告製作有限公司

喺意外發生後,有網友公開演唱會完場時播出嘅幕後製作名單,其中機械工程由協興隆舞台工程有限公司負責,而舞台工程則寫明係菱藝廣告製作有限公司負責。

有網友公開演唱會完場時播出嘅幕後製作名單,其中機械工程由協興隆舞台工程有限公司負責,而舞台工程則寫明係菱藝廣告製作有限公司負責。

菱藝廣告發聲明表示與意外無關

菱藝廣告製作公司亦極速發聲明回應事件,菱藝表示公司只負責1)Band Pool角位搭建、2)道具製作、3)鋪設台面飾面板及鏡面物料3項舞台舞美工程部分:「本公司並無參與任何機械工程及/或導致意外相關工程的任何製作、舞台運作。現正式特此澄清,本公司與今晚紅館不幸意外無關。

菱藝廣告製作公司亦極速發聲明回應事件,菱藝表示公司只負責1)Band Pool角位搭建、2)道具製作、3)鋪設台面飾面板及鏡面物料3項舞台舞美工程部分

菱藝廣告製作公司極速發聲明:「現正式特此澄清,本公司與今晚紅館不幸意外無關。」

菱藝廣告指意外發生後,有部分不負責任言論,直接或間接影響公司聲譽,會保留追究權利。菱藝廣告表示對MIRROR演唱會之意外感到十分震驚及深表關注,冀望所有傷者早日康復及找出涉事真實原因。而協興隆舞台工程有限公司暫時未作回應。

菱藝廣告表示對MIRROR演唱會之意外感到十分震驚及深表關注,冀望所有傷者早日康復及找出涉事真實原因。

協興隆舞台工程公司與JUNO麥浚龍父親有關?

有網友指協興隆舞台工程有限公司由JUNO麥浚龍父親麥紹棠旗下上市公司中建富通於2016年7月收購,網民翻查2021年年報,指中建富通「舞台音響、燈光及工程業務」錄得$7,800萬虧損!其實菱藝廣告、協興隆舞台工程兩間公司都有參與過唔少演唱會。

有網友指協興隆舞台工程有限公司由麥浚龍JUNO父親麥紹棠旗下上市公司中建富通於2016年7月收購,

疑似行內人爆料

此外,有疑似演唱會內部人士就爆料稱演唱會開始前兩三日,唔知係唔係趕工嘅關係所以請多咗啲散工:「我記得第一日開始set場係由乜嘢都冇之後幾個鐘就將天台嘅所有螢幕都佈置好」,不過有網民就指出演唱會舞台向來都係請散工做。

有疑似演唱會內部人士就爆料稱演唱會開始前兩三日,唔知係唔係趕工嘅關係所以請多咗啲散工

網民:「我記得第一日開始set場係由乜嘢都冇之後幾個鐘就將天台嘅所有螢幕都佈置好」,不過有網民就指出演唱會舞台向來都係請散工做。

網上更瘋傳有自稱行內人發文指工程被判畀行外人做,幕後人員好多都係高層關係人士,入後台為追星,直指演唱會後台十分混亂,不過有關言論均未經證實。

網上瘋傳有自稱行內人發文指工程被判畀行外人做

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel