download HolidaySmart 假期日常 app
港媽懶理細路店內「扭計」扔玩具 只緊張點谷仔女入名校 2件事被轟唔識教仔

港媽懶理細路店內「扭計」扔玩具 只緊張點谷仔女入名校 2件事被轟唔識教仔

時事熱話 生活熱話
By Moon Lam on 05 Aug 2022
Digital Content Writer

俗語有話:「生仔容易教仔難」,小朋友應該從小教導正確既習慣,否則愈大愈難教!最近有港媽係網上分享,見到其他媽媽擋係店中間傾偈,無視仔女既行為都阻緊其他人,反而討論緊點樣「谷個仔入名校」,令該位網民非常不滿!

《開心速遞》劇照Photo from 《開心速遞》劇照

近日有一位港媽係Facebook專頁「生仔要考牌系列」,講述某日同個女去玩具店行,間鋪唔算好大間有大概1千尺,人流都算多,當時就有三位媽媽揹住小朋友既書包企係店鋪既正中央,岩岩好企係所有巷既交匯處傾偈,完美擋住左四個方向既路,而事主幾次行到嗰個位置都要兜路行。

《魔法玩具城》劇照Photo from 《魔法玩具城》劇照

事主就估計幾位媽媽應該帶住5至6個小朋友,因為幾個小朋友不斷跑黎跑去,想認真數都數唔到,而且小朋友有小朋友玩,媽媽有媽媽企係到高談闊論,期間就聽到幾位媽媽討論緊「點樣谷個仔入某間名校」之類既內容。

《開心速遞》劇照Photo from 《開心速遞》劇照

事主就表示其中兩個年紀較細,目測3至5歲既女童不斷圍住貨架跑,每跑經一個貨架就將一件玩具扔係地,指「眼見嘅都扔咗3, 4件,另外聽聲有貨跌落地嘅都好幾件」,有店員跟係女童身後遂件執返扔落地既玩具,另一名店員就追住女童跑,但兩位店員都唔敢出聲,過程持續超過5分鐘,但三位媽媽完全無理過件事。

《Toy story》劇照Photo from 《Toy story》劇照

隨後又有一名男童「扭計」,向其中一位媽媽要求買玩具,媽媽果斷拒絕,仲話「你再係咁就即係迫我打你!」,轉個頭就繼續傾偈。只見該位男童「嬲爆爆」,只可以不停細聲抱怨:「次次都係咁,次次都話唔得,次次都話下次,次次都話叫老竇嚟買,呃人嘅!」男童更不斷用拳頭打落想要既玩具到,而男童媽媽都無理會。

《寶寶大過天》劇照Photo from 《寶寶大過天》劇照

事主表示場面咁混亂,當下即刻拉個女離開,更指「此地不宜久留」,佢認為3位媽媽「都算穿得身光頸靚」,如果想傾偈可以去公園,至少「唔好企正喺中間阻住晒」,佢又不滿指幾位媽媽既小朋友「拆緊人間舖」,點解完全無理過班小朋友,就算真係比佢地個仔入到名校又代表到啲咩,而且小朋友扔玩具落地好順手,猜測呢個行為並唔係第一次,幾位員工一直都只係敢怒不敢言。

《寶寶大過天》劇照Photo from 《寶寶大過天》劇照

有網民睇完都大感同意生仔真係要考牌,又指「店員竟然都唔出聲」,不過有網民就話「成日有啲咁樣嘅組合出現,啲媽媽直接同小朋友話你喺呢到玩住先,我去對面舖頭睇嘢!」,直言「呢類家長真心好乞人憎!」

Facebook截圖Photo from Facebook截圖

Facebook截圖Photo from Facebook截圖

《親親我好媽》劇照Photo from 《親親我好媽》劇照

Text: HolidaySmart Editorial (小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

5無港男住公屋竟自稱人生勝利組 獨特三觀惹熱論 未到45歲計劃半退休?

03 Aug 2022

唔少人為樓為車、為老婆仔女窮盡一生,但只有極少數人先係「人生勝利組」! 不過近日就有一位年過40嘅單身中佬係網上分享另類人生觀,認為自己嘅「五無人生」比起其他人嘅理想生活更舒服?

《大叔的愛》劇照Photo from 《大叔的愛》劇照

近日有一位年過40嘅男網友係香港討論區以「未到45歲已準備好半退休了」為題,發文分享自己嘅人生觀,表示自己無妻兒,亦無車無樓無學位,不過就有公屋同7位數字儲蓄,更補充存款全部都係自己儲返黎,平均一個月儲$5000,一年就有6萬,20年自然有100萬。

《大叔的愛》劇照Photo from 《大叔的愛》劇照

生涯規劃:離職後開始「半退休生活」

佢提到任職公司正在走下坡,所以佢打算係公司結業後實行「半退休生活」,搵一份同居住地方鄰近嘅工作,又指最近問咗做保安嘅朋友,係屋邨兼職做保安都有$50一個鐘,只係想間中做下有收入,夠自己食住用,唔洗動用佢嘅儲蓄又唔洗交貴租,加上好彩嘅話投資股票賺少少又或者收股息,完全足夠生活,佢更自豪稱「係香港,有公屋真係人生勝利組,呢句野無錯!」

《回魂夜》劇照Photo from 《回魂夜》劇照

佢其後又提到上年有位未滿70歲嘅親戚離世,有一兒一女,為子女辛苦大半生,但佢地結婚後都搬哂出去,得返樓主親戚孤伶伶一個人住,病發時仲返緊工,樓主回顧親戚嘅一生,指佢人生「得返工作、工作同工作」,而佢嘅子女仲要因為一筆為數不大嘅遺產而反目,令樓主覺得「錢夠使,其實就OK,唔使再多」。

《大叔的愛》劇照Photo from 《大叔的愛》劇照

工作與生活平衡

於是樓主反思後就假設「人生70歲, 頭20年係讀書, 之後25年係工作, 最後25年就應該忠於自己」,好多人為咗仔女或者層樓而做物質嘅奴隸,而自己並無呢啲束縛,搵再多錢都無用,直言「點解我仲要做到65歲退休?」指如果無咩病痛,之後嘅人生會過得好舒服。

《大叔的愛》劇照Photo from 《大叔的愛》劇照

佢表示自己現時坐車來回已經用咗3個鐘,加上工作、瞓覺、食飯,每日嘅私人時間只得2、3個鐘,有人甚至係工作期間連私人時間都放棄埋。有人質疑樓主退休仲要每日仲花8個鐘工作係咪自相矛盾,樓主就反駁話係「半退休」生活,工作同生活取得平衡,稱「時間自主先係最重要」,一份鄰近居住地點嘅工可以慳唔少搭車時間,每日可用時間就有6個鐘!佢又解釋做保安係唔想同社會脫節,又有些許收入應付生活開支,重點係「享受生活之餘又有份無壓力嘅工作」。

《回魂夜》劇照Photo from 《回魂夜》劇照

獨特感情觀

樓主自稱無妻兒,亦無打算要成家立室,原來感情觀源自家人,佢提到自己細佬妹都無打算要下一代,連媽咪都無反對佢嘅睇法!作為長子佢計劃百年歸老後會將財產留比細佬妹,亦表示自己會請屋企人旅遊、食自助餐,俗語有話:「不孝有三,無後為大」,樓主都覺得自己講唔上好孝順,但只要屋企人覺得幸福快樂就得,唔需要旁人指指點點。

《大叔的愛》劇照Photo from 《大叔的愛》劇照

對於有人問樓主「點解唔需要女朋友」、「無小朋友無家庭樂」,甚至質疑樓主一事無成、又窮又悶,被女性嫌棄,佢就以「傻的嗎」回應,指自己非常享受單身,唔想要妻兒黎管住自己,可能仲要受佢地氣,又話唔少人為咗子女操勞大半生,「真係搵嚟辛苦」,又表示人生唔一定要結婚、生兒育女,言語間仲經常提到自己養咗三隻貓,令佢覺得根本唔需要另一半,稱「一個人嘅幸福同成就,唔係用兒女,或者有無間屋做標準 」,指尊重各人有不同價值觀,但只係佢自己唔需要。

《爺爺與貓》劇照Photo from 《爺爺與貓》劇照

心態豁達笑看生死

樓主對於生老病死亦非常看得開,稱人生最好「唔好有大病痛,唔好太長命」,同意網民健康最重要嘅睇法,指比錢做gym不如work life balance,生活輕鬆心情好,自然會健康啲,樓主甚至計劃好如果不幸患上重症都唔會醫,只需要減輕痛楚嘅藥物,死後財產除咗留比細佬妹嘅能捐則捐,骨灰就直接撤係海,更指「墓同碑都唔要,反正十年廿年後都無人嚟拜」

《孤獨的美食家》劇照Photo from 《孤獨的美食家》劇照

樓主自問識感恩,亦都非常知足,指自己活得快樂係因為唔同人計較,亦無咩慾望(包括物質同女人),重要嘅係無嘅野都唔會羨慕。樓主一開始就自稱「五無」,當然同常人「人生勝利組」嘅定義相距甚遠,不過佢亦自稱「我嘅人生真係好唔完美」,不過就活得快樂,無經濟壓力下做自己想做嘅事,過想過嘅生活,佢唔想做老婆奴、樓奴,只想做貓奴,閒來無事可做「係屋企陪下啲貓玩不知幾爽」。

《爺爺與貓》劇照Photo from 《爺爺與貓》劇照

網民意見

雖然有唔少網民質疑樓主嘅諗法,始終覺得需要有老婆仔女先至係人生,甚至有網民覺得有一千萬都唔敢退休,又或者覺得樓主呢個諗法係一事無成又唔上進。不過都有唔少網民認同樓主嘅價值觀,並表示羨慕,「最重要唔係長命,而係健康,行得走得做自己鍾意做嘅事」,「樓主用自己方式達到自己財務自由,真心羨慕樓主」,不過要做到樓主心態咁豁達亦非易事呀!

《孤獨的美食家》劇照Photo from 《孤獨的美食家》劇照

即睇樓主與別不同人生觀節錄:

香港討論區截圖Photo from 香港討論區截圖

香港討論區截圖Photo from 香港討論區截圖

香港討論區截圖Photo from 香港討論區截圖

香港討論區截圖Photo from 香港討論區截圖

香港討論區截圖Photo from 香港討論區截圖

香港討論區截圖Photo from 香港討論區截圖

Text: HolidaySmart Editorial (小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel