download HolidaySmart 假期日常 app
戀愛Staycation|最後兩集劇情發展太急速,被網民批評「剪輯太多」!無預警發佈第二季開播?

戀愛Staycation|最後兩集劇情發展太急速,被網民批評「剪輯太多」!無預警發佈第二季開播?

電視電影 娛樂新聞
By Stephanie on 05 Aug 2022
Digital Content Writer

ViuTV戀愛真人騷《戀愛Staycation》喺昨日(4日)剛剛播出完第一季,而4男4女亦成功用「表白」為節目畫上句號。但唔少網民就似乎對節目嘅安排感到不滿,認為結局太過倉拙;部份網民就覺得第8、9集嘅「劇情」發展急速,搞到好趕咁?!

《戀愛Staycation》第一季已經喺昨日(4日)完滿結束,原來仲有第二季,但網民就反而好擔心?!Photo from 傑仔IG

第二次約會情況

喺第8集,節目就安排4名女生邀請心儀嘅男生去約會,並由男方自行決定是否應約。而當時大部分參加者都似乎心有所屬,包括:嘉宏同新加入嘅Vicky、雀仔同傑仔,兩對「情侶」嘅發展都算係幾順利;而Henry則被YanYan及Kylie同時獲得邀請,最終佢選擇先去搵YanYan;其後再去搵Kylie,但就好似令佢陷入兩難狀況。

有兩對「情侶」似乎都發展得好順利,包括:嘉宏+Vicky(左)、傑仔+雀仔(右)!Photo from 《戀愛Staycation》

被2名女生同時選擇嘅Henry就先去咗同YanYan約會Photo from 《戀愛Staycation》

下半場再去搵KyliePhoto from 《戀愛Staycation》

齊人舉辦聖誕派對!

之後,眾人舉辦聖誕節party,再度全體聚埋一齊;而Henry事前因為知道Kylie鍾意傑仔,而鼓勵對方向男方釋出更明顯嘅訊號。喺party進行期間,Henry突然提出玩「亂吹」遊戲,其中一個人講一件事,再由其他人詢問問題判斷事情嘅真偽。

8位參加者為慶祝聖誕節舉辦party~Photo from 《戀愛Staycation》

期間,Henry提出玩「亂吹」遊戲,卻令場面變得越來越尷尬!Photo from 《戀愛Staycation》

玩遊戲闖出禍?

當輪到Kylie嘅時候,佢就好直接咁話「我鍾意傑仔」,令傑仔忍唔住尷尬掩面。而在旁幫手「助攻」嘅Henry就率先詢問「你冇直接同佢講過?」、「唔直接講係想顧及其他人感受?」等問題,但隨後Henry突然憤而離場、Kylie就爆喊,令在場氣氛超尷尬!

Kylie突然直接話「我鍾意傑仔」Photo from 《戀愛Staycation》

而當事人傑仔即刻好尷尬!Photo from 《戀愛Staycation》

派對變成宮廷戲!

其後,嗰聖誕party可以話係「出晒事」:YanYan因為不滿傑仔「遊走」於兩名女仔中間,而同雀仔有爭執、Vicky因為睇唔透大家嘅「節目效果」落淚、嘉宏發脾氣dum嘢等,最終Kylie再度爆喊,成個party可以話係好多波折,好似睇完宮廷劇咁!

其後,YanYan同雀仔有啲爭執Photo from 《戀愛Staycation》

Vicky坦承對於大家日日嘅節目效果而感到不解Photo from 《戀愛Staycation》

成個派對超混亂!Photo from 《戀愛Staycation》

2對「情侶」配對成功,「Player」身份公開!

喺第9集,男士們喺「表白」前親手製造手錶俾心儀嘅女生,最終雀仔與傑仔、Vicky與嘉宏配對成功;而Stan選擇同Vicky表白但未獲接受、Kylie並冇獲得任何男生嘅表白!另一方面,YanYan同Henry見面,不過由於Henry就係節目中安排嘅「player」,所以二人並唔算配對成功。

最終Vicky同嘉宏配對成功Photo from 《戀愛Staycation》

雀仔同傑仔都配對成功Photo from 《戀愛Staycation》

節目組公開Henry就係「player」!Photo from 《戀愛Staycation》

網民一致認為剪輯太多,導致片段不完整!

不過大部分網民都似乎唔係咁滿意節目組剪輯嘅手法,認為好多片段都「被剪得零零碎碎」,部份事件根本就未能交代細節,令觀眾一頭霧水難以理解!

大部分網民批評節目剪輯得好零碎,令片段唔完整!Photo from 連登討論區

公開第二季開播,但只得6集?

最後,節目組無預警地公開咗今晚(5日)開始播放第二季嘅資訊,令唔少網民更加感到不解!據悉第二季只係得6集,搞到網民都好擔心「咪仲跳過第一季」;儘管如此網民都表示見到對第二季嘅參加者後都表示好期待~

喺琴日嘅預告中,突然曝光開播第二季嘅訊息,令網民十分驚訝!Photo from 《戀愛Staycation》

雖然網民都好期待,但就擔心第二季得6集片段會更加零碎Photo from 連登討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

戀愛Staycation|女嘉賓被指「溝仔」技巧高超!雀仔食兩家茶禮

28 Jul , 2022

ViuTV戀愛真人騷《戀愛Staycation》第一次約會,Kylie同嘉宏、雀仔同Henry傑仔都分別開始dating,不過有睇咗約會過程嘅觀眾就直言兩位女嘉賓都「手段高超」,好識得點樣令男生對佢哋有好感。

雀仔同Henry傑仔都分別開始datingPhoto from 戀愛Staycation

雀仔同約會傑仔半日轉場見Henry

雀仔同時獲傑仔同Henry選擇,而佢就決定同傑仔約會,傑仔首先帶佢去整陶瓷,傑仔更表示自己之所以會揀一齊做陶瓷手工藝,正正係因為整陶瓷唔係一次就能完成,咁佢哋就可以再約會多幾次。

雀仔同時獲傑仔同Henry選擇,而佢就決定同傑仔約會,傑仔首先帶佢去整陶瓷Photo from 戀愛Staycation

整陶瓷期間,傑仔同雀仔都有唔少肢體接觸,整完陶瓷之後傑仔再帶雀仔去拳館,因為傑仔本身係一名拳擊教練,去到拳擊場後佢都表示好似返咗去自己屋企咁!之後兩人又一齊煮咖啡,不過飲完咖啡後雀仔就離開去見Henry,雀仔坦言自己本身係想5點走,結果都係遲咗啲。

整完陶瓷之後傑仔再帶雀仔去拳館,因為傑仔本身係一名拳擊教練,去到拳擊場後佢都表示好似返咗去自己屋企咁!Photo from 戀愛Staycation

兩人又一齊煮咖啡Photo from 戀愛Staycation

飲完咖啡後雀仔就離開去見HenryPhoto from 戀愛Staycation

雀仔早有準備,即時換鞋換耳環

雀仔赴第二次約會時更特登換咗對耳環,同波鞋。當節目組問佢有無同傑仔有「來電」嘅感覺,雀仔好婉轉咁表示:「都開心嘅,我都鍾意整啲手工藝。」3位主持都指感覺到雀仔對傑仔唔係好有feel。之後雀仔同Henry一齊煮飯、行海傍,另一邊傑仔本來book好嘅晚餐就只能自己一個食飯。

雀仔赴第二次約會時更特登換咗對耳環Photo from 戀愛Staycation

波鞋都換埋!Photo from 戀愛Staycation

雀仔早有準備Photo from 戀愛Staycation

之後雀仔同Henry一齊煮飯Photo from 戀愛Staycation

另一邊傑仔本來book好嘅晚餐就只能自己一個食飯Photo from 戀愛Staycation

唔少網友都指「雀仔明顯好識玩」:「食哂兩家茶禮,又識中途換耳環,好有經驗」,不過亦有人認為雀仔同Henry約會期間,Henry就係咁提傑仔,雀仔就一直整頭髮話「好緊張」、「好尷尬」。

唔少網友都指「雀仔明顯好識玩」Photo from ViuTV

亦有人認為雀仔同Henry約會期間,Henry就係咁提傑仔Photo from LIHKG

Kylie爆喊被指太綠茶

另一方面獲封「翻版袁嘉敏」嘅鄭杞瑤(Kylie)因為豐滿身材而成為焦點,佢於節目中亦不吝嗇大騷身材,不過參加者一齊唱歌,Henry以結他伴奏時,Kylie曾插嘴要求轉歌,事後Henry突然怒氣沖沖咁離開,場面尷尬。Kylie見狀忍唔住喺眾人面前爆喊,自責都係自己講錯嘢,令唔少網友指佢「太綠茶」!

另一方面獲封「翻版袁嘉敏」嘅鄭杞瑤(Kylie)因為豐滿身材而成為焦點Photo from 戀愛Staycation

Kylie曾插嘴要求轉歌,事後Henry突然怒氣沖沖咁離開,場面尷尬Photo from 戀愛Staycation

Kylie見狀忍唔住喺眾人面前爆喊Photo from 戀愛Staycation

網民指扮驚貓,Kylie愛與男生接觸?

嘉宏安排去貓cafe與Kylie約會,點知Kylie係怕貓嘅,所以一上到貓cafe Kylie就顯得十分緊張,仲要捉住嘉宏大嗌「好驚」,有網民直言Kylie怕貓嘅表現好唔自然:「真係驚貓唔係咁嘅」,又有網友指Kylie前一晚著到好「清涼」咁挨住傑仔,但第二日就話怕貓係咁捉住另一個男仔:「呢啲女仔應該就係女仔會好唔鍾意,但男人會好受嗰啲」

嘉宏安排去貓cafe與Kylie約會,點知Kylie係怕貓嘅,所以一上到貓cafe Kylie就顯得十分緊張Photo from 戀愛Staycation

捉住嘉宏大嗌「好驚」Photo from 戀愛Staycation

有網民直言Kylie怕貓嘅表現好唔自然Photo from ViuTV

有網友指Kylie前一晚著到好「清涼」咁挨住傑仔Photo from 戀愛Staycation

有網友指:「呢啲女仔應該就係女仔會好唔鍾意,但男人會好受嗰啲」Photo from LIHKG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel