download HolidaySmart 假期日常 app
有個閨密叫祖藍|胡杏兒大爆最差一次吻戲對象:拍完之後我當場嘔

有個閨密叫祖藍|胡杏兒大爆最差一次吻戲對象:拍完之後我當場嘔

娛樂新聞
By Jennifer on 09 Aug 2022
Digital Editor

胡杏兒近年北上發展,最近佢返香港出演《有個閨密叫祖藍》更大爆以前拍戲嘅小秘密,例如「最驚收到邊個藝人朋友電話」、「最差一次拍接吻戲體驗」,其中胡杏兒更表示佢試過拍吻戲拍到嘔!

胡杏兒近年北上發展,最近佢返香港出演《有個閨密叫祖藍》更大爆以前拍戲嘅小秘密Photo from 《有個閨密叫祖藍》

胡杏兒近年落力北上工作賺人仔

胡杏兒成為3孩之母但仍然不忘工作,誕下細仔Liam一個月即北上復工,連細仔百日宴都只能透過視像軟件慶祝。胡杏兒咁努力工作,佢接拍嘅幾套內地劇的確成績唔錯,參加《演員請就位2》更成功奪冠,一度人氣急升。

胡杏兒成為3孩之母但仍然不忘工作,誕下細仔Liam一個月即北上復工Photo from 胡杏兒微博

不過最近胡杏兒喺《乘風破浪3》中就被指表現「太自私」,更被鬧上熱搜,最終佢於第四次公演後淘汰,有指佢淘汰後將回港工作。

胡杏兒喺《乘風破浪3》中就被指表現「太自私」,更被鬧上熱搜,最終佢於第四次公演後淘汰Photo from 《乘風破浪3》

出演王祖藍節目《有個閨密叫祖藍》,胡杏兒自爆最愛曾比特

最近佢就出演王祖藍主持嘅節目《有個閨密叫祖藍》,祖藍帶胡杏兒去卡啦OK,兩人更睇喺K房有咩自己嘅歌可以唱,其中胡杏兒嘅歌有5頁、王祖藍就有7頁。最終王祖藍揀咗胡杏兒鍾意嘅歌手曾比特(Mike)嘅《初戀》。

最近佢就出演王祖藍主持嘅節目《有個閨密叫祖藍》,祖藍就帶胡杏兒去卡啦OKPhoto from 《有個閨密叫祖藍》

最終王祖藍揀咗胡杏兒鍾意嘅歌手曾比特(Mike)嘅《初戀》。Photo from 《有個閨密叫祖藍》

唱唱下Mike更驚喜現身K房同佢哋一齊唱!佢哋3個人坐低時胡杏兒就提到佢喺樂壇出道嗰年係佢覺得最辛苦嘅一年,當年年尾要出席頒獎典等10幾個活動,同時佢仲拍緊劇。胡杏兒講起一件小趣事,就係佢以歌手出道嗰陣正值拍攝劇集《秋香怒點唐伯虎》,同劇拍檔陳豪都好辛苦,拍劇嗰陣每當胡杏兒講對白,陳豪就會瞇埋眼閉目養神,令曾比特同王祖藍都表示驚奇。

唱唱下Mike更驚喜現身K房同佢哋一齊唱!Photo from 《有個閨密叫祖藍》

胡杏兒就提到佢喺樂壇出道嗰年係佢覺得最辛苦嘅一年Photo from 《有個閨密叫祖藍》

當年年尾胡杏兒要出席頒獎典等10幾個活動Photo from 《有個閨密叫祖藍》

胡杏兒講起一件小趣事,就係佢以歌手出嗰陣正值拍攝劇集《秋香怒點唐伯虎》,同劇拍檔陳豪都好辛苦Photo from 《有個閨密叫祖藍》

拍劇嗰陣每當胡杏兒講對白,陳豪就會瞇埋眼閉目養神Photo from 《有個閨密叫祖藍》

被問最驚收到邊個藝人嘅電話,胡杏兒大表尷尬

之後胡杏兒就同王祖藍輪流回答節目組安排嘅問題,其中王祖藍就問胡杏兒:「講出最驚收到佢電話嘅藝人」,胡杏兒聽完問題都表現得十分慌張,王祖藍幫佢解圍:「李思捷之類。」胡杏兒聞言即哈哈大笑,指對方唔會打畀佢。經過多番考慮,胡杏兒表示佢最驚「胡說八道會」嘅胡蓓蔚,因為對方可能會講有關居住喺內地父母嘅事,分分鐘係大件事。

王祖藍問胡杏兒:「講出最驚收到佢電話嘅藝人」Photo from 《有個閨密叫祖藍》

胡杏兒聽完問題都表現得十分慌張,王祖藍即幫佢解圍:「李思捷之類。」胡杏兒聞言即哈哈大笑,指對方唔會打畀佢。Photo from 《有個閨密叫祖藍》

胡杏兒表示佢最驚「胡說八道會」嘅胡蓓蔚Photo from 《有個閨密叫祖藍》

自爆最差一次吻戲經歷,胡杏兒錫完之後當場嘔?!

之後王祖藍問胡杏兒:「最差嘅一次吻戲」,王祖藍指:「即係問邊個男藝人接吻技巧差。」胡杏兒表現得十分尷尬:「唔可以講㗎!」但最終胡杏兒回答係拍《當狗愛上貓》時,喺條街度拍一場吻戲,胡杏兒稱當時只係輕吻,但唔知係咪佢嗰日個胃唔舒服:「拍完之後我當場嘔!」令王祖藍都大吃一驚!

之後王祖藍問胡杏兒:「最差嘅一次吻戲」,王祖藍指:「即係問邊個男藝人接吻技巧差。」Photo from 《有個閨密叫祖藍》

胡杏兒表現得十分尷尬:「唔可以講㗎!」Photo from 《有個閨密叫祖藍》

最終胡杏兒回答係拍《當狗愛上貓》時Photo from 《有個閨密叫祖藍》

胡杏兒稱當時只係輕吻,但唔知係咪佢嗰日個胃唔舒服:「拍完之後我當場嘔!」Photo from 《有個閨密叫祖藍》

王祖藍都大吃一驚Photo from 《有個閨密叫祖藍》

劇中胡杏兒同黃浩然、羅家良都有感情線,佢未有講明係同邊位男藝人嘅吻戲,但其後王祖藍指:「我哋重溫嗰個鏡頭。」然後就播出黃浩然喺車旁輕吻胡杏兒臉頰嘅一幕。

其後王祖藍指:「我哋重溫嗰個鏡頭。」Photo from 《有個閨密叫祖藍》

雖然胡杏兒未有講明係同邊位男藝人嘅吻戲,但節目組卻播出黃浩然喺車旁輕吻胡杏兒臉頰嘅一幕Photo from 《有個閨密叫祖藍》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

視后胡杏兒北上發展感嘆無得做女主角!早前出席頒獎禮僅坐第二排

6 Jan 2021

胡杏兒貴為「視后」,早前出演《演員請就位2》奪冠,演技備受肯定。佢近日參加大陸節目《送一百位女孩回家》,表示北上發展,現時已無得再做女主角又直指有惡評話佢返大陸撈金等。

胡杏兒2011年憑《萬凰之王》勇奪「最佳女主角」、《怒火街頭》奪「我最喜愛電視女角色」,同時獲奪全港觀眾投票選為「非凡風采女藝員」,成「三料視后」。

胡杏兒2011年憑《萬凰之王》勇奪「最佳女主角」,成「三料視后」Photo from 胡杏兒微博

佢喺2015年同大台約滿後宣佈離巢,之後就開始上大陸發展,陸續都參加過唔少綜藝節目。雖然胡杏兒2016年已開始北上發展,但參演嘅電視劇數量卻非常少。

不過佢早前出演綜藝節目《演員請就位2》,曾多次因演技而上熱搜榜,更一舉奪得冠軍,演技備受認同。

胡杏兒早前出演綜藝節目《演員請就位2》,曾多次因演技而上熱搜榜,更一舉奪得冠軍Photo from 胡杏兒微博

胡杏兒近日上大陸節目《送一百位女孩回家》受訪,談到佢同老公都好想可以生3個小朋友,而最近懷上三胎嘅佢自爆自己因為懷孕推咗5部戲。

胡杏兒近日上大陸節目《送一百位女孩回家》受訪,談到佢同老公都好想可以生3個小朋友Photo from 《送一百位女孩回家》

胡杏兒表示依家已經無機會做女主角:「胡杏兒是誰啊?胡杏兒不代表誰的。」佢坦承返到內地自己地位根本唔算係啲咩。

胡杏兒表示依家已經無機會做女主角Photo from 《送一百位女孩回家》

胡杏兒指:「胡杏兒是誰啊?胡杏兒不代表誰的。」Photo from 《送一百位女孩回家》

其實喺「時尚先生2020」頒獎禮上,貴為視后嘅胡杏兒僅被安排坐第二排,第一排就留返畀大陸當紅演員如楊冪﹑鄧倫等。

喺「時尚先生2020」頒獎禮上,貴為視后嘅胡杏兒僅被安排坐第二排Photo from 微博

佢又直指現時仍會有啲惡評,例如話佢「返大陸撈金」等,佢大方回應:「每個人都有自己的喜愛。」

胡杏兒直指現時仍會有啲惡評,例如話佢「返大陸撈金」等Photo from 《送一百位女孩回家》

胡杏兒又提到家庭同老公,佢表示自己係嫁給愛情,當初選港姐其實只係為養家,又表示無諗過嫁入豪門:「我覺得豪門都輪不到我吧!」

胡杏兒又提到家庭同老公,佢表示自己係嫁給愛情Photo from 《送一百位女孩回家》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel