download HolidaySmart 假期日常 app
七師傅公開無敵海景大屋 開住冷氣曬太陽浸浴 稱有助事業桃花運?

七師傅公開無敵海景大屋 開住冷氣曬太陽浸浴 稱有助事業桃花運?

生活熱話 娛樂新聞
By Moon Lam on 09 Aug 2022
Digital Content Writer

風水師七師傅(七仙羽)最近人氣急升密密接job,佢曾經透露過自己身家逾10億,亦稱自己手頭上嘅物業10隻手指都數唔晒,而今次佢大曬其中一個物業內部環境!

IG@master_qi_xian_yu_Photo from IG@master_qi_xian_yu_

自稱「獵人」買荀盤

七師傅指屋企人係做投資,認識好多地產經紀,所以多年來都搵到唔少靚樓盤,用平價就可以購入筍盤,唔少都係移民盤或者樓主盤,自稱係「獵人」!早前佢更被踢爆同地產經紀睇價值2000萬嘅九龍站上蓋豪宅屋苑,當時佢表示層樓原價要4500萬,平咗一半有多,非常抵買!

IG@master_qi_xian_yu_Photo from IG@master_qi_xian_yu_

大曬大屋環境

近日佢大曬家中照片,根據圖片嚟睇應該住喺高層,超大玻璃窗直對無敵大海景,推測鄰近西九龍故宮博物館同九龍站嘅W Hotel,屋內採現代風裝修,空間闊落而且相當企理。

IG@master_qi_xian_yu_Photo from IG@master_qi_xian_yu_

佢喺貼文中表示好多公眾地方例如沙灘都唔方便去,不過就慶幸屋企每間房都好好太陽,可以催着冷氣曬太陽、食生果,然後浸花浴,生活認真寫意~原來佢早前已經講過鍾意住紅磡嘅酒店式住宅,可以趨旺事業運同桃花運,難怪七師傅事業愛情兩得意,真係羨煞旁人!

IG@master_qi_xian_yu_Photo from IG@master_qi_xian_yu_

七師傅亦曾經以1600萬購入馬鞍山獨立屋,有四層樓高,面積達3000尺,屋內裝修以雲石同水晶作主題,仲係七師傅一手包辦,當時七師傅都講過馬鞍山獨立屋有利健康運,間唔中會嚟度假,或者借比僧侶黎香港時暫住。

七師傅話食下生果浸下花浴~好寫意Photo from IG@master_qi_xian_yu_

七師傅真識歎!Photo from IG@master_qi_xian_yu_

準備開騷心情平情

另外,七師傅嚟緊準備開騷,不過就話自己冇點排練過,三個鐘表演流程自己睇一次就記得,其他都係考佢係台上嘅轉數,同時亦話心情好平靜,睇黎要開騷對七師傅無乜影響!

七師傅同拍拖十年男友同住Photo from Facebook 七仙羽

佢亦透露最近畫緊一幅熊貓油畫,仲叫大家估吓送俾邊一位神秘人物,網民一面倒咁估係「未瞓夫」張敬軒,兩人交情非常好,而且仲笑稱「張敬軒係你個寶」、因為張敬軒有熊貓眼!

IG@master_qi_xian_yu_Photo from IG@master_qi_xian_yu_

估唔到師傅畫功都唔錯!Photo from IG@master_qi_xian_yu_

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

七仙羽自爆身家,擁逾10個香港物業:林作得1億就收聲啦!

20 Jun 2022

七師傅(七仙羽)人氣爆燈,狂接廣告。日前佢接受訪問時就自爆個人資產,透露自己自細家境唔錯,又表示曾經炒股蝕超過1,000萬!七師傅仲對林作自稱約有1億身家嘅言論嗤之以鼻。

七師傅(七仙羽)人氣爆燈,狂接廣告Photo from 七仙羽 IG

七師傅對林作自稱身家達1億嗤之以鼻

七師傅以風水玄學師身份參與ViuTV多個綜藝節目,人氣持續上升,其半鹹淡廣東話成為個人標誌,更接咗好多廣告,有指佢一個月已接40個廣告賺到笑!

七師傅以風水玄學師身份參與ViuTV多個綜藝節目,人氣持續上升,其半鹹淡廣東話成為個人標誌Photo from ViuTV

最近七師傅接受訪問時被問到身家有幾多,佢提到之前同林作上綜藝節目,問林作身家幾多,對方口氣好大、講到自己好勁,表示差唔多有一億,聽到呢個回答,七師傅直言:「咁你(林作)就收聲啦!呢啲算咩錢呀!我一早都有啦!」

七師傅提到之前同林作上綜藝節目,對方表示身家差唔多有一億,聽到呢個回答,七師傅直言:「咁你(林作)就收聲啦!呢啲算咩錢呀!我一早都有啦!」Photo from BusinessFocus

七仙羽炒股蝕1,000萬改買樓投資,自爆身家逾10億

七師傅稱佢身家肯定過億,仲指依家通街都係身家過億嘅大師,被問到個人資產過唔過10億,七師傅再爆:「$10億又算乜嘢呀?!」但佢指未有$100億身家咁多~

七師傅稱佢身家肯定過億,仲指依家通街都係身家過億嘅大師Photo from BusinessFocus

被問到個人資產過唔過10億,七師傅再爆:「$10億又算乜嘢呀?!」Photo from BusinessFocus

七師傅透露佢家境唔錯,從小就跟屋企人四圍做生意,讀書時已開始投資、買股票。七師傅表示當時家人畀咗$1,000萬佢,但佢炒股票全部蝕晒,之後轉為投資買樓,依家喺香港擁有最少10個物業。除咗香港,佢喺世界各地都有買樓。

七師傅表示讀書時家人畀咗$1,000萬佢,但佢炒股票全部蝕晒Photo from BusinessFocus

七仙羽轉為投資買樓,喺香港擁有最少10個物業。Photo from BusinessFocus

七師傅自認財經知識豐富

佢表示自己唔太在乎有幾多錢,屋企亦唔使佢養家,佢做過財經記者、作詞人,雖然家人想佢做律師、醫生,但七師傅笑言佢講嘢唔正、個人又單純所以做唔到呢啲高尚職業。

七仙羽做過財經記者、作詞人Photo from 七仙羽 IG

七師傅稱佢依家唔做嘢,淨係收租都夠,但佢唔想浪費人生,要普度眾生、弘揚佛法。其實師傅不時喺個人IG分享對樓市嘅睇法,仲話佢認識好多地產經紀,介紹好多平過市場價嘅筍盤畀佢。

七師傅稱佢依家唔做嘢,淨係收租都夠,但佢唔想浪費人生,要普度眾生、弘揚佛法。Photo from BusinessFocus

曾經做過財經記者嘅七師傅之前獲邀上財經節目做嘉賓,卻被觀眾斥為「神棍」,佢指自己知道嘅財經知識多過大家嘅想像:「我長期在印度尼泊爾等地閉關修煉,我的認知及功力,早巳超出你的想像」

做過財經記者嘅七師傅之前獲邀上財經節目做嘉賓,卻被觀眾斥為「神棍」,佢指自己知道嘅財經知識多過大家嘅想像Photo from 七仙羽 IG

即睇訪問片段:

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel