高海寧疑似有新戀情?!感情路波折重重,入行後只承認與鄧智偉交往過!

高海寧疑似有新戀情?!感情路波折重重,入行後只承認與鄧智偉交往過!

娛樂新聞
By Stephanie on 09 Aug 2022
Digital Content Writer

35歲高海寧身材高挑苗條,而近年佢嘅事業發展順遂,演技實力亦日漸進步~最近,佢喺IG上載短片,只見佢不停擺pose,心情似乎靚爆,並附上「#喜歡在你身邊的我」等字句,令網民不禁猜測「女神」係咪有新戀情?!

高海寧喺IG最新上載嘅照片,令唔少網民都覺得佢係有新戀情?!Photo from 高海寧IG

高海寧從「茄哩啡」做起

高海寧喺2008年參選《香港小姐》最終晉身五強,並獲得「旅遊大使獎」;其後加入大台成為旗下藝人。入行後佢經常獲邀出演唔同電視劇,但初期大多飾演茄哩啡角色,直到喺2013年憑劇集《使徒行者》飾演「林希微(Amy)」嶄露頭角,令佢嘅知名度大增,事業發展變得順利!

高海寧喺2008年參選港姐,榮獲「旅遊大使獎」Photo from TVB

而高海寧現時嘅演技備受肯定,最近仲喺《童時愛上你》擔正做女一Photo from 《C9特工》

疑似有新戀情?

而高海寧自入行以來一直都低調處理感情事,甚少與其他藝人傳出緋聞。日前,佢喺IG上載一條短片:只見佢一邊欣賞美麗嘅夜景一邊擺pose影相,笑容十分燦爛;並附上「有沒有那麼幾個人,你很喜歡跟他們在一起時自己的狀態,做自己 鬆弛 自在 🤎」,仲加上「#喜歡在你身邊的我」,令唔少網民都猜測佢似乎正在蜜運中~

高海寧近日喺IG上載最新近照Photo from 高海寧IG

附上「right people always stay」疑似有新戀情?Photo from 高海寧IG

曾表示對感情極被動

過往高海寧曾表示自己對待感情比較小心翼翼,一旦開始一段感情就唔會輕易放棄,所以拍拖次數並唔多過5次,最長嘅一段戀情仲維持咗8年咁耐!不過隨住年紀增長,佢亦明白到能夠尋覓到互相喜歡嘅人並唔容易「所遇到嘅時候唔可以錯過!」心態上似乎都有所改變。

高海寧曾表示自己喺感情中十分被動Photo from 高海寧IG

入行後只與鄧智偉傳過緋聞!

翻查返高海寧嘅情史,喺2015年佢同「音樂才子」鄧智偉傳緋聞,一傳緋聞就傳足5年,更被傳媒大爆二人同居等傳聞。雖然二人從未公開承認過戀情,不過女方就表示欣賞對方有才華。

2015年,高海寧同「音樂才子」鄧智偉傳緋聞Photo from 高海寧IG

而高海寧曾坦承欣賞男方有才華!Photo from 鄧智偉IG

分手後才默認前女友身份

2020年,有傳媒曝光二人分手嘅傳聞,仲大爆鄧智偉偷食失婚少婦陷入桃色風波。其後,高海寧默默承認前女友身份,喺IG出post「 從來感情事都是低調處理,而今天,只想為早已逝去的輕輕劃上句點。」據悉,男方因為性格多情導致惹怒女友,而女方當時亦取消follow對方IG帳號。

2020年鄧智偉被爆偷食失婚少婦,女方仲報警而揭發事件。Photo from 鄧智偉IG

事後高海寧喺IG承認二人曾交往但已經分手Photo from 高海寧IG

分享被前男友背叛經歷

除此之外,高海寧喺節目《Tiger's Talk》自爆以前曾經被前男友背叛嘅經歷,仲喺不知情嘅狀況之下成為「第三者」,直言自己喺感情中「每次都被人搶!」而佢仲話並唔介意男友鍾意第二個「你覺得佢好過我,It’s OK!但我會選擇同你一齊,係因為我覺得你重要過其他人。」真係同大眾嘅諗法有啲唔同咁~

高海寧喺節目分享被前男友背叛嘅經歷,指自己經常喺感情中處於下風。Photo from 高海寧IG

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

高海寧回憶大台辛酸不禁落淚 從茄哩啡做起 由天台屋進駐九肚山豪宅

10 Jun , 2022

高海寧早前與王浩信張振朗王祖藍北上發展。最近佢哋參加內地綜藝節目《開播情景喜劇》,當佢哋回憶大台辛酸史時,高海寧都忍唔住眼濕濕。現在佢終於捱出頭,可以買樓回報家人!

高海寧最近上內地發展,參演綜藝時憶起大台辛酸不禁落淚。Photo from 高海寧IG

高海寧回憶大台辛酸不禁落淚

35歲高海寧近日參演內地綜藝騷《開播情景喜劇》,同場拍檔張振朗和王祖藍都指,佢哋在大台都係由低做起,高海寧都不禁眼泛淚光表達認同,說道:「我就是從這個少林寺電視台裡,從一個跑龍套開始演戲的演員。」同時,佢指大家全靠保持熱忱,才可以對演戲還那麼有拼勁。

高海寧講述以往入行嘅回憶。Photo from 《開播情景喜劇》截圖

對於節目嘅演出環節,高海寧直認自己舞台經驗不足,還是會感到緊張,導致未能發揮最佳水準。但佢慶幸在排練過程中學習良多,會鞭策自己繼續進步。

雖然過程辛苦,但獲益良多。Photo from 《開播情景喜劇》截圖

14歲才與父母團聚,為媽媽參加選美

高海寧出生內地,年幼被外婆照顧,直到14歲才來港與父母,和兩名弟弟同住在旺角一座大廈嘅天台屋。其實,海寧本來沒有很大意欲參加選美,但媽媽每天都鼓勵女兒參選,其後連爸爸都加入行列。最後,海寧決定為父母圓夢,參加比賽並入圍最後五強。

高海寧小時候在內地由外婆照顧。Photo from 高海寧IG

決心賺大錢養家

高海寧雙親以往要在街邊擺檔維生,爸爸更曾被海關拘捕。所以,佢很早便決心要改善全家生活。事業有起色後,據悉佢每月會給父母五位數家用,同時供養住內地嘅婆婆,以及出錢供兩名弟弟讀書。

高海寧非常愛惜父母和兩名弟弟。Photo from 高海寧IG

買樓孝敬父母

高海寧2015年成功置業,佢以大約526萬元入手一個油塘新樓盤,單位現時被出租,據聞租金全歸母親。除此,有傳高海寧其後再置入另一單位送贈父母,並靠自己努力供樓,真係好有孝心。

高海寧為報答家人,努力賺錢上車。Photo from 高海寧IG

高海寧現時集中在內地發展,有指佢在當地工作僅三個月,收入已高達7位數,去年更有消息指佢已搬到一間九肚山豪宅居住,真係苦盡甘來。

去年有報道指高海寧搬入九肚山豪宅。Photo from 高海寧IG

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel